तीतुस 1:15 - माडिया गोंड पवित्र सास्त्रम

¹⁵ देवुळता मन्कलोरिह्‌क सबे तिनदलाह पोलिह्‌ता. मति पापमते करब आसि, किर्स्तुन विस्वस केवा मनवालोरिह्‌क, बाताले पोलो. ओराङ विचर्क करबे, अहे ओरा नेह्‌ना-लाग्वदिन पुनदनद बुद वने करबे!

तीतुस 1:15 Referans Kwoze

रोम सहरतोर 14:14

येसुसामिना जीवा नाक पुन्पिह कीताह्‌कु, नाक सबे तिनदलाह पोलिह्‌ता इनजोर नना पुतन. मति बोग़ मन्कल बेदाय तिनदनदिन पोलो इनजोर विचर कीस्तोग़, कीसि तान तिन्ह्‌तोग़ इतेके, ओग़ कळ्‍वोग़ आस्तोग़.

रोम सहरतोर 14:20

देवुळि मीवा मुडगा बेद कबळ कीयलाह आता, तान मीवा तिनदनद पोल्‍लोतेनाह्‌क बूळे केमाटु. देवुळता मुनेह कतमे तिनदलाह पोलिह्‌ताङ निटमे, मति मीवा तिंडटेनाह्‌कु, ऐंगेटोर विस्वसिर पापमते अरयह्‌तोर इतेके, तान तितेके मीट तपिह्‌निर.

1 कुरिंततोर 10:23

मीट वेहतह्‌निर, “माक सबे कीयलाह पोलिह्‌ता” इह्‌निर, मति नना वेहतह्‌नन, “सबे कीयलाह पोलिह्‌ता, मति सबे कबळतुह्‌क अरवोङ” इह्‌नन. सबे कीयलाह पोलिह्‌ताये, मति विस्वसिरा मुडोरिर मीक विस्वसते बेर्सलाहि, सबे कबळतुह्‌क अरवोङ.

मत्याल 15:18

मति माट लाग्वा वळ्ह्‌कनदु तोडटुह्‌क पलत पेसिह्‌ता, अदु पोटालोप्पाडाहि वास्ता. तानेनाह्‌के मन्कनु देवुळि जेक तासिह्‌ता.

रोम सहरतोर 14:23

मति नना बेद तिह्‌नन, अद देवुळता मुनेह पोलिह्‌ताया पोलोया इनजोर, रेंड विचर्क कीस तिनवाल मात्रम, निटमे देवुळता मुनेह तपिह्‌तोग़. बह इतेके, ओग़ देवुळतुन विस्वस केवाय तिन्ह्‌तोग़. इद्रमलेह्‌का बेदाय कबळि देवुळतगा विस्वस केवाय कीतेके, अद पापम आस्ता.

1 कुरिंततोर 10:31

नना बह इह्‌नन, मीट बाताल तितेकाय, उटेकाय, बाताल कीतेकाय, मन्कलोरग्डाह देवुळतुह्‌क मान दोर्कनाह सबेटविन कीम्ह्‌टु.

बळयिर 10:15

इतस्के दुस्रा मल्काता आल्का इद्रम केंज वाता इतेके, “नना देवुळतन पोलनाह कीतविन, निमा पोलोङ इनजोर इनमा,” इता.

1 कुरिंततोर 8:7

मति सबेटोर विस्वसिर इद पोल्‍लोतुन पुनोर. उच्वुर मन्कलोर मुने पेन-बोमानु मोळ्किस मर्सताह्‌कु, नेटा दिया एवनाह, पेन-बोमानेनाह्‌क मोळ्कतव अविङ तिनदह्‌पा, अव पेन-बोमाह्‌क वाटटव इनजोर, सीता कीस तिन्ह्‌तोर. (ओरा नेह्‌ना-लाग्वा पुनदनद बुद बेर्सवा मताह्‌कु, इविन तिनदनद पोलिह्‌ताया, पोलो इनजोर पुनोर.) अदिनेनाह्‌क अद्रमताङ अविङ तिताह्‌कु, कळ्‍वोग़ आतोम इनजोर, ओरा जीवा चुहेम आयो.

इब्रितोर 10:22

मावा जीवा माक कसुर तोहवा, मावा जीवातगा किर्स्तुना नेतुर इल्ह्‌कतप लेह्‌का आता. माट पवित्र एते बिळबिळ एग़ मीतप लेह्‌का आतल. इव सबे पोल्‍लोन पुन्जि, मावा विस्वस मेग़्किस मन्जि, माट पूरा जीवाताहि देवुळता एरे अनिङ.

1 कुरिंततोर 10:25

देवुळता सास्त्रमतगा रासतदिन सीता कीम्ह्‌टु: इद बूमि देवुळताय आंदु, इग्डा सबे मालु तानाय आंदु. अदिनेनाह्‌क आटुमते वमनव अविङ असिस तिन्ह्‌टु. अव बेग्डाङ इनजोर ताल्ह्‌कमाट. कतम सामिनाये आंदु इतेके, अगा पोलनद-पोलवद पोल्‍लो पेसो.

1 तिमोति 6:5

इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.

इब्रितोर 9:14

अह इतेके, किर्स्तुना नेतुर बेचोन वीळिस एडिह कीया पग़यह्‌ता! देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता. मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता. कीयनाह्‌कु, माट जीवात मनदनद देवुळतुन माळ पग़यह्‌नल.

इब्रितोर 12:15

मियग्डाहि बोग़े देवुळि दया कीयनद अग़दाहि लेसमाकेग़. अद्रमतोग़ लेसतोग़ मन्कना विस्वस केवद वीसम, वेल्‍लाटोरिन तिपल कीसि कळ्‍वोग़ कीस्ता.