रोम सहरतोर 4:16 - माडिया गोंड पवित्र सास्त्रम

^16-17 देवुळि बेदिन ईकन इन्जि पोल्‍लो विळ्सिस मता, अदिन देवुळतुन विस्वस केवालोरे दोर्किह कीस्तोर. अदु देवुळता दयातेने, सबेटोर विस्वस केवालोरिह्‌क निटमे दोर्कग़ा. सिरप मोसानाङ अडोन मानेम आयवालोर यहुदि विस्वसिरिह्‌के आयो, मति अब्रहमना लेह्‌का विस्वस केवालोर सबेटोरिह्‌के दोर्कग़ा. देवुळि अब्रहमिह्‌क विळ्सतद पोल्‍लो सास्त्रमतगा इद्रम रासतद मन्ह्‌ता: नना नीक वेल्‍लाङे जातिनोरा पेदामुय्तोग़ कीतन, इनजोर रासतद मन्ह्‌ता. इद्रम विस्वस केवालोर माट सबे जातिनोर मन्कलोरिह्‌क, देवुळता मुनेह अब्रहमे पेदामुय्तोग़ आतोग़. हातोरिन जीवा अर्हतनदु, लेवविन मनाह कीयनद देवुळतुन, अब्रहम विस्वस कीतोग़.

रोम सहरतोर 4:16 Referans Kwoze

इपिसुसतोर 2:8

देवुळि मीक दया कीताह्‌कु, मीट किर्स्तुन विस्वस कीतिर, अदिनेनाह्‌क मीक पिसिह कीता. देवुळता पिसमुळतुन दोर्किह कीयलाह, मीट बाताले केविर; इद पूरा देवुळता दर्मम आंदु.

गलातितोर 3:22

मति सास्त्रम वेहतपु, पूरा दुनिया पापमते दोहतद मन्ह्‌ता. पोल्‍लो विळ्सिस मतद बर्कत येसु किर्स्तुनगा विस्वस तासतेकेने, माक विस्वसिरिह्‌क दोर्कना इन्जि, इद्रम आता.

तीतुस 3:7

इद्रमलेह्‌का देवुळि माक दया कीसि सेतेमतोर कीता, कीताह्‌कु माट इंजेके तानग्डाहि अमेसाता पिसमुळता तूस दोर्किह कीकल इनजोर, आसा कीयलाह आतल.

इपिसुसतोर 2:5

बह कीता इतेके, मावा पापमते माट डोलतोरा लेह्‌कान मतल, मति माक पूना पिसमुळ ईसि, किर्स्तुना संगे माक वने जीवा अर्हता. देवुळि दया कीताह्‌के, मीट पिसतिर.

रोम सहरतोर 15:8

बह इतेके, किर्स्तुना राजेमते यहुदिरिह्‌क वने, ओसो यहुदि आयवोरिह्‌क वने, जागा मन्ह्‌ता. वेल्‍लाङे वर्साना मुने, देवुळि यहुदिरा तादोर-बाबोरिह्‌क पोल्‍लो विळ्सिस मता. अद पोल्‍लो करल आयना इन्जि, यहुदिरगा ओर्वोग़ सेवा केवाना लेह्‌का आसि, किर्स्तु इद बूमते वातोग़, इदिन सीता कीम्ह्‌टु.

रोम सहरतोर 5:1

मावा विस्वसतेनाह्‌कु, देवुळि माक सेतेमतोर कीता इनजोरे, मावा किर्स्तु येसुसामिना मोकतेनाह्‌कु, माट देवुळता संगे गूनम आतल.

2 पत्रु 1:10

अदिनेनाह्‌क मावोर विस्वसिरिर, इव पोल्‍लोङ मियगा मन्ह्‌ताङा, इलेङा इन्जि पर्ह्‌किस ऊळाटु. देवुळि निटम मीक आचिसि, तना मन्कलोर आयलाह केयता इनजोर, मीट पकाय जिदते करल कीयलाह ऊळाटु. अद्रम मीट कीसोर मतिर इतेके, बेस्केन मीवा विस्वसते पेग़्के अरविर.

रोम सहरतोर 4:11

ओग़ डायना रिवज केवस्केन, देवुळतुन विस्वस कीतोग़. अदिनेनाह्‌क अद ओन सेतेमतोनिन इता. ओना विस्वसते ओग़ देवुळता मुनेह सेतेमतोग़ आतोग़ इनजोर तोहतलाह, देवुळि ओन डायना रिवजता सीना कीया वेहता. इंजेक वने डायना रिवज केवा, देवुळतुन विस्वस केवालोर सबेटोरिन, अद सेतेमतोर इन्ह्‌ता. अदिनेनाह्‌क विस्वसतेनाह ऊळिसि, ओरा वने अब्रहम पेदामुय्तोग़ आस्तोग़.

लूकाल 19:9

अस्के येसु ओन इतोग़, “नेंडु इद लोतगा अमेसाता पिसमुळ वाता. वेग़ सिद्‌वा एनवाल वने, अब्रहमना जालपिलतोग़े आंदोग़.

रोम सहरतोर 3:30

बह इतेके कतमतोरा उंदिय देवुळ मन्ह्‌ता. यहुदिर मनिर, यहुदि आयवोर मनिर, ओरा विस्वसता मेटेने, देवुळि ओरिन सेतेमतोर कीस्ता.

गलातितोर 3:16

इंजेके अब्रहम मुय्तोह्‌कु, देवुळि पोल्‍लो विळ्सिस वेहन्दु, “नीकु ओसो नीवा कूळतोन्कु बर्कत ईकन” इन्जि. इतेके नीवाङ कूळतोरिह्‌कु ईकन इन्जि, देवुळ वेल्‍लाटोरा लोप्पा वेहो, मति नीवा कूळतोन्कु इन्जि, ओर्विनाये लोप्पा वेहचि. ओग़ कूळतोग़ बोग़ इतेके, येसु किर्स्तुये आंदोग़.