रोम सहरतोर 15:30 - माडिया गोंड पवित्र सास्त्रम

^30-31 मावोर विस्वसिरिर! माट मावा येसुसामि किर्स्तुना संगे जोळेम आताह्‌कु, ओसो देवुळता जीवा माक ओर्विह्‌क-ओर्वोग़ जीवा कीयनाह कीताह्‌कु, नना मीक उंद अर्जि कीय्ह्‌नन: यहुदा पटटगा विस्वस केवोरा कयदाहि नना पिसना इनजोर, पार्तना कीय्ह्‌नन. ओसो येरुसलेमतगा नना ओसीयनव दर्मम कोतान अग्डोर एनिर, इनजोर पार्तना कीय्ह्‌नन. मीट वने बेस्केन माग़्ङवालेवा, इव पोल्‍लोनेनाह्‌क पार्तना कीसोर मन्ह्‌टु.

रोम सहरतोर 15:30 Referans Kwoze

कुलुसितोर 4:12

मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़. ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर, अमेसा आरेम आयवा मियेनाह्‌क पार्तना कीस्तोग़.

2 कुरिंततोर 1:11

मीट वने मावा तोळ आसि, मयेनाह्‌क पार्तना कीय्ह्‌निर. बह इतेके मावासाटि वेल्‍लाटोर मन्कलोर पार्तना कीयनदिन केंजिस, देवुळि तना देय्वाते माक पिसिह कीता. तानासाटि वेल्‍लाटोर मन्कलोर मयेनाह देवुळतुन जोहर कीयिर.

1 तिसलुनितोर 5:25

मावोर विस्वसिरिर! मयेनाह्‌क वने पार्तना कीम्ह्‌टु.

2 कुरिंततोर 4:11

निटमे माट जीवात मनाह्‌जोम, येसुनेनाह्‌कु अमेसा हामुरता दोकाते अरयह्‌नोम. ओना जीवा मावाङ रेंड दियानाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळना इन्जि, माट दोकाते अरयह्‌नोम.

2 तिसलुनितोर 3:1

मावोर विस्वसिरिर! आक्रिते इद पोल्‍लो वेहतह्‌नन: माट येसुसामिना पोल्‍लोतुन पोकुर कीयलाह आतोम. अदिनेनाह्‌क अद पोल्‍लो चट्पिट दुनियामेंड पोकुर आयि, ओसो मियगा आतप लेह्‌का, सबेटोर लोकुर वने तान मान ईसि केंजिर इनजोर, मयेनाह्‌क पार्तना कीम्ह्‌टु.

पिलिपितोर 2:1

मीट इंजेके किर्स्तुना संगे जोळेम आताह्‌कु, मीक दीरा वास्ता. देवुळि मीक जीवा कीसि, मीवा जीवातुह्‌क सितुर ईयलाह आता. ओसो मीक तना जीवा ईसि, मियगा जागा आता. अह कीसि मीकु तना दया कीयनद, जीवा वाटनद बुदि ईता. इव सबे पोल्‍लोङ निटम आताह्‌कु, मीवाङ विचर्क अमेसा ओर्विह्‌क-ओर्वोना संगे कलियिस मनिङ. देवुळि मीक जीवा कीतपु, मीट वने ओर्विह्‌क-ओर्वोग़ जीवा कीम्ह्‌टु. मीट सबेटोरिर उंदिय एकाते मन्जि, देवुळता अग़दे ऐंगेन ताकाटु. अह ताकतिर इतेके, नावा गिर्दा पूरा आयग़ा.

कुलुसितोर 2:1

मीट कुलुसि नाटेनोर विस्वसिरिर, इद पोल्‍लोतुन बेस पुन्ह्‌टु. मीट नावा मोकमतुन ऊळवेक तेला मीकु, लोदिकिया सहरतोर विस्वसिरेनाह्‌कु, ओसो मीवा पटटोर सबेटोर विस्वसिरेनाह्‌कु, नना पका पप्ळेम आयलाह आतन. मीवा जीवातगा दीरा वायना, मीट सबेटोरिर ओर्विह्‌क-ओर्वोग़ जीवा कीसोर कलियिस मनदना, ओसो देवुळतगा मकतद पोल्‍लो, मीक पका बेस-नेह्‌ना तेळियना इन्जि, नना पप्ळेम आयलाह आतन. देवुळतगा मकतद पोल्‍लो इतेके किर्स्तुये आंदोग़. देवुळता पूरा बुदि ओसो ताना जीवाताङ कतम पोल्‍लोङ, बेरा मालसोमलेह्‌का किर्स्तुनगा जमा आस मन्ह्‌ताङ.

2 कुरिंततोर 4:5

अदिह्‌क येसु किर्स्तुये सामि आंदोग़ इनजोर, माट पोकुर कीय्ह्‌नोम, मावाय लोप्पाडा पोल्‍लोतुन केवोम. माट इतेके ओना पोल्‍लो केंजताह्‌कु, मीवाङ सेवकिरोम आंदोम.

2 तिमोति 4:1

देवुळि ओसो किर्स्तु येसु (ओग़े किर्स्तु उंद दिया तना राजेमतुन निल्पिह कीयलाह मल्स वायनोग़; अस्के हातोरा-पिसतोरा नेयम केवाल आयनोग़); वेरा अदिकरते नना नीक इद उकुम ईय्ह्‌नन:

इपिसुसतोर 6:19

मन्कलोर मुने पुनवालेवा मंदुर, अद पोल्‍लोतुन बेसता कबुरते, देवुळि इंजेके पुन्पिह कीता. तान पोकुर कीयलाहि, किर्स्तु नाक लोहतोग़. अदिनेनाह्‌क कोनि इंजेके नना जेलतगा मह्‌नन. नना तान पोकुर कीयनाये, अद नावा कबळ आंदु. अद इसबते देवुळि नावा तोडटगा पोल्‍लोङ ईयि, नना रेयवालेवा वेहतलाहि, नयेनाह्‌क वने पार्तना कीम्ह्‌टु.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

2 कुरिंततोर 12:10

नाक लाव लेवस्केन, नना किर्स्तुना लावते मेग़्किह्‌नन. अदिनेनाह्‌क नना लाव लेवस्के गोसा आयह्‌पा, मन्कलोर नाक लजा कीयह्‌पा, नाक नल्हतना-कोह्‌कना कीयह्‌पा, तिपल आयह्‌पा, इव सबे पोल्‍लोङ किर्स्तुनेनाह्‌क आयह्‌पा, नना बेस गिर्दा आय्ह्‌नन.