रोम सहरतोर 8:5 - माडिया गोंड पवित्र सास्त्रम

⁵ मन्कना बुदते ताकवालोर बार, मन्कनाङे पोल्‍लोनगा सीता कीसोर मन्ह्‌तोर. मति देवुळता जीवा वेहतप ताकवालोर बार, देवुळताङ पोल्‍लोनगा सीता कीसोर मन्ह्‌तोर.

रोम सहरतोर 8:5 Referans Kwoze

1 कुरिंततोर 2:14

मति बोग़ु मन्कना बुदते ताकिह्‌तोग़, ओग़ देवुळता जीवाताङ पोल्‍लोन केंजोग़. ओग़ अव पोल्‍लोन बुदलेवव पोल्‍लोङ इन्ह्‌तोग़. बाराह्‌क इतेके, देवुळता जीवातेने, अव पोल्‍लोन बेस-नेह्‌ना पर्ह्‌किस ऊळनदु. ओग़ अद्रम केवाह्‌कु, अविस्किन पुनदा पग़वोग़.

योहन 3:6

मेंदुदा जीवा इसि, तलोग़-तपेरा मेंदुस्कनाहि पुटिह्‌ता, इद पूना जीवा बारा दिसवेकाय, देवुळता जीवाताहे पुटिह्‌ता.

रोम सहरतोर 8:9

मीवा जीवातगा मात्रम, देवुळता जीवा जागा आताह्‌कु, मीट मन्कना बुद मतप लेह्‌का पिसविर, मति पवित्र जीवा वेहतप लेह्‌का पिसिह्‌निर. (बोरगा किर्स्तुना जीवा इले, ओर ओना मन्कलोर आयोर, इदिन सीता कीम्ह्‌टु.)

मार्कल 8:33

अस्के येसु पेग़्के मिळ्न्दिस कग़यवालोरिन ऊळतोग़, ऊळिसि पत्रुन इद्रम तेर्हतोग़, “एय देयमदीपता बुदते वळ्ह्‌कवानिन, अद्रमता बुदतुन पोहचीम! नीवा विचरि मन्कना विचरतेह मन्ह्‌ता, मति देवुळता विचरतके इले,” इनजोर तेर्हतोग़.

2 कुरिंततोर 10:3

इह केंजाट! माट वने दुस्रोरा लेह्‌का दुनियातेन मह्‌नोम! मति दुनियातोरा लेह्‌का लळेम आयोम.

2 पत्रु 2:10

तमा मन्कना बुद वेहतपु, करबताङ लालुस्कने ताकवालोरिन, सामिना अदिकरतुन पास्कवालोरिन कोनि, पका सिक्सा ईस्ता. जोल पोल्‍लोङ काग़्हवालोर वेर मन्कलोर, बेदिह्‌के बह रेयोर, पका कैंगम आस्तोर; ओसो रेयवालेवा बेरा लावताङ देयह्‌किन बाताङे आयोङ इन्जि पास्किह्‌तोर.

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

1 कुरिंततोर 15:48

बूमतोर सबेटोर मन्कलोर, तोळ्योते पंडटोग़ मन्कना लेह्‌कान आतोर. देवुळता पिसमुळ दोर्कतोर मन्कलोरगा बारा, पोग़ोटोग़ मन्कना बुद मन्ह्‌ता. ओरिह्‌क, पोग़ोटोग़ मन्कना लेह्‌कान मेंदुस्क वने मनदनुङ.

गलातितोर 5:17

बह इतेके मावा मन्कना बुदि, देवुळता जीवाता अडम मन्ह्‌ता; ओसो देवुळता जीवा इतेके, मावा मन्कना बुदता अडम मन्ह्‌ता. इव रेंड इतेके बेस्केन ओंडोङ, अदिह्‌कु मीक बेद कीयना विचर मन्ह्‌ता, अदिन मीट कीया पग़विर.