1 KARAENG-KARAENG 1:41 - KITTA' MATANGKASA'

⁴¹ Adonia siagang toananna silalonna le'ba' assua'-suara', ri wattunna nalangngere' ke'nanga anjo kasuarranga. Ri wattunna nalangngere' Yoab sa'ra tarompeka, akkuta'nammi angkana, “Apa kajariang ri kotaya sa'genna suara' sikali?”

1 KARAENG-KARAENG 1:41 Referans Kwoze

LAMPA-LAMPANA 21:31

Lalang ero'na anjo sikamma tau apparicua ambunoi Paulus, nia'mo tau lari mange ri komandang pasukanna tantara Roma. A'laporo'mi anjo taua angkanaya sanna' ricuna taua ri sikontu kota Yerusalem.

MATIUS 21:15

Mingka larromi imang-imang kapalaya siagang guru-guru agamaya nacini'na Nagaukang Isa anjo gau' appakalannasaka. Larro tommi ke'nanga nalangngere'na ana'-anaka akkiok-kio' lalang ri Balla'Na Batara angkana, “Nipakalompoi Ana'na Daud!”

PANGNGEBARANG 14:13

Ri bokona kakkalaka nia' kapang karru'; karannuanga akkullei kasusaang kale'bakkanna.

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

KALAPPASSANG 32:17

Lalang a'jappana naung, nalangngere'mi Yosua ammarrang-marrang tu Israel. Nakanamo ri Musa, “Nia' karicuang pa'bundukang ri kemaya.”

1 KARAENG-KARAENG 1:40

Nampa a'lampa ngasemmo ke'nanga anrurungangi ammotere' siagang akkio' a'rannu-rannu, appasa'ra suling, sa'genna sanrapangi tappue buttaya napakamma anjo kasuarranga.

1 KARAENG-KARAENG 1:42

Tenapa nale'ba' a'bicara Yoab, ti'ring battumi Yonatan, ana'na Imang Abyatar. Nakanamo Adonia, “Antamakko mae. Ikau tau bajikko, tantu kabara' baji' todong nuerang.”