रोम सहरतोर 5:5 - माडिया गोंड पवित्र सास्त्रम

⁵ मावा इद आसातुन, देवुळि बेस्केन देहो आयग़ा इनजोर, माट पुह्‌नल. बाराह्‌क इतेके, मावा जीवातगा निंदिस बल्क अरनाह, देवुळि तना जीवातुन वळता, वळसि अद माक बेचोन जीवा कीस्ता, इदिन तोहता.

रोम सहरतोर 5:5 Referans Kwoze

गलातितोर 4:6

माट देवुळताङ मग़्कनल आताह्‌कु, देवुळि तना मग़ना जीवातुन, मावा जीवातगा लोहता. अद जीवा अगा देवुळतुन “बाबा! बाबा!” इनजोर केयसोर मन्ह्‌ता.

पिलिपितोर 1:20

अद दिया नावा सेवाते बेदे लजाता पोल्‍लो दिसो आयग़ा इनजोर, नावा पूरा आसा मन्ह्‌ता. बह इतेके, इचानाह बेद्रम नना दीराते किर्स्तुना सेवा कीतन, अद्रमे इंजेक वने कीयलाह आतन. नना हातेकाय, पिसतेकाय, नावा सेवाते किर्स्तुना पेदिर बेरा आयग़ा.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

2 कुरिंततोर 1:22

माट ताना मन्कलोरल इनजोर, तना जीवातुन मयगा सीना लेह्‌का तासता. तान मावा जीवातगा इसर ईतप लेह्‌का ईता.

1 योहन 4:19

देवुळिये मुने माक जीवा कीता, अदिनेनाह्‌क माट जीवा कीय्ह्‌नल.

इपिसुसतोर 1:13

मीक पिसिह कीयनद बेसता कबुरता सेतेमतुन, मीट केंजिसि किर्स्तुन विस्वस कीतिर. विस्वस कीताह्‌कु, देवुळि पोल्‍लो विळ्सिस मतपु, तना पवित्र जीवातुन मीवा पोग़ोन वने उदिह कीता. कीसि मीवा पोग़ोन किर्स्तुना मन्कलोर इनजोर, सीना तासतप लेह्‌का कीता.

बळयिर 2:33

देवुळि (ओन पोग़ोन ओसि,) तना तिनळ बाजे उदिह कीस, ओन्क पका कदर ईता. देवुळबाबाल मुनेन पोल्‍लो विळ्सिस मतपु, पवित्र जीवातुन ओन्क इद बूमतगा लोहतलाह ईता. अद जीवातुन येसु माक ईतोग़. ईतस्के बाताल बाताल आता, इदिन मीट इंजेके ऊळतिर, केंजतिर.

इपिसुसतोर 4:30

मीट देवुळता मन्कलोरिर आतिर, आक्रि दियाते देवुळि मीक पूरा विळ्सिह कीयग़ा इनजोर तोहतलाहि, तना पवित्र जीवातुन, मीक उंद सीनाता लेह्‌का ईता. अदिनेनाह्‌क देवुळता पवित्र जीवातुन दुकम आनाह केमाट.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

बळयिर 2:17

ओग़ इद्रम रासतोग़: देवुळि इन्ह्‌ता, ‘आक्रिताङ दियाने नना नावा जीवातुन कतमतोरा पोग़ोन उदिह कीकन. अस्के मीवाङ मग़्क-मयास्‍क वने नावा कबुर वेहतनुर. मियग्डोर लेया मन्कलोर नना तोहतनद लेकातुन ऊळनुर. मुय्तो मन्कलोर बार नना ईतव कलाङ कळ्स्कनुर.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

रोम सहरतोर 8:28

देवुळि मुनेन विचर कीस तासतपु, बोन-बोन केयता, ओरे तान जीवा कीस्तोर. ओरिह्‌क बेवे आयिङ, देवुळि अव सबेटविना मेटे, ओरेनाह्‌क बेसताङे पोल्‍लोन पुटिह कीसीस्ता इनजोर, माट पुतल.

1 कुरिंततोर 8:3

बोर बारा जीवा कीसोर मन्ह्‌तोर, देवुळता विचरते ओरगाने निटमता पुनदनद बुद मन्ह्‌ता.

2 कुरिंततोर 3:18

इंजेके माट सबेटोर विस्वसि मन्कलोरल, मोसाना लेह्‌का आयवल. मावा मोकमतुन मुळ्हच मतद गेंदे तेंडटप लेह्‌कान आता. अदमतगा ऊळना लेह्‌कान, माट इंजेके येसुसामिना मान-डीसातुन ऊळिह्‌नल. ओसो ओग़ तना जीवाता मेटे, माक बद्ले कीसोर दायलाह आतोग़. माट ओना लेह्‌कान आयना इन्जि, बेस-नेह्‌ना बद्लेम आसोर दायलाह आतल.

बळयिर 10:45

रेगतस्के कुरनेलिना लोतगा मनवालोर, तमा मुर्तिय पुनवव बासाने वळ्ह्‌कलाह, ओसो देवुळि बेरा डीसाता इनजोर जोहर कीयलाह आतोर. पत्रुना संगे यापा नाटेनाहि वास मतोर यहुदि विस्वसिर इव सबे ऊळतोर, केंजतोर. केंजिसि, डायना रिवज केवोर दुस्राङ जातिनोरा पोग़ोन वने, पवित्र जीवा रेगिह्‌ता इन्जि, ऊळिस बामतोर. पया पत्रु तना तोळतोरिन इतोग़,

रोम सहरतोर 9:33

किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्‌ता: इद ऊळाट! नना येरुसलेम सहरते बंडालेह्‌काडोन ओर्विन तासिह्‌नन, ओनगा वेल्‍लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्‌ने आयोर आयनुर. इनजोर रासतद मन्ह्‌ता.

2 कुरिंततोर 13:14

मीक सबेटोरिह्‌क येसुसामि किर्स्तु देय्वा ईयेग़, देवुळि जीवा कीसोर मनि. ताना पवित्र जीवा मियगा कलियसोर मनि.

1 तिसलुनितोर 4:8

अदिनेनाह्‌क इद पोल्‍लोतुन बोग़ पास्किह्‌तोग़, ओग़ मन्कनु पास्कोग़ मति, देवुळतुन पास्किह्‌तोग़. इतेके, तना पवित्र जीवातुन मीवा जीवातगा उदिह कीयनदु, अद देवुळतुन पास्किह्‌तोग़.