1 KARAENG-KARAENG 11:26 - KITTA' MATANGKASA'

²⁶ Tau maraenga, ia angngewayai Salomo, iamintu sitau pagawena niarenga Yerobeam. Ia ana'na Nebat battu ri Zereda ri Efraim. Amma'na jandami, niarenga Zerua.

1 KARAENG-KARAENG 11:26 Referans Kwoze

2 PATTOTTORANG 13:6

Mingka manna nakamma mamo, anjo Yerobeam ana'na Nebat, angngewai mae ri Salomo, karaenna.

1 KARAENG-KARAENG 12:2

Anjo wattua Yerobeam ana'na Nebat nia' iji ri Mesir lanri larina battu ri Karaeng Salomo. Ri wattu nalangngere'na kabara'na Rehabeam, ammotere'mi mange ri Israel.

1 KARAENG-KARAENG 11:28

anjama tongi Yerobeam anjoreng. Ri wattunna nacini' Salomo angkanaya cara'deki siagang rajengi anjo Yerobeam anjama, nasaremi tanggong jawa' untu' angngawasi tunjama nipassaya ri daera suku Manasye siagang Efraim.

1 KARAENG-KARAENG 11:11

Nakana Batara, “Nasaba' lalang sadara'nu nanudakkai parjanjiannu siagang iNakke, siagang tena numannuruki ri parenta-parentaKu, jari laKurampasaki kakaraenganga battu ri kau, nampa Kupassareang mae ri sitau pagawenu.

2 SAMUEL 20:21

Mingka nia' sitau niareng Seba, ana'na Bikri, tubattu ri daera monconna Efraim, le'ba' ero' angngewa ri Karaeng Daud. Passareangi anjo taua, kunampa a'lampa battu ri anne kotaya.” Nakanamo anjo bainea, “Ulunna anjo taua lanapasambilai ikambe battu rate ri temboka anne mae ri katte.”

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 PATTOTTORANG 2:19

Ri matenamo Azuba, a'bunting poleammi Kaleb siagang Efrat nanggappa sitau ana' bura'ne niarenga Hur.

1 KARAENG-KARAENG 21:22

Kaluarganu la'jari sangkammai kaluargana Karaeng Yerobeam ana'na Nebat siagang sangkammai kaluargana Karaeng Baesa ana'na Ahia, lanri ikaumi a'jari passabakkang nadoraka tu Israel sa'genna napakabattu larroKu.’

1 KARAENG-KARAENG 16:3

Lanri kammana anjo, laKupa'lanynyakko siagang kaluarganu sangkamma apa le'baka Kugaukang mae ri Yerobeam.

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 9:22

Tu Israelka tena napa'jari atai Salomo. Nasarei tugasa' ke'nanga a'jari tantara, perwira tantara, panglima, komandang kareta pa'bundukang, siagang tantara pasukang a'jarang.

1 SAMUEL 17:12

Daud iamintu ana'na Isai tu Efrata, battu ri Betlehem ri Yehuda. Isai nia' sagantuju ana'na bura'ne. Na ri wattu pamarentahanna Saul, toa sikalimi Isai.

PA'JARIANG 35:16

Le'baki anjo a'lampami Yakub siagang rombonganna ambokoi Betel. Ri wattu bellana ija sike'de' battu ri Efrata, narapi'mi wattunna Rahel ammana'. Mingka sukkaraki kalassukanna anjo ana'na.

1 KARAENG-KARAENG 11:25

Sangkamma Hadad, Karaeng Rezon namusu tongi Israel ri jammang attallasa'na Salomo, siagang nakacoi anjo pa'rasanganga.

HAKING-HAKING 12:5

Anjo tu Gilead lalang a'bunduka, naempoimi tampa'-tampa' pa'limbanganga ri Binanga Yordan, sollanna akkulle naruppai tu Efraim eroka lari. Ri wattunna nia' se're tu Efraim ero' lari, appala' paramisimi untu' a'limbang. Akkuta'nammi tu Gileadka ri ia angkana, “Apaka tu Efraimko?” Punna appiali angkana “Teai”,

2 PATTOTTORANG 9:29

Pau-pau maraengannaya ri passala'na Karaeng Salomo sa'genna kala'busanna niaki nicata' lalang ri kitta' Pau-pauanna Na'bi Natan siagang lalang ri kitta' Kana tappu riolona Ahia tu Silo, siagang lalang ri kitta' Pappicini' Na'bi Ido, niaka todong napau pau-pauanna pamarentahanna Yerobeam karaeng Israel.