रोम सहरतोर 9:33 - माडिया गोंड पवित्र सास्त्रम

³³ किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्‌ता: इद ऊळाट! नना येरुसलेम सहरते बंडालेह्‌काडोन ओर्विन तासिह्‌नन, ओनगा वेल्‍लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्‌ने आयोर आयनुर. इनजोर रासतद मन्ह्‌ता.

रोम सहरतोर 9:33 Referans Kwoze

रोम सहरतोर 10:11

देवुळता सास्त्रमतगा वने, इद्रम रासतद मन्ह्‌ता: “किर्स्तुन विस्वस केवाल बोग़े मनेग़, ओग़ मेसेह्‌ने आयोग़ आयनोग़.”

रोम सहरतोर 5:5

मावा इद आसातुन, देवुळि बेस्केन देहो आयग़ा इनजोर, माट पुह्‌नल. बाराह्‌क इतेके, मावा जीवातगा निंदिस बल्क अरनाह, देवुळि तना जीवातुन वळता, वळसि अद माक बेचोन जीवा कीस्ता, इदिन तोहता.

1 योहन 2:28

ए पेकोरिर, किर्स्तुना संगे जोळेम आस मन्ह्‌टु. अद्रम मतेके, ओग़ बेस्के इद बूमते मल्स वायनोग़, अस्के माट रेयवल आयकल. ओसो ओग़ वायह्‌पा, ओना मुनेह लजा आयवालेवा मनदकल.

पिलिपितोर 1:20

अद दिया नावा सेवाते बेदे लजाता पोल्‍लो दिसो आयग़ा इनजोर, नावा पूरा आसा मन्ह्‌ता. बह इतेके, इचानाह बेद्रम नना दीराते किर्स्तुना सेवा कीतन, अद्रमे इंजेक वने कीयलाह आतन. नना हातेकाय, पिसतेकाय, नावा सेवाते किर्स्तुना पेदिर बेरा आयग़ा.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

मत्याल 21:44

अद बंडातगा बोग़ अरयनोग़, ओग़ ईंदेग़-पोदोग़ आयनोग़, मति अद बार बोनगा अरता इतेके, ओग़ गुंडा-गुंडा आयनोग़,” इन्जि येसु इतोग़.

मत्याल 21:42

येसु इतोग़, “केंजाट, मीट सेतेमे इतिर, ताना अर्तम इह मन्ह्‌ता. देवुळि तना राजेमते मीक यहुदिरिह्‌क दोर्कनद तूसतुनु, मीवा जागाते ताना पोल्‍लोते तिरियवालोर (दुस्राङ जातिनोरिह्‌क) ईयग़ा. “नना मीक ओसो उंद पोल्‍लो वेहतह्‌नन. मीटु (देवुळ लोहवाल राजाना लोप्पा) सास्त्रमते इदिन अर्वविरा? बेद बंडातुन मुने बेल्दर्कु (लोन दोहवालोर) पोहचीतोर, अदे बंडा इंजेके मूलाता आदर बंडा आता. इद देवुळबाबानाये कबळ आंदु, इद माक पकाय बामतप दिसिह्‌ता.

रोम सहरतोर 10:1

मावोर विस्वसिरिर! नावा इस्रयेल लोकुरिन देवुळि पिसिह कीयि इनजोर, नावा पूरा जीवाताहि विचर कीसि, इद पोल्‍लोतेनाह्‌क देवुळतुन अमेसा पार्तना कीसोरेन मह्‌नन.

गलातितोर 5:11

इंजेके नाक इंका डायना रिवजता पोकुर कीस्तोग़ इन्जि, उय्तुर इन्ह्‌तोर. मावोरिर, नना इद्रम पोकुर कीतन इतेके, यहुदिर नाक विरुद केवोर आवेर. हव्कनागुटातगा येसुसामि ईतद मोकतेनाह्‌के पिसमुळ दोर्किह्‌ता इन्जि, नना पोकुर कीताह्‌केने, यहुदिर नाक पका ओङ आस्तोर.