1 KARAENG-KARAENG 11:29 - KITTA' MATANGKASA'

²⁹ Ri se'reang allo assulukangi Yerobeam battu ri Yerusalem. Ri tangngana aganga iamintu ri paranga, nibattuimi ri Na'bi Ahia battu ri Silo ammakea juba beru anjo wattua.

1 KARAENG-KARAENG 11:29 Referans Kwoze

2 PATTOTTORANG 9:29

Pau-pau maraengannaya ri passala'na Karaeng Salomo sa'genna kala'busanna niaki nicata' lalang ri kitta' Pau-pauanna Na'bi Natan siagang lalang ri kitta' Kana tappu riolona Ahia tu Silo, siagang lalang ri kitta' Pappicini' Na'bi Ido, niaka todong napau pau-pauanna pamarentahanna Yerobeam karaeng Israel.

1 KARAENG-KARAENG 14:2

Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

1 KARAENG-KARAENG 12:15

Tena najampangi pappala'na ra'yaka. Mingka anjo memang ero'Na Batara. Apa le'baka Napau Batara tete ri Na'bi Ahia battu ri Silo ri passala'na Yerobeam ana'na Nebat, musti kajariangi.

2 SAMUEL 14:6

Nia' ana' bura'nena atanta rua. Ri se'reang allo a'besereki ke'nanga ri paranga. Lanri tenana tau ansa'lakki ke'nanga, matemi kalase'renna nibuno ri sari'battanna.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

1 KARAENG-KARAENG 11:11

Nakana Batara, “Nasaba' lalang sadara'nu nanudakkai parjanjiannu siagang iNakke, siagang tena numannuruki ri parenta-parentaKu, jari laKurampasaki kakaraenganga battu ri kau, nampa Kupassareang mae ri sitau pagawenu.

1 KARAENG-KARAENG 14:4

Jari a'lampami bainenna Yerobeam mange ri balla'na Na'bi Ahia ri Silo. Anjo na'bia takkulleami accini' lanri sanna'mi toana.

2 PATTOTTORANG 10:15

Tena najampangi anjo pappala'na ra'yaka. Mingka memang anjo ero'Na Karaeng Allata'ala. Anjo apa le'baka Napau Batara tete ri Na'bi Ahia battu ri Silo musti a'rupai.

1 KARAENG-KARAENG 12:2

Anjo wattua Yerobeam ana'na Nebat nia' iji ri Mesir lanri larina battu ri Karaeng Salomo. Ri wattu nalangngere'na kabara'na Rehabeam, ammotere'mi mange ri Israel.