1 KARAENG-KARAENG 1:48 - KITTA' MATANGKASA'

⁴⁸ appala' doang angkana, ‘Nipujiki', o Batara, Allata'ala nasombaya umma' Israel. Anne alloa kalase'renna turungangku le'ba'mi Kiangka' a'jari karaeng untu' ansambeanga'. Siagang iKattemi ansarea' kasampatang attallasa' untu' ansa'bi!’ ”

1 KARAENG-KARAENG 1:48 Referans Kwoze

1 KARAENG-KARAENG 3:6

Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

PANGNGEBARANG 17:6

Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.

PAMMUJI 145:2

Allo-alloku ero' appala' sukkuru' mae ri Katte, siagang kupakala'birikKi' satunggu-tungguna.

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

PAMMUJI 34:1

Pammujina Daud, ri wattunna assara-sarai tasilolongang pikkiranna ri dallekanna Abimelekh, sa'genna nibongka a'lampa.

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

1 PATTOTTORANG 17:17

Ba'lalo nala'biangampa pole anjo apa Kigaukanga; le'ba'maKi' a'janji ri passala'na turungangku sallang labattua. Ba'lalo Kipa'jarima' se're tau malompo.

2 SAMUEL 24:3

Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

1 SAMUEL 25:32

Nakanamo Daud ri ia, “Nipujimi Batara, Allata'alana Israel ia assuroako battu ambuntulia' anne alloa.

1 KARAENG-KARAENG 1:49

Sikamma toananna Adonia a'jari malla' ngasemmi, sa'genna ammenteng ngasemmo ke'nanga nampa a'lampa, massing a'boya oloang kalenna.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

1 KARAENG-KARAENG 8:20

Kamma-kamma anne Narupaimi janjinNa Batara. A'jari karaemma' ansambeangi manggeku, siagang le'ba' tomma' ambangung balla' untu' tampa' passambayangngang mae ri Batara, Allata'alana Israel.