रोम सहरतोर 2:14 - माडिया गोंड पवित्र सास्त्रम

^14-15 बाराह्‌क इतेके, ओर तमाय बुदते अडोङ वेहतप कीस्तोर. अस्के ओर मोसानाङ अडोन पुनवेकाय, आपुना जीवातगा अव अडोन तासतप लेह्‌का मन्ह्‌तोर. मोसानाङ अडोना लेह्‌काडाङ पोल्‍लोङ, ओरा जीवातगा रासिस मन्ह्‌ताङ इनजोर, ओरे तोहतह्‌तोर. ओरा जीवातगा मनदनव अडोना इसबते, ओर कीयनाङ कबस्क सेतेमताङा, इलवेक लाग्वाङा इनजोर, ओराङ विचर्क वेहतह्‌ताङ.

रोम सहरतोर 2:14 Referans Kwoze

रोम सहरतोर 2:12

इतेके मोसानाङ अडोङ पुन्ज, पापम कीतोर सबेटोर यहुदिरिह्‌क, अवे अडोङ वेहतपु, देवुळ सिक्सा ईयग़ा. बाराह्‌क इतेके, सिरप अडोङ केंजवालोर मन्कलोरिन देवुळि सेतेमतोर इनो. अडोङ वेहतप ताकवालोरिने, सेतेमतोर इन्ह्‌ता. अहे मोसानाङ अडोङ पुनवोर यहुदि आयवोरिन वने, ओरा पापमतेनाह्‌क देवुळि सिक्सा ईयग़ा.

रोम सहरतोर 2:27

अद्रमतोरे मीवा पोग़ोन कसुर वाटनुर. बह इतेके मीट डायना रिवज कीतिर, ओसो मोसाल रासतव अडोङ मियगा मन्ह्‌ताङ, मति अव अडोन मीट माळविर.

इपिसुसतोर 2:12

अस्के मीट किर्स्तुना संगे कलियवा मतिर; इस्रयेल मन्कलोरा मुल आयवा मताह्‌कु, मीक देवुळता सास्त्रम दोर्को. देवुळि इस्रयेल मन्कलोरिन वेल्‍लाङे मल्काङ तना पोल्‍लो करल कीस मता, मीट अव करल्कनगा कलियविर आस मतिर. इद बूमतगा आसालेवा, देवुळलेवा मतिर.

बळयिर 17:30

लोकुर देवुळतुन पुनवालेवा मताह्‌कु, अद कालमतस्के देवुळि ओरा पापमता नेयम केवो. मति इंजेके दुनियामेटोर कतमतोर पापमता अग़दुन विळ्सिसि तानक्‍के वायना इनजोर, उकुम ईता.

बळयिर 10:35

मति बेदाय जाततोग़ मतेक तेला, तान्क रेयिसि, सेतेमते ताकवाल मन्कल, देवुळतुह्‌क विचर वास्तोग़ इनजोरे, इंजेके नाक बेस तेळियता.

रोम सहरतोर 1:32

देवुळता अडो मतपु, इद्रमतोर हामुरता सिक्साता लायक मन्ह्‌तोर इनजोर, वेर तमा पुतोर. पुन्जाय मति तमाये अद्रम ताकिह्‌तोर. ओसो अद्रम ताकवालोरिन बेसतोर इनजोर वने गिर्दा आस्तोर.

1 कुरिंततोर 11:14

कोय्तोग़ आंचाना लेह्‌कान केल्किन लाट बेर्सिह कीयनद, ओन्क लजा वास्ता. मति आंचाळि तनाङ केल्किन लाट बेर्सिह कीयनद, तान्क सोबा आस्ता इनजोर, सबेटोर पुतोर. तना तलातुन मुचलाह इनजोर, देवुळि तान्क केल्क ईता.

पिलिपितोर 4:8

मावोरिर! इद उंद पोल्‍लो पिसता, बेव पोल्‍लोङ बेस-नेह्‌ना, असलताङ मन्ह्‌ताङ, अवे पोल्‍लोने सीता कीसोर मन्ह्‌टु: इतेके बर्वस लायकताङ पोल्‍लोङ, मानेम आयना लेह्‌काडाङ पोल्‍लोङ, सेतेमताङ पोल्‍लोङ, पवित्र पोल्‍लोङ, गिर्दाताङ पोल्‍लोङ, बेस विचर वायनव पोल्‍लोङ, इविस्किने सीता कीसोर मन्ह्‌टु.

बळयिर 14:16

देवुळि मुने, मीट यहुदि आयवोर दुस्राङ जातिनोरिह्‌क, विचर वातविन मोळ्कलाह ईस मता.

1 कुरिंततोर 9:21

मोसानाङ अडोन नोमवोरु यहुदि आयवोरा संगे मनदह्‌पा, नना वने ओरिन किर्स्तुनगा ततनेनाह्‌क, मोसानाङ अडोन पुनवप लेह्‌कान मह्‌नन. देवुळताङ अडोन पास्कोन, मति निटम किर्स्तुनाङ अडोन माळिह्‌नन.

इपिसुसतोर 2:3

निटमे माट सबेटोरल वने, ओरा लेह्‌काने ताकिंदल. मावा लाग्वा बुदि बेद्रम लालुस कींदु, अद्रमे कींदल. मावा मेंदुलि ओसो मावा बुदि बेद्रम ओसोर मंदु, अद्रमे लाग्वाङ कबस्क कीसोर मंदल. लाग्वाङ कबस्क कीसोर मनाह्‌कु, देवुळि लाग्वोर सबेटोरिह्‌क निटम सिक्सा ईयना लेह्‌का, माक वने सिक्सा ईस मनालि.