रोम सहरतोर 15:14 - माडिया गोंड पवित्र सास्त्रम

¹⁴ मावोरिर! मीट पका बेस गूमनतोरिर, ओसो देवुळता पोल्‍लोतुन बेस पुन्जि, ओर्विह्‌क-ओर्वोग़ बुदिङ-एदिङ बेस वेहता पग़यह्‌निर इनजोर, नाक पूरा विस्वस मन्ह्‌ता.

रोम सहरतोर 15:14 Referans Kwoze

2 पत्रु 1:12

इंजेके मीक काग़्हतद सेतेम कबुरतुन बेस पोस मन्जि, मीट ताकलाह आतिरे. तेला मति इव पोल्‍लोन मीक सीता कीसीयलाह, नना अमेसा तयर मनदकन.

1 योहन 2:21

मीट सेतेमतुन पुनविर इनजोर नना रासोन, मति मीट सेतेमतुन पुतिर, सेतेमताहि बेदे जोल पुटो इनजोर वने पुतिर. अदिनेनाह्‌क रासलाह आतन.

1 कुरिंततोर 8:1

इंजेके पेन-बोमानेनाह्‌क वाटटव अविना लोप्पा ताल्ह्‌किस मतिर. इद पोल्‍लोता लोप्पा माट बेस-नेह्‌ना पुतोम इन्जि, उच्वुरिर इह्‌निर. अद निटमे मति, माट पका पुतोरोम इनवालोर, माट बेरोरोम इन्जि पोग़यसोर तिरियिह्‌तोर. जीवा केवालोर बारा, दुस्रोरा पाय्दातुन ऊळिह्‌तोर.

1 तिसलुनितोर 5:11

अदिनेनाह्‌क मीट इंजेके कीय्ह्‌निर अद्रमलेह्‌कान, ओर्विह्‌क-ओर्वोग़ दीरा ईम्ह्‌टु, ओसो ओर्विह्‌क-ओर्वोना विस्वसतुन बेर्सिह कीम्ह्‌टु.

कुलुसितोर 3:16

अद्रमे किर्स्तुना पोल्‍लो मीवा जीवातगा गडि, अदे मीक ताकिह कीयि. देवुळ ईतद बुदते, ओर्विह्‌क-ओर्वोग़ बुदिङ-एदिङ काग़्हचोर मन्ह्‌टु. देवुळता सास्त्रमताङ पाटाङ, ओसो रीतरीतिनाङ पाटाङ, इविस्कने देवुळतुन जोहर कीसोर, मीवा पूरा जीवाताहि ओसोर मन्ह्‌टु.

1 कुरिंततोर 8:10

अद इद्रमि: (पेन बोमाङ निटम देवुळ्क आयोङ इनजोर,) पुतन इनवानिन; निमा बोमाना मंदिरतगा गाटो तिनदकिन. अस्के विस्वसते मेग़्कवोग़ मन्कल नीक ऊळनोग़. नीक ऊळतस्के, ओग़ वने बोमानेनाह्‌क मोक ईतविस्कनाङ अविङ तिनदलाह रेयोग़ आयनोग़ बहे. (बेद कबळतुन ओग़ पापम कबळ इन्ह्‌तोग़, अदिने कीयलाह ओन्क दीरा वास्ता.)

1 कुरिंततोर 8:7

मति सबेटोर विस्वसिर इद पोल्‍लोतुन पुनोर. उच्वुर मन्कलोर मुने पेन-बोमानु मोळ्किस मर्सताह्‌कु, नेटा दिया एवनाह, पेन-बोमानेनाह्‌क मोळ्कतव अविङ तिनदह्‌पा, अव पेन-बोमाह्‌क वाटटव इनजोर, सीता कीस तिन्ह्‌तोर. (ओरा नेह्‌ना-लाग्वा पुनदनद बुद बेर्सवा मताह्‌कु, इविन तिनदनद पोलिह्‌ताया, पोलो इनजोर पुनोर.) अदिनेनाह्‌क अद्रमताङ अविङ तिताह्‌कु, कळ्‍वोग़ आतोम इनजोर, ओरा जीवा चुहेम आयो.

1 कुरिंततोर 1:5

देवुळता लोप्पा मीट वळ्ह्‌कनव सबे पोल्‍लोने, ताना लोप्पा मीट पुतव पूरा पोल्‍लोने, सबे रीतिने, मीट किर्स्तुना संगे जोळेम आताह्‌कु, देवुळि मीक आलिस पिसनाह बुद ईता. इद बुदि ताना जीवा ईतद बुद आंदु. किर्स्तुना लोप्पा माट मियगा ततद कबुर, निटम इनजोर इद तोहचीता. इंजेके मावा येसुसामि किर्स्तु ओसोवने वायनद दियातुन केपतिर, मीक बेदे बुदता कमि इले.

पिलेमोन 1:21

नावा पोल्‍लोतुन केंजिह्‌निन इनजोर, बर्वस कीस रासलाह आतन. नना वेहता पोल्‍लोतुह्‌काय, एक्‍वा वने कीकिन इनजोर पुतन.

1 तिसलुनितोर 5:14

मावोर विस्वसिरिर! ओसो उंद पोल्‍लो वेहतह्‌नन: कबळतुह्‌क लंडालोरिन बुदि काग़्हाटु, आरेम आतोरा जीवातुह्‌क दीरा ईम्ह्‌टु, विस्वसते मेग़्कवोरिह्‌क तोळ ईम्ह्‌टु, सबेटोर मन्कलोरा संगे ओङ आयवा मन्ह्‌टु.

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

इब्रितोर 6:9

माट जीवा कीतोर विस्वसिरिर! माट इद्रमताङ रेय वेसनाङ पोल्‍लोङ इह्‌नोम, तेला मति मीवा ताकमुळतुन ऊळिसि, मीक देवुळता पिसमुळ निटम दोर्कता इन्जि, माक बर्वस मन्ह्‌ता.

इब्रितोर 5:12

मीट वेल्‍लाय मुने विस्वसिरिर आतिर. इचोटे विस्वसता पोल्‍लोतुन, दुस्रोरिह्‌क काग़्हवालोर आयना मता. मति देवुळताङ पोल्‍लोनु, ओसोवने सुरुताहि मीक काग़्हतना लेह्‌का आता अले! इंका वने पाल उनवालोर पिलाङ-पेकोरा लेह्‌कान मह्‌निर, गाटो तिनदा पुतोरा लेह्‌का आयविरे.

2 तिमोति 1:5

नीवा विस्वस निटमता विस्वस इनजोर, नना सीता कीतन. मुने नीवा काको लोयिस, अद्रमे विस्वसता मता. पया नीवा यायालि यूनिके वने, अद्रमे विस्वसता मता. निमा वने अद्रमताय विस्वसतोनिन इनजोर, नावा बर्वस मन्ह्‌ता.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.

1 कुरिंततोर 13:2

नना देवुळता जीवाता दळ्मते वळ्ह्‌क पग़वेनन, ओसो देवुळि इंजेक एवनाह पेसिह केवा तासतव सबे पोल्‍लोनु, अहे बुदताङ सबे पोल्‍लोन पुनेनन. मेटान इंका जर्गिह कीयनाह, अचोटा विस्वसते पार्तना केवेनन. मति नना दुस्रोरिन जीवा केवेक अचोन, देवुळता मुनेह बाताले कबळतोनन आयोन आवेनन.

1 कुरिंततोर 12:8

अद बेद्रम बुद ईस्ता इनजोर वेहतह्‌नन: देवुळता जीवा ओर्विह्‌क बुदताङ पोल्‍लोङ वळ्ह्‌कनद बुदि ईस्ता, अदे जीवा दुस्रोन्क, पुनवव पोल्‍लोन पुन्ज वेहतनद बुदि ईस्ता.

2 कुरिंततोर 8:7

मीट विस्वस कीयलाह, पोल्‍लोङ वळ्ह्‌कलाह, देवुळताङ विचर्किन पुनदलाहि, जिदते सेवा कीयलाहि, माट काग़्हतपु जीवा कीयलाहि, बेस-नेह्‌ना कग़यतिर. इंजेके देवुळता मन्कलोरिह्‌क दान ईयनद कबळ वने, बेस-नेह्‌ना कीम्ह्‌टु.

2 तिसलुनितोर 1:11

इव पोल्‍लोन सीता कीसि, माट अमेसा मियेनाह्‌क पार्तना कीय्ह्‌नोम. देवुळि मीक बह मनदलाह केयता, अहे मनदलाहि, मीट येसुन विस्वस कीताह्‌कु, मीक विचर वातव सबे बेसताङ कबस्क कीयलाहि, देवुळि मीक लाव ईयि इनजोर, पार्तना कीय्ह्‌नोम.