1 KARAENG-KARAENG 11:19 - KITTA' MATANGKASA'

¹⁹ Jari a'jarimi Hadad agang baji'na karaenga, sa'genna napassareammi ipara' kalenna karaenga, iamintu andi'na Tahpenes bainenna karaenga, mae ri Hadad untu' a'jari bainenna.

1 KARAENG-KARAENG 11:19 Referans Kwoze

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

PA'JARIANG 41:45

Nampa nisaremo areng Mesir ri karaenga anjo Yusuf, iamintu niarengi Zafnat-Paaneah. Nisare tommi sitau baine niarenga Asnat, ana'na Potifera, a'jari imanga ri kota Heliopolis. Umuru'na Yusuf tallumpulo taung ri wattunna appakkaramula anjama untu' karaeng Mesir. Jari a'lampami Yusuf battu ri balla' kakaraenganga mange angkulilingi najappai sikontu pa'rasanganga.

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

PA'JARIANG 39:4

Sannammi nyawana Potifar mae ri Yusuf, siagang naangka'mi a'jari palayang untu' kalenna. Nampa nasare tugasa' Yusuf untu' angngurusuki bone balla'na kammayatompa sikontu pa'barang-baranganna.

LAMPA-LAMPANA 7:21

ri wattunna nipela' naung ri je'neka, nirappummi ri ana' tulolona Firaun, nampa naparakai sangkamma ana' kalenna.

1 KARAENG-KARAENG 11:18

A'lampai ke'nanga battu ri Midian, nampa mange ri Paran. Anjoreng asse'remi ke'nanga siagang siapa are tau maraengannaya, nampa assiagang ke'nanga a'lampa mange ri Mesir angngagangi assibuntulu' karaeng Mesir. Anjo karaenga nasaremi Hadad balla' siagang tampa' untu' pammantanganna siagang kaparalluang katallassang.

1 KARAENG-KARAENG 11:20

Nampa ammana'mo anjo bainenna Hadad sitau ana' bura'ne niarenga Genubat. Anne anaka nipakalompoi ri kalenna bainenna karaenga siagang ammantangi siagang ana'-ana' bura'nena karaenga.