रोम सहरतोर 7:25 - माडिया गोंड पवित्र सास्त्रम

²⁵ मावा किर्स्तु येसुसामिये, नाक विळ्सिह केवाल आंदोग़, देवुळतुह्‌क जोहर आयि! इद्रमलेह्‌का इंजेके नावा जीवाते, देवुळताङ अडोन नना माळिह्‌नन. मति बेद बुदि नावा मेंदुलतगा मन्ह्‌ता, अद पापमता कय इळ्न मन्ह्‌ता.

रोम सहरतोर 7:25 Referans Kwoze

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.

1 पत्रु 2:5

ओना एरे वाताह्‌कु, मीट इंका जीवात मनदनव बंडानलेह्‌का आसि, देवुळि तना जीवातुह्‌क जागा कीयलाह, मीकु लोनलेह्‌का दोहतह्‌ता. मीटु इंजेके देवुळतुह्‌क इन्जि अलग आतिर; मीटु बूमयालोरा लेह्‌का मन्जि, येसु किर्स्तुनेनाहि देवुळबाबान गिर्दा कीयलाहि मोक ईतपु, आपुनाङ विचर्किन पोहचि, देवुळता विचर मतप ताकिह्‌निर.

1 कुरिंततोर 15:57

मति मावा येसुसामि किर्स्तुना मेटे देवुळि, माक पापमतुन ओसो हामुरतुन गेल्सनाह कीस्ता. अदिनेनाह्‌क तान्क जोहर!

रोम सहरतोर 6:17

मुने मीट पापमता कय इळ्न मतिर, मति इंजेके मीक काग़्हतव देवुळताङ पोल्‍लोन केंजिसि, अव पोल्‍लोङ वेहतप, मीट मीवा जीवाताहि ताकिह्‌निर. ओसो देवुळि मीक पापमता कयदाहि विळ्सिह कीता. इंजेके मीट देवुळता कय इळ्न मन्जि, सेतेमते ताकलाह आतिर, देवुळतुह्‌क जोहर आयि!

रोम सहरतोर 6:14

इंजेक मोसानाङ अडोङ आयो, मति देवुळता दयाये मीक ताकिह कीस्ता, इदिन सीता कीम्ह्‌टु. अदिनेनाह्‌क पापम मीवा माल्काना लेह्‌का आयनद आयो.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

पिलिपितोर 3:3

(ओर मन्कलोर डायना रिवज कीयनद पोल्‍लो वेहतलाह आतोर.) माट बारा येसुन विस्वस कीतोरले, निटम डायना रिवज कीतोरल आंदल, ओर आयोर. बाराह्‌क इतेके, माट देवुळता जीवा वेहतपु तान मोळ्किह्‌नल. ओसो किर्स्तु येसु माक पका बेरा गूनम तोहतोग़ इनजोर, गिर्दा आय्ह्‌नल. ओसो मावा मन्कना बुदतगा बर्वस तासवा, तान डायिस पोहतप लेह्‌का पिसिह्‌नल.

2 कुरिंततोर 9:15

देवुळ माक ईतद देय्वा बेचोन बेरा मन्ह्‌ता, अद वेहता वावो! तान्क जोहर आयि.

मत्याल 1:21

अदु पेकान पुटिह कीयग़ा, ओना पेदिरि येसु (इतेके देवुळि पिसिह कीस्ता) इनजोर तासा. बाराह्‌क इतेके ओग़े तना लोकुरिन, ओरा पापमताहि पिसिह केवाल आयनोग़,” इन्जि देवतुल वेहता.

पिलिपितोर 4:6

बेदे पोल्‍लोतेनाह्‌क आलिह केमाटु, मति सबे पोल्‍लोनेनाह्‌क पार्तनाते देवुळतुन अर्जि कीस, मीवा गर्जतुन वेहाटु. देवुळि माक बेस ऊळिह्‌ता इनजोर, मीट तान जोहर कीसोर ताल्ह्‌काटु.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.