रोम सहरतोर 9:31 - माडिया गोंड पवित्र सास्त्रम

³¹ मति इस्रयेल लोकुर बह आंदुर, मोसानाङ अडोङ केंजिसि, इवे अडोन कर्तुळते माळतेके, माट सेतेमतोरोम आयकोम इंदुर. मति अद्रम ओर ताना मुनेह, सेतेमतोर आया पग़वोर.

रोम सहरतोर 9:31 Referans Kwoze

रोम सहरतोर 11:7

इंजेके ओरा इद्रम आता: वेल्‍लाटोर इस्रयेल लोकुर देवुळता मुनेह सेतेमतोर आयलाह ऊळतोर, मति आया पग़वोर. देवुळ आचतोर उच्वुर इस्रयेलतोर सेतेमतोर आतोर; पिसतोरिन बार, तना पोल्‍लोतुन केंजवाह, कैंगम आनाह विळ्सता.

रोम सहरतोर 3:20

बाराह्‌क इतेके, अडोना इसबते ताकलाह ऊळतेके, बोग़े मन्कल देवुळता मुनेह सेतेमतोग़ आयोग़. मति इव अडोङे मावा पापमतुन, माक बेस पुन्पिह कीसीस्ताङ.

पिलिपितोर 3:6

अडोङ नोमलाहि नना इचोन जिदतोनन मतन इतेके, विस्वसिरा मुडुन तिपल कीसोर मंदन. अहे बोर अडोङ नोमिसि सेतेमतोर आयलाह ऊळिंदुर, ओर नावा बेदे तप तोहता पग़वोर.

गलातितोर 3:21

अह इतेके मोसानाङ अडोङ, देवुळ विळ्सतव पोल्‍लोना विरुद मन्ह्‌ताङा? अद्रम मुर्तिय आयो! माक पिसिह कीया पग़यह्‌ता, इद्रमता बेदाय अडो मतेके, निटमे अडोन नोमिसिये, माट सेतेमतोरल आवेरल.

रोम सहरतोर 3:27

अदिनेनाह्‌क इंजेक, नना अडोङ वेहतप ताकताह्‌कु, देवुळता मुनेह सेतेमतोनन आतन इनजोर, बोग़े पोग़यसोर तिरिय पग़वोग़. बह इतेके, माट विस्वस कीयनद इसबतेने, सेतेमतोरल आय्ह्‌नल, मावाङ कबस्कना इसबते आयो.

रोम सहरतोर 10:20

मोसाना पेग़्केडोग़ यसयाल, (दुस्राङ जातिनोरा लोप्पा रासिह्‌पा,) देवुळता दीराते इद्रम रासतोग़: नाक पर्ह्‌कवोरु, नाक दोर्किह कीतोर. नाक पुनदलाह ऊळवोरु, नाक पुनदलाह आतोर, इनजोर रासतोग़.