रोम सहरतोर 15:26 - माडिया गोंड पवित्र सास्त्रम

²⁶ येरुसलेमते मनवालोर मावा ऐंगेटोर गरिब विस्वसिर तिपलते मन्ह्‌तोर इन्जि, मकिदुनिया पटटोर ओसो अकाया पटटोर यहुदि आयवोर विस्वसिर, ओरेनाह्‌क कोताङ अर्हचि लोहचीयना इनजोर, विचर कीतोर. इवे कोताङ एव्सिह कीयलाहि, नना इंजेके दायलाह आतन.

रोम सहरतोर 15:26 Referans Kwoze

2 कुरिंततोर 9:12

बह इतेके, दान कोताङ अर्हतनद सेवा कीतेके, देवुळता मन्कलोरा गर्जते, ओरिह्‌क तोळ ईयनाह आस्ता. अचोने आयो मति, ओरिह्‌क तोळ ईतस्के, ओरा जीवाताहि देवुळतुह्‌क जोहरता पोल्‍लो पेससोरेन दास्ता.

2 कुरिंततोर 9:2

बह इतेके कोताङ ईयलाह, मीट पका विचर आतिर इनजोर, नना पुतन. नीरेताहि अकाया पटटोर विस्वसिर, कोताङ ईयलाह तयर मन्ह्‌तोर इनजोर, मीवा लोप्पा मकिदुनिया पटटोर विस्वसिरिन वेहतन. मीट गिर्दा आतदिन केंजिसि, अग्डोर वेल्‍लाटोर मन्कलोर वने, कोताङ ईयलाह तयर आतोर.

1 कुरिंततोर 16:15

मावोर विस्वसिरिर! मीवा अकाया पटटे, मुनेतोर विस्वसिर इतेके इस्तिपनासना लोतोर विस्वस कीतोर, ओर देवुळता मन्कलोरा सेवा कीयनद कबळतेने मन्ह्‌तोर इनजोर पुतिर. ओरा लेह्‌काडोर मन्कलोरा पोल्‍लोतुन केंजिसि मन्ह्‌टु इनजोर, नना मीक अर्जि कीय्ह्‌नन. अहे ओसो सामिना कबळते तोळ आसि, कह्‌टेम केवालोर सबेटोर मन्कलोरा पोल्‍लोतुन केंजिस मन्ह्‌टु.

बळयिर 18:12

पया गलियो पेदिरतोग़ मन्कल अकाया पटटागुमसि आतोग़. अस्के यहुदिर कलियिस पोलुन जग्ळा कीतोर, कीसि ओन नेयम कीयनद जागातगा ओसि, गुमसिन इद्रम वेहतोर.

बळयिर 16:9

ओर अगा मनदह्‌पा, पोलु नग़्का देवुळ तोहतना लेकातुन ऊळतोग़. अद लेकाते मकिदुनिया पटटोग़ ओर्वोग़ मन्कल ओन्क दिसतोग़. ओग़ मन्कल निचि, “इबर दडटेके वासि, मावा मकिदुनिया पटटोर मन्कलोरिन काग़्हा,” इनजोर अर्जि कीतोग़.

लूकाल 14:13

मति निमा बेस्के गाटो तिनदलाह लोकुरिन केयकिन, अस्के लेवोरिन, कय्क-काल्क वावोरिन, ताक पग़वोरिन, तोववोरिन केया.

लूकाल 6:20

पया येसु तनाङ कग़यवालोरिन ऊळिस इद्रम इतोग़, “बोर लेवोरिर मह्‌निर, मीट देवुळता देय्वातोरिर. देवुळबाबाल मियद्रमतोरिह्‌के राजाल आस्तोग़.

मत्याल 26:11

गरिब-सरिबतोर इतेके अमेसाय मियगान मनदनुर, (ओरिह्‌कु बेस्के तेला दर्मम ईया पग़यकिर). मति नना इसि मियगा अमेसा मनोन आयकन.

मत्याल 25:40

अस्के नना ओर सेतेमतोरिन इनदकन, ‘आयो रा, इह केंजाट, नना सेतेम वेहतह्‌नन, नावा लोकुर ओसोय पोहचीतप उड्लोर मतेकाय, ओरग्डाहि बोनाय वग़ोन इह बेस कीतिर इतेके, नाके कीतप आस्ता,’ इन्जि इनदकन.

बळयिर 9:13

इतस्के अनन्याल इतोग़, “अलो सामि, ओग़ मन्कल येरुसलेम सहरतगा बेद्रम नीवा मन्कलोरिन पकाय तिपल कीतोग़ इनजोर, वेल्‍लाटोर लोकुर नाक वेहतोर.

बळयिर 16:12

पया अग्डाहि ताकसोर अन्जि, पिलिपि सहरते एवतोम. अदु मकिदुनिया पटटा मुनेटा जिलाता सहर मता; अगा रोम सहरतोरेनाह्‌क गूळा कीतद आंदु. अद सहरतगा माट उचुक दियाङ मतोम.

बळयिर 19:21

इव पोल्‍लोङ आतापया, पोलु मकिदुनिया पटटे, अकाया पटटे अन्जि, अग्डाह येरुसलेम दाय्ह्‌नन इनजोर, तना विचर कीतोग़. “येरुसलेम अतापया, अग्डाहि रोम सहरते वने नाक दाया पोयग़ा,” इतोग़.

1 कुरिंततोर 16:5

नाक मकिदुनिया पटटगाह्‌क दायना मन्ह्‌ता. अग्डाह पया मियगा वायकन.

2 कुरिंततोर 1:16

अद इद्रम मता: मियगाह्‌के मकिदुनिया पटटे दाकन, अहे अग्डाहि ओसोवने मियगा मलयकन; अस्के मीट नाक यहुदा पटटे दायनद अग़दे लोहतकिर इनजोर, विचर कीस मतन.

2 कुरिंततोर 2:13

नावा ऐंगेटोग़ विस्वसि तीतुस वने अगा वासि, मियकेडा कबुर ततनोग़ इनजोर, अग़ ऊळसोर मतन. मति ओग़ अगा वावोग़; वावाह्‌कु नावा जीवा चुहेम आयो. जीवा चुहेम आयवाह्‌कु, नना तरोवस सहरतोरिन दाय्ह्‌नन इनजोर वेहचि, मकिदुनिया पटटे वातन.

2 कुरिंततोर 9:4

मकिदुनियातोर बोराय नावा संगे मियगा वातस्के, मीट कोताङ लोहतलाह तयर इलवेके, मीवा पोग़ोन बर्वस कीस मतोम इनजोर, माक लजा वायग़ा. अहे मीक वने लजा वायग़ा.

2 कुरिंततोर 11:9

नना मियगा मतन अस्के, नाक कोताना गर्ज अर्स मताये! मति नना बोनाय पोग़ोन मोता वाटोन. मकिदुनिया पटटाहि वास मतोर विस्वसिर, नावा गर्जतेनाह्‌क पूरा तोळ ईतोर. इचानाह नना मियग्डोग़ बोनाय पोग़ोन मोता वाटोन, इंजेक मुनेह वने अद्रमलेह्‌कान मोता वाटोन.

पिलिपितोर 4:15

ए मावोर पिलिपितोरिर! नना मुने बेसता कबुर मियगा पोकुर कीसोर मतन, अस्के नना मीवाय मकिदुनिया पटटाहि पेसिस मतन. पेसतस्के मीवाय मुलु नाक कोताङ ईस तोळ ईतोर. दुस्रोर बोरे विस्वसिरा मुलु नाक तोळ एवोर. इद पोल्‍लोतुन मीट इतेके पुतिरे.

1 तिसलुनितोर 1:7

अदिनेनाह्‌क इंजेके मीवा मकिदुनिया पटटोर सबेटोर विस्वसिर, ओसो अकाया पटटोर सबेटोर विस्वसिर, मीक ऊळिस ताकना लेह्‌कान आतिर.

1 तिसलुनितोर 1:8

बह इतेके, सामिना पोल्‍लो मियग्डाहिये, ईनाह-आनाह मन्कलोरगा पोकुर आसोर एवता. ओसो मीट देवुळतुन बेद्रम विस्वस कीतिर, अद पोल्‍लो वने पोकुर आता. सिरप मकिदुनिया पटटे ओसो अकाया पटटेन आयो, मति सबे जागाने पोकुर आता. अदिनेनाह्‌क इंजेके, मीवा विस्वसता लोप्पा माक बाताले वेहतलाह गर्ज इले.

1 तिसलुनितोर 4:10

मीवा मकिदुनिया पटटोर सबेटोर विस्वसिरिन, मीट जीवा कीय्ह्‌निरे. मति मावोर विस्वसिरिर! इंका ओसो पका जीवा कीसोर मन्ह्‌टु इनजोर, माट मीक वेहतलाह आतोम.

1 तिमोति 1:3

इंजेके इपिसुस सहरते उय्तुर लोकुर जोल काग़्हवालोर मन्ह्‌तोर. ओरु जोला-जमाताङ लेकाङ-जोकाङ कीसि, लाट-लाट सास्त्रह्‌क पुटिह कीस वेहतह्‌तोर. अवटे जग्ळा-बोबाये पुटिह्‌ता. मति विस्वस कीतेकेने, देवुळताङ विचर्कु करल आयनुङ. अदिनेनाह्‌कु इपिसुस सहरताहि, मकिदुनिया पटटके दायलाह पेसतन अस्के, “तिमोति, निमा इगाने मन्जि, वेर जोल काग़्हवालोरिन रोमिह कीम,” इनजोर नीक वेहच मतन.