रोम सहरतोर 2:16 - माडिया गोंड पवित्र सास्त्रम

¹⁶ इव सबे पोल्‍लोङ बेस्के आयनुङ इतेके, नना पोकुर कीयनद बेसता कबुरता इसबते, देवुळता अदिकरते येसु किर्स्तु उंद दिया लोकुरा नेयम कीयनोग़ अस्के. ओरा जीवातगा मकतव पोल्‍लोन पुन्जि, ओरा नेयम कीयनोग़.

रोम सहरतोर 2:16 Referans Kwoze

1 कुरिंततोर 4:5

अदिनेनाह्‌क मीट इंजेकेन बोने पर्ह्‌किस ऊळमाट. सामि वानाह केपाट. ईकळतगा मनदनविन वेह्‌चतगा ततना लेह्‌का, मन्कलोर तमा पोटालोप्पा मकिह कीस तासतव पोल्‍लोन, ओग़े पेसिह कीयनोग़. अस्के मन्कलोर तमा कीतद कबळता इसबते, निमा बेस कीतिन इनजोर, ओर्विन-ओर्विन देवुळि वेहतग़ा.

बळयिर 17:31

बाराह्‌क इतेके, बूममेटोरिन ओर्वोग़े मन्कना कयदे, तपवालेवा नेयम कीयग़ा. अद नेयमता दियातुन मुनेन निल्पिह कीसि, ओग़ मन्कन वने मुनेन निल्पिह कीता. ओग़ डोलिस मतोग़ मति, ओन जीवा अर्हचि, ओना नेयम कीयनद अदिकर कतमतोरिह्‌क कीस तोहता,” इनजोर पोलु वेहतोग़.

बळयिर 10:42

अद्रमे हातोरा-पिसतोरा नेयम कीयलाहि, देवुळि येसुने निल्पिह कीता इनजोर, साक्सि ईसोर पोकुर कीयलाहि, येसु माक उकुम ईतोग़.

लूकाल 8:17

अद्रमे सबे मकिह कीतव पोल्‍लोङ पङ्ने आयनुङ, इद्रमता वेला वायग़ा.

1 पत्रु 4:5

मति हातोरा, पिसतोरा नेयम कीयनद देवुळता मुनेह, ओरिह्‌क लेका-जोका ईयाय पोयतग़ा, इद पोल्‍लो मीट सीताते तासाटु.

रोम सहरतोर 3:6

मति अद्रम इनदनद पका बय्तळ पोल्‍लो आंदु! देवुळि सेतेमते नेयम केवेक अचोन, पूरा बूममेटोरा बेद्रम नेयम कीयग़ा?

2 पत्रु 2:9

इव सबे पोल्‍लोन मीक बाराह्‌कु सीता कीसीय्ह्‌नन इतेके, सामि तन्क माळवालोरिन तिपलताहि बेद्रम विळ्सिह कीयना, ओसो लाग्वोरिन सिक्सा ईयनासाटि, नेयम कीयनद दिया एवनाह बेद्रम तासना, इविस्किन पुन्ह्‌ता इनजोर, इव पोल्‍लोङ तोहतह्‌ताङ.

2 तिमोति 4:1

देवुळि ओसो किर्स्तु येसु (ओग़े किर्स्तु उंद दिया तना राजेमतुन निल्पिह कीयलाह मल्स वायनोग़; अस्के हातोरा-पिसतोरा नेयम केवाल आयनोग़); वेरा अदिकरते नना नीक इद उकुम ईय्ह्‌नन:

2 तिमोति 2:8

दाविद राजाना कूळतोग़, येसु किर्स्तुन सीता कीम. हामुरतग्डाहि देवुळि ओन जीवा अर्हता. नना पोकुर कीयनद इदे बेसता कबुर आंदु.

1 तिमोति 1:11

इद सेतेमता काग़्हमुळ इतेके, मावा कूब असलता, डीसाता देवुळता बेसता कबुर आंदु. इद बेसता कबुर दुस्रोरिन वेहतलाहि, देवुळ नाकु निल्पिह कीता.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

योहन 12:48

बोर नाक कोंटे कीसि, नावाङ पोल्‍लोङ केंजोर, ओरा नेयम कीयनद उंद मन्ह्‌ता: बेद पोल्‍लो नना वेहतन, अद पोल्‍लोते ओर तिरियतोरो, तिरियोरो, अद इसबते ओरा नेयम आयग़ा.

इब्रितोर 9:27

सबेटोर मन्कलोर उंदिय मल्का डोलनदु; ताना पेग़्के देवुळि ओरा नेयम कीयग़ा.

2 तिमोति 4:8

(गेल्सवालोरिह्‌क दोर्कना लेह्‌कान,) देवुळि इंजेटाहि नयेनाह्‌क उंद राजटोपि तासता, अदु सेतेमते पिसवालोरिह्‌क ईयनद इनम आंदु. सेतेमते नेयम केवाल येसुसामि, तना नेयम कीयनद दियाते, अद राजटोपतुन नाक ईयनोग़. सिरप नाके आयो, सामि ओसोवने मल्स वायनदिन गिर्दाते केपवालोर सबेटोर मन्कलोरिह्‌क ईयनोग़.

2 कुरिंततोर 5:10

बाराह्‌क इतेके, किर्स्तु नेयम कीयनद जागाता मुनेह, माट सबेटोरल नितना मन्ह्‌ता. इद बूमतगा मनदह्‌पा, माट कीतव कबस्क बेसताङ आयिङ, लाग्वव आयिङ, अविस्कना इसबते, माक ओर्विह्‌क-ओर्विह्‌क ओग़ बर्कत ईयनोग़, इलवेके सिक्सा ईयनोग़.

रोम सहरतोर 2:5

मति निमा इतेके कैंगम आसि, पापमता अग़दाहि मलवोन इह्‌निन. देवुळि तना ओङतुन उंद दिया तोहतग़ा. अस्के ताना सेतेमता नेयमतुन, सबेटोर ऊळनुर. नेंड निमा ताना पोल्‍लोतुन केंजविन इतेके, अद दिया नीवा सिक्सातुन बेर्सिह कीयना लेह्‌कान आतिन.

मत्याल 16:27

केंजाटु, माने-मन्कना नडुम पुटटोनन, नना नावा बाबाना डीसाते, नावाङ देवतुल्कना संगे वायकन. अद तूकने नना सबेटोराङ, बोना ओना कबळतुन ऊळिसि, नेयह्‌क कीकन;

गलातितोर 1:11

मावोरिर, बेस केंजाटु! बेद बेसता कबुरतुन नना मीक वेहच मतन, अद मन्कना बुदता आयो.

1 कुरिंततोर 15:1

मावोर विस्वसिरिर! नना मियगा पोकुर कीतद किर्स्तुना बेसता कबुरतुन, इंजेके ओसो सीता कीसीयलाह आतन. अद कबुरतुन मीट केंजिस नमतिर. ताना पोग़ोन विस्वस तासिसि, इंजेके निच मह्‌निर.