1 KARAENG-KARAENG 11:36 - KITTA' MATANGKASA'

³⁶ Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 11:36 Referans Kwoze

2 KARAENG-KARAENG 8:19

Mingka taerokai Batara ampanraki Yehuda lanri le'ba'na a'janji mae ri Daud atanna, angkanaya jari-jarina tuli la'jari karaeng.

1 KARAENG-KARAENG 15:4

Mingka lanri Karaeng Daud, nanisaremo Abiam sitau ana' ri Batara, Allata'ala nasombaya Daud, untu' ansambeangi ammarenta ri Yerusalem siagang ampartahangkangi anjo kotaya.

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

PAMMUJI 132:17

Anrinni sitau turunganna Daud Kupa'jari karaeng; laKupakajarreki pamarentahanna.

2 PATTOTTORANG 21:7

mingka taerokai Batara amputtai karaeng jari-jarina Daud, lanri le'baki a'janji angkanaya jari-jarina Daud tuli lammarenta.

2 SAMUEL 21:17

Mingka niaki battu Abisai ana'na Zeruya antulungi Daud. Nabakkai anjo tau lompoa kalenna nampa nabuno. Le'baki anjo napala'mi ana' buana Daud sollanna a'janji Daud angkanaya tenamo nalamminawang pole antama ri pa'bundukanga. Nakana ke'nanga, “Ikatte karaeng panrannuanna tu Israel, gassingka tenamaki' sallang ri tangnga-tangngana ikambe.”

PAPPICINI' 21:10

Nikoasaima' ri RohNa Allata'ala, siagang naeramma' anjo malaekaka nai' ri tompo'na moncong sannaka tinggina. Napicinikiamma' kota Yerusalem, anjo kota matangkasaka. Anjo kotaya turungi battu ri Allata'ala, battu ri suruga,

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

1 KARAENG-KARAENG 11:32

Se're suku lammantang ri Salomo, lanri atangKu Daud, siagang lanri Yerusalem, ia le'baka Kupile battu ri sikontu pa'rasangang Israel a'jari kotaKu.

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

2 SAMUEL 7:29

Lanri kammana anjo, kupalaki, poro mangngellaiKi' naKibarakkaki jari-jariku, sollanna tulusu' nakasia'na ke'nanga pangngamaseanTa sa'genna satunggu-tungguna. O, Batara Kaminang Tinggia, yangasenna anjo le'ba'mi Kipa'janjiang, jari tuli laKibarakkaki jari-jariku sa'genna satunggu-tungguna.”

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

2 SAMUEL 22:29

Kiparinrai kanjoliku; Nasingari Karaeng Allata'ala kasassangangku.

1 KARAENG-KARAENG 11:37

Nampa ikau Yerobeam, laKupa'jariko karaeng ri Israel siagang laKupa'biangko ammarenta ri sikontu daera nukaerokia.

1 KARAENG-KARAENG 12:17

na'jari karaemmo Rehabeam poro ri daera Yehuda bawang.

1 KARAENG-KARAENG 14:21

Ri wattunna Rehabeam, ana'na Salomo, a'jari Karaeng Yehuda, umuru'na patampulo asse're taung. Sampuloi antuju taung sallona ammarenta ri Yerusalem. Battu ri sikontu Israel anjo kotaya Napa'jari tangkasa'mi Batara a'jari tampa' passambayangang mae ri Ia. Amma'na Rehabeam iamintu Naama, battu bansa Amon.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

1 KARAENG-KARAENG 8:29

Poro allo bangngi Kila'langngi anne ballaka, le'baka Kipile a'jari tampa' passambayangang mae ri Katte. Poro battu ri pammantanganTa ri suruga Kipilangngeri siagang Kipammopporanga' siagang ummatTa, punna battu ikambe ri anne ballaka untu' appala' doang ri Katte.

2 PATTOTTORANG 12:13

Anjorengi ri Yerusalem Rehabeam ammarenta, siagang pila' lompoi kakoasanna. Wattuna a'jari karaeng 41 taung umuru'na, siagang 17 taung sallona ammarenta ri Yerusalem, iamintu kota Napilea Batara battu ri alla'na sikontu daera Israel untu' a'jari tampa' panynyombang mae ri KalenNa. Amma'na Rehabeam iamintu Naama battua ri pa'rasangang Amon.