रोम सहरतोर 8:35 - माडिया गोंड पवित्र सास्त्रम

^35-36 मुनेन दाविद राजाल सास्त्रमतगा इद्रम रासतोग़: ए देवुळि! माट नीवा मन्कलोरोम इनजोर, लोकुर माक जर्मिने हव्कलाह ऊळिह्‌तोर. एर्रेन अस्कलाह ओतप लेह्‌का, माक ओयलाह ऊळिह्‌तोर. इनजोर रासतोग़. माक तिपल वावालि, लोकुरा विरुद वावालि, दुकळ आवालि, गेंदेङ दोर्कोङ आवेस्कु, दोकाता जागातगा मनेलल, लोकुर माक कसेह्‌क-मग़्स्कने हव्केर. इद्रमताङ तिपल्क वातेके, किर्स्तु माक जीवा केवोग़ इनजोर इनदकला? (आयो! ओग़ माक जीवा कीसोरेन मन्ह्‌तोग़.)

रोम सहरतोर 8:35 Referans Kwoze

योहन 10:28

नना ओरिह्‌कु अमेसाता पिसमुळि ईय्ह्‌नन. ओर बेस्केन बूळेम आयोर आयनुर, ओसो ओरिन नयग्डाहि बोरे ऊंदोर आयनुर.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

1 कुरिंततोर 4:11

नेंड एवनाह माक जावा-एग़ दोर्को, उहतलाह गेंदे दोर्को, मन्कलोर माक कुळ्मिह्‌तोर, इके-अके वेलियसोर मह्‌नोम.

रोम सहरतोर 8:17

इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा. माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.

योहन 13:1

आवना पंडुम इंजेके एरे एव्स मता. मुल्पेडा जावा उनडलाह, येसुनाङ कग़यवालोर ओना संगे ऐंगे उदिस मतोर. नना इद दुनियातुन विळ्सिसि, पोग़ोटोग़ बाबानेके दायनद कगो एवता इनजोर, येसु पुतोग़. इद दुनियाते मतोर तना लोकुरिन ओग़ जीवा कींदोग़, अहे हानाह्‌जोम ओग़ ओरिन जीवा कीसोर मतोग़.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

बळयिर 14:22

(ओर बेद-बेद सहरते मलतोर,) अग्डोर विस्वसिरिन “बेचोन तिपल वातेक तेला, येसुन विळ्सवा विस्वसते मन्ह्‌टु. देवुळदीपता राजेमते दायनामुने, माकु ऊक-ऊके विरुदतुन आप पोयग़ाये” इनजोर, पका विस्वस कीयलाह वेहचि, ओरिह्‌क दीरा ईतोर.

रोम सहरतोर 2:9

लाग्वाङ कबस्क कीसोर अनवालोरिह्‌क, देवुळि पका सिक्सा ईयग़ा. मुने यहुदिरिह्‌क ईयग़ा, ओरा संगे यहुदि आयवोरिह्‌क वने.

रोम सहरतोर 8:37

इव तिपल्क माक वातेक तेला, माक जीवा कीतोग़ु किर्स्तु मावा तोळ मनाह्‌कु, माक आरे कीया पग़वोङ, माटे पूरा गेल्सिह्‌नल.

1 कुरिंततोर 4:12

मावाङे कय्कने कबळ कीस पिसिह्‌नोम. मन्कलोर माक पळ्मिङ ईस्तोर, मति माट ओरिन देवुळि मीक बर्कत ईयि इनजोर वेहतह्‌नोम. माक तिपल कीस्तोर, मति माट केमेन मन्जि आपिह्‌नोम.

2 कुरिंततोर 4:8

ईनाह-आनाह माक तिपल्क वासोरेन मन्ह्‌ताङ, मति माट इळ्न अरवोम. वेल्‍लाङे मल्काङ बह कीयना इनजोर गाबर आतोम, मति पूरा आसालेवप आयोम.

2 कुरिंततोर 4:9

मन्कलोर माक पकाय तिपल ईस्तोर, मति देवुळि माक विळ्सिस एवो. माक इळ्न अर्हतह्‌तोर, मति ओसोवने तेदिह्‌नोम.

2 कुरिंततोर 12:10

नाक लाव लेवस्केन, नना किर्स्तुना लावते मेग़्किह्‌नन. अदिनेनाह्‌क नना लाव लेवस्के गोसा आयह्‌पा, मन्कलोर नाक लजा कीयह्‌पा, नाक नल्हतना-कोह्‌कना कीयह्‌पा, तिपल आयह्‌पा, इव सबे पोल्‍लोङ किर्स्तुनेनाह्‌क आयह्‌पा, नना बेस गिर्दा आय्ह्‌नन.