तीतुस 2:15 - माडिया गोंड पवित्र सास्त्रम

¹⁵ अदिनेनाह्‌क तीतुस नना वेहतह्‌नन, इव सबे पोल्‍लोन विस्वसिरिन वेहचि, ओरिह्‌क दीरा ईम. पूरा अदिकरते कळक पोल्‍लोते वेहचोर मन. बोग़े नीक पास्कमाकेग़.

तीतुस 2:15 Referans Kwoze

2 तिमोति 4:2

बेसता कबुरतुन पोकुर कीम. मन्कलोरिह्‌क केंजलाह विचर वातेकाय, वावेकाय, वेहचोर मन. मुर्तिय ओङ आयवा, मन्कलोरिन सुद्रे कीसोर, लाग्वा कबळ कीतेक तेर्हचोर, दीरा ईसोर, देवुळता पोल्‍लोतुन बेस-नेह्‌ना काग़्हचीम.

तीतुस 1:13

ओग़ सेह्‌नाल वेहतद पोल्‍लो निटमे. अदिनेनाह्‌क यहुदिर वेहतनव उगसताङ पीटोन, सेतेमतुन पास्कवालोरा उकुमतुन केंजवा, सेतेम काग़्हमुळतुन पोस नमिर इनजोर, विस्वसिरिन तेर्हचोर मन!

1 तिमोति 5:20

पापम कीतोर मुक्यालोरिन, विस्वसिरा मुडा मुनेह तेर्हा. अस्के दुस्रोर पापम केवा, रेयिस मनदनुर.

मत्याल 7:29

बाराह्‌क इतेके, येसु ओरिनु ओराङ सास्त्रमगूरुरा लेह्‌का काग़्होग़, मति तन्के अदिकर मतपु, लोकुरिन काग़्हन्दोग़.

मार्कल 1:22

ओग़ काग़्हतनदिन केंजिसि, लोकुर बयल आतोर. बह इतेके येसु ओरिन सास्त्रमगूरुरा लेह्‌का काग़्होग़, मति तन्क अदिकर मतपु काग़्हन्दोग़.

लूकाल 4:36

अगा मतोर लोकुर बामिसि, ओर्विह्‌क-ओर्वोग़ वळ्ह्‌कसोर, “इद बेद्रमता पोल्‍लो रा? वेग़ अचोन अदिकरते, लावते देयह्‌किन उकुम ईस्तोग़! अव पेसिह्‌ताङ गोतो!” इतोर.

मार्कल 1:27

इदिन ऊळिस अगा मतोर लोकुर बामिसि, ओर्विह्‌क-ओर्वोग़ वळ्ह्‌कसोर, “इद बेद्रमता पूना पोल्‍लो रा? वेग़ अदिकरते देयह्‌किन वने उकुम ईस्तोग़, अव वेना पोल्‍लोतुन केंजिह्‌ताङ वने,” इतोर.

1 कुरिंततोर 16:11

अदिनेनाह्‌क मियगा बोग़े ओन पास्कमाकेग़, मति ओन सुकमते नयगा लोहचीम्ह्‌टु. ऐंगेटोर विस्वसिरा संगे ओग़ इगा वायनोग़ इनजोर केपतन.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!