रोम सहरतोर 7:24 - माडिया गोंड पवित्र सास्त्रम

²⁴ अलो देवन! इद नावा बेचोटा गोसा! हामुरता अग़दे दायनद इद पापि मेंदुलताहि, नाक बोग़ विळ्सिह कीयनोग़?

रोम सहरतोर 7:24 Referans Kwoze

रोम सहरतोर 6:6

मयगा मनदनद पापमता अदिकर बूळेम आयना इनजोरे, मावा पाळ्ना बुदि किर्स्तुना संगे हव्कनागुटातगा डोलता इनजोर पुतल. अह आसि, माट इंजेके मुनेता लेह्‌का, पापमता कय इळ्न मनवल.

2 तिमोति 4:18

अद्रमे सबे लाग्वाङ पोल्‍लोनाहि येसुसामि नाक पिसिह कीयनोग़, ओसो नाक पोग़ोन तना राजेम ताकिह कीयनगा, बेस-नेह्‌ना ओयनोग़. ओन्के अमेसा-अमेसातुह्‌क मान आयि. आमेन!

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

तोहचीतव पोल्‍लोङ 21:4

देवुळि ओराङ सबे तिपल्किन जेक कीसि, ओराङ कंड्रिन उम्चिसीयग़ा. अद ओरा संगे मनाह्‌कु, मुनेता कालम मारिस अता; अदिनेनाह्‌क हामुर मनो आयग़ा, दुकम मनो आयग़ा, अळयनद मनो आयग़ा, तिपल आयनद मनो आयग़ा.”

रोम सहरतोर 8:26

अचोने आयो मति, माक तेळियवाह्‌कु, देवुळता जीवा माक तोळ मन्ह्‌ता. पार्तना कीयनस्के, देवुळतुन माट बाताल ताल्ह्‌कना, बेद्रम ताल्ह्‌कना इन्जि पुनवल. मावा तोडटाहि, माट देवुळतुन पोल्‍लोङ वळ्ह्‌क पुनवल, मति ताना जीवा मावा लोप्पाडाहि ऊल्गसोर केयिह्‌ता. केयिसि, मावा पार्तनातुन देवुळतगा बराबर एव्सिह कीसीस्ता.

रोम सहरतोर 8:13

मन्कना बुदते माट ताकतेक अचोन, अद अमेसाता हामुरतेकेन ओसीस्ता. मति देवुळता जीवाता तोळते, मावाङ मेंदुस्क विचर कीयनव कबस्किन विळ्सतेके, माट देवुळता संगे पिसकल.

लूकाल 4:18

“देवुळता पवित्र जीवाता दळ्म नयगा अरता. गरिबतोरिह्‌क बेसता कबुरतुन पोकुर कीयलाहि, देवुळि नाक निल्पिह कीता. मन्कलोरा कय इळ्न मनवालोरिन, देवुळ मीक विळ्सिह कीता इनजोर, पोकुर कीयलाहि, तोववोरिन मीट तोवयकिर इनजोर, पोकुर कीयलाहि, तिपलते मनवालोरिन विळ्सिह कीयलाह, देवुळि देय्वा ईयनद कगो एवता इनजोर पोकुर कीयलाहि, अद नाक लोहता.” इनजोर रासतदिन अर्वतोग़.

कुलुसितोर 2:11

(माट यहुदिरोम इतेके, मन्कना तोलातुन डायिसि, डायना रिवज कीय्ह्‌नोम;) विस्वसिरा डायना रिवज बार, मन्कना कयदे कीतद आयो. (किर्स्तुह्‌कु हव्कनागुटातासिक्सा आतस्के,) मीवा पापम बुदि ओना मेंदुलता संगे जोळेम आता, अस्केने ओना संगे मीवा वने डायना रिवज आतप आता.

मत्याल 5:6

“देवुळता सेतेमते ताकलाह बोरु उनडा वसतप अहे कग़्विह्‌क आतप मन्ह्‌तोर, ओर देवुळता देय्वातोर. देवुळि ओरिन पंजिह कीयग़ा.

मत्याल 5:4

“बोर दुकमते अळयह्‌तोर, ओर देवुळता देय्वातोर. देवुळि ओरिन मानेह कीयग़ा.

रोम सहरतोर 8:23

अविस्कना संगे माट वने ऊल्गलाह आतले. ओसो पया दोर्कनद बर्कत बेद्रम मनदग़ा इनजोर तोहतलाहि, देवुळि इंजेकेन माक तना जीवातुन ईता. अद जीवा वेहतपु, उंद दिया मयगा देवुळताङ मग़्क-मयास्‍क आयनद, पूरा अदिकर दिसग़ा. अस्के मावाङ मेंदुस्किन तिपल्कनाहि विळ्सिह कीसि, पूनाङ मेंदुस्क माक ईयग़ा. अद दियातेनाह्‌क, माट पका ऊल्गसोर केपलाह आतल.