1 KARAENG-KARAENG 11:9 - KITTA' MATANGKASA'

^9-10 Pinruammi Batara, Allata'alana Israel Napappicinikang KalenNa mae ri Salomo siagang Napakainga' angkanaya takkuleai anynyomba mae ri rewata-rewata maraenga. Mingka Salomo tena namappilangngeri ri Batara. Ba'lalo nabokoimi Batara sa'genna larromi Batara mae ri ia.

1 KARAENG-KARAENG 11:9 Referans Kwoze

1 KARAENG-KARAENG 9:2

Napappicikammi pole KalenNa Batara ri ia, sangkamma le'baka kajariang ri Gibeon.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

2 SAMUEL 6:7

Anjo memang wattua Nalarromo Karaeng Allata'ala mae ri Uza, lanri nahinana Batara battu ri anjo panggaukanna. Nibunomi Uza ri anjo tampaka, ri ampi'na Patti Parjanjianga.

PAOLE 9:20

Larro dudu tongi Batara mae ri Harun sa'genna eroki Nabuno; mingka kupappala' doangngang tongi.

PAOLE 9:8

Ba'lalo le'baki nupakalarro sikali Batara ri Moncong Sinai, sa'genna eroki angngancurukko.

PAOLE 7:4

sollanna tena nanipakabella ana'-ana'nu ri ke'nanga battu ri Batara, untu' anynyomba ri rewata-rewata maraenga. Punna anynyombako mae ri rewata-rewata maraenga, larroi Batara siagang laNaancuru' memangko silalonna.

PAOLE 3:26

Mingka passabakkang ikau ngasemmi Nalarro Batara mae ri nakke sa'genna tena Naturukianga' pappalakku. Kabalekanna Nakana Batara, ‘Sikamma monjo Musa, tea' mako paui pole anjo passalaka!

PAMMILANGNGANG 12:9

Teaimi sipato' larroNa Batara mae ri ke'nanga sipa'rua, nampa a'lampa.

KALAPPASSANG 4:14

Jari larromi Batara mae ri Musa na Nakana, “Sai nia' sari'battannu niarenga Harun? Kuassengi angkanaya ia cara'deki a'bicara. Sikontutojenna, kamma-kamma anne niaki lalang pa'jappang mae anrinni, siagang lasannang sikali nyawana lanri assibuntulu'nu.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

1 PATTOTTORANG 21:7

Tena Nasannang Allata'ala ri anjo bilanga siagang Nahukkummi tu Israel.

2 SAMUEL 11:27

Nampa le'ba'na kasusaanna, nasuro allemi Daud anjo bainea nanierang mange ri balla' kakaraenganga siagang nabaineammi. Siapa are bulang ribokoanganna allassukammi sitau ana' bura'ne. Mingka tena nasannang pa'mai'Na Batara mae ri anjo panggaukanna Daud.

1 KARAENG-KARAENG 11:8

Appaenteng tongi Salomo tampa'-tampa' akkullea napake sikamma bai'-baine battu pantara'na untu' assare koro'bang mae ri rewata-rewata kalenna ke'nanga.

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.