रोम सहरतोर 14:5 - माडिया गोंड पवित्र सास्त्रम

⁵ अद्रमलेह्‌काने बोर बोर विस्वसिर, बेदो उंद दियातुन नोमिह्‌तोर. बोर बोर बार, कतमे दियाङ बेसताङे इनजोर इन्ह्‌तोर. मति (आपुना नोमळि देवुळतुह्‌क विचर वास्ता इनजोर,) ओर्वोग़-ओर्वोग़ मन्कना विस्वस मनदना गावले.

रोम सहरतोर 14:5 Referans Kwoze

रोम सहरतोर 14:23

मति नना बेद तिह्‌नन, अद देवुळता मुनेह पोलिह्‌ताया पोलोया इनजोर, रेंड विचर्क कीस तिनवाल मात्रम, निटमे देवुळता मुनेह तपिह्‌तोग़. बह इतेके, ओग़ देवुळतुन विस्वस केवाय तिन्ह्‌तोग़. इद्रमलेह्‌का बेदाय कबळि देवुळतगा विस्वस केवाय कीतेके, अद पापम आस्ता.

1 कुरिंततोर 8:7

मति सबेटोर विस्वसिर इद पोल्‍लोतुन पुनोर. उच्वुर मन्कलोर मुने पेन-बोमानु मोळ्किस मर्सताह्‌कु, नेटा दिया एवनाह, पेन-बोमानेनाह्‌क मोळ्कतव अविङ तिनदह्‌पा, अव पेन-बोमाह्‌क वाटटव इनजोर, सीता कीस तिन्ह्‌तोर. (ओरा नेह्‌ना-लाग्वा पुनदनद बुद बेर्सवा मताह्‌कु, इविन तिनदनद पोलिह्‌ताया, पोलो इनजोर पुनोर.) अदिनेनाह्‌क अद्रमताङ अविङ तिताह्‌कु, कळ्‍वोग़ आतोम इनजोर, ओरा जीवा चुहेम आयो.

रोम सहरतोर 14:14

येसुसामिना जीवा नाक पुन्पिह कीताह्‌कु, नाक सबे तिनदलाह पोलिह्‌ता इनजोर नना पुतन. मति बोग़ मन्कल बेदाय तिनदनदिन पोलो इनजोर विचर कीस्तोग़, कीसि तान तिन्ह्‌तोग़ इतेके, ओग़ कळ्‍वोग़ आस्तोग़.

1 कुरिंततोर 8:11

अद्रम पुतोनिन, निमा कीतद कबळतेनाह्‌कु, विस्वसते मेग़्कवोग़ नीवा ऐंगेटोग़ विस्वसि, देवुळताहि पूरा जेक आयनोग़. निमा अद्रम अग़ एमा. ओनेनाह्‌क वने किर्स्तु डोलतोग़ कोनि.

लूकाल 1:1

तियुपिलु साय्ब! माटु येसुसामिना सेवकिरोम आंदोम; सास्त्रमते ओना लोप्पा मुनेन रासतपु, ओग़ मावा नडुम वेल्‍लाङे कबस्क कीतोग़. अव कबस्किन इंजेके वेल्‍लाटोर रासलाह आतोर. अव पोल्‍लोन मुनेटाहि ऊळतोरु, केंजतोरु, वेर पोकुर कीतोर, ओसो माक वने वेहतोर. येसुसामिनाङ सबे पोल्‍लोङ मुनेटाहि बेद्रम आताङ इनजोर, नना वने बेस पर्ह्‌किस ऊळतन. निमा ओना लोप्पा बाताल बाताल कग़यतिन, अव सबे पोल्‍लोङ सेतेम मन्ह्‌ताङ इन्जि निमा पुनदना, अदिनेनाह्‌क अविस्किन इंजेक ओर्कुलते नियेनाह्‌क रासलाह आतन.

रोम सहरतोर 4:21

देवुळि पोल्‍लो विळ्सतप लेह्‌का कीया पग़यह्‌ता इनजोर, देवुळता पोग़ोन ओना पका बर्वस मता.