रोम सहरतोर 8:14 - माडिया गोंड पवित्र सास्त्रम

¹⁴ बाराह्‌क इतेके, बोर मन्कलोरिन देवुळता जीवा ताकिह कीस्ता, ओरे देवुळताङ मग़्क-मयास्‍क मन्ह्‌तोर.

रोम सहरतोर 8:14 Referans Kwoze

गलातितोर 5:18

पया बेचानाह मीक देवुळता जीवा ताकिह कीस्ता, अचानाह मीट अडोना इळ्न इलविर.

योहन 1:12

मति बोर ओन नमतोर, विस्वस कीतोर, ओर सबेटोरिह्‌क देवुळताङ मग़्क-मयास्‍क आयलाह, ओग़ अदिकर ईतोग़.

गलातितोर 3:26

मीट कतमतोरिर इतेके, किर्स्तु येसुन नमताह्‌कु, देवुळताङ मग़्क-मयास्कनिर आय्ह्‌निर.

गलातितोर 5:16

इंजेके नना वेहतह्‌नन, बेस केंजाटु! देवुळता जीवा मीक बह ताकिह कीस्ता, अहे ताकाटु; अस्के मीवा मन्कना बुदते, मीट मुर्तिय ताकविर आयकिर.

तोहचीतव पोल्‍लोङ 21:7

बोर बोर लाग्वाङ पोल्‍लोन गेल्सनुर, ओरिह्‌क नना इव सबे ईकन. नना ओरा देवुळि आयकन. ओर नावाङ पिलाङ-पेकोर आयनुर.

1 योहन 3:1

ऊळाट, मावा देवुळबाबाल माकु नावाङ मग़्क-मयास्‍क इन्जि इन्ह्‌तोग़, अचोन ओग़ माक जीवा कीस्तोग़! इंजेक माट निटमे देवुळताङ पिलाङ-पेकोरल आंदल. मति इद पोल्‍लो दुनियातोरिह्‌क एर्का इले, बाराह्‌क इतेके ओर देवुळतुन वने पुनोर.

2 कुरिंततोर 6:18

नना मीवा बाबानन आयकन. मीट नावाङ मग़्क-मयास्‍क आयकिर” इनजोर, बेरा डीसाता सामि इन्ह्‌ता, इनजोर रासतद मन्ह्‌ता.

गलातितोर 4:6

माट देवुळताङ मग़्कनल आताह्‌कु, देवुळि तना मग़ना जीवातुन, मावा जीवातगा लोहता. अद जीवा अगा देवुळतुन “बाबा! बाबा!” इनजोर केयसोर मन्ह्‌ता.

रोम सहरतोर 8:5

मन्कना बुदते ताकवालोर बार, मन्कनाङे पोल्‍लोनगा सीता कीसोर मन्ह्‌तोर. मति देवुळता जीवा वेहतप ताकवालोर बार, देवुळताङ पोल्‍लोनगा सीता कीसोर मन्ह्‌तोर.

रोम सहरतोर 8:9

मीवा जीवातगा मात्रम, देवुळता जीवा जागा आताह्‌कु, मीट मन्कना बुद मतप लेह्‌का पिसविर, मति पवित्र जीवा वेहतप लेह्‌का पिसिह्‌निर. (बोरगा किर्स्तुना जीवा इले, ओर ओना मन्कलोर आयोर, इदिन सीता कीम्ह्‌टु.)

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

रोम सहरतोर 8:19

(आदम-अवाल बेस्के पापम कीतोर अस्के,) देवुळि ओरिन सरप ईता, ओसो पूरा बूमतगा पीळा अर्हता.(मन्कलोरिह्‌क इतेके, ओरा कसुरतेनाह्‌क सरप दल्गता, मति) देवुळ पुटिह कीतव सबेटविस्किह्‌क बार, कसुर केवाये पीळा दोर्कता. मति अविस्किह्‌क वने आसा मन्ह्‌ता. उंद दिया देवुळि तनाङ मग़्क-मयास्किन, अद सरपताहि विळ्सिह कीसि, ओरिह्‌क मान ईयग़ा, अद मान पोळ्क्ने दिसग़ा. अदे दिया, देवुळि तना पुटिह कीतव सबेटविन वने, अविस्कना पीळाताहि विळ्सिह कीयग़ा. अद दियातुन अवु अग़ ऊळसोरेन मन्ह्‌ताङ.

इपिसुसतोर 1:5

माक जीवा कीसि, येसु किर्स्तुना मेटे तनाङ पिलाङ-पेकोर कीयलाहि, माक मुनेन आचता. इद्रम कीयलाहि मुनेन विचर कीस मता, अहे ताना गिर्दा मता.

रोम सहरतोर 9:26

ओसो, बेद जागाते मीट नावा लोकुरिर आयविर इनजोर वेहतद मन्ह्‌ता, अदे जागाते ओरिन वेर जीवात मनदनद देवुळताङ मग़्क-मयास्कु इनजोर इनदनुर,” देवुळ वेहतव इव पोल्‍लोन होसे रासतोग़.

मत्याल 5:9

“बोरु लोकुरा कोंटेतुन माय्‍पिह कीसि, गूनम कीयलाह ऊळिह्‌तोर, ओर देवुळता देय्वातोर. ओरिन देवुळि नावाङ मग़्क-मयास्कनिर इनदग़ा.

गलातितोर 4:5

अडोना नोमळते दोहतप मतोरिनु लेहतना इन्जिये, देवुळता मग़ि वासि, तना जीवा ईतोग़. माट वने देवुळताङ मग़्क-मयास्‍क आयना इन्जिये, ओग़ु माक विळ्सिह कीतोग़.

1 योहन 3:24

ओसो बोग़ देवुळता उकुमतुन केंजिस ताकिह्‌तोग़, ओग़ ताना संगे जोळेम आस मन्ह्‌तोग़, अहे अद वने ओना जीवातगा जागा आस्ता. इद्रमलेह्‌का देवुळि मावा जीवातगा जागा आस्ता इनजोर, माक ईतद ताना पवित्र जीवाते, माट पुनदा पग़यह्‌नल.