रोम सहरतोर 14:15 - माडिया गोंड पवित्र सास्त्रम

¹⁵ नावा विस्वस पका मेग़्कता, नना विचर वातद तिनदा पग़यह्‌नन इनजोर इह्‌निर, मति मीवा तिनमुळते मीवा ऐंगेटोग़ विस्वसिह्‌कु एग़्कुळ आतेके, इद बहु? ओन वने पिसिह कीयलाह, किर्स्तु तना जीवा ईतोग़, अदिनेनाह्‌क मीवा तिनदना तिंडटे, ओना विस्वसतुन बूळे केमाटु. अद्रम कीतिर इतेके, मीट मीवा ऐंगेटोन निटमे जीवा केविर.

रोम सहरतोर 14:15 Referans Kwoze

गलातितोर 5:13

मति मावोरिर, मीक इतेके, अडोना जुवाताहि पिह्‌ट अरयलाह देवुळ केयता. अदिह्‌कु नना इद्रम रासिह्‌नन. मीट मात्रम माट विचर वातप कीकोम, इद्रम इनदनदायो मति, जीवा कीसि मीट ओर्विना-ओर्वोग़ सेवा-साकुर कीम्ह्‌टु.

इपिसुसतोर 5:2

किर्स्तु माक जीवा कीसि, मयेनाह्‌क डोलिस मन्जि, तना मेंदुलतुन गम-गम एग़्स्कतद, देवुळतुह्‌क विचर वायनद मोक ईतोग़. बेद्रम किर्स्तु माक जीवा कीतोग़, अद्रम मीट वने ओर्विह्‌क-ओर्वोग़ जीवा कीसोर मन्ह्‌टु.

1 कुरिंततोर 8:1

इंजेके पेन-बोमानेनाह्‌क वाटटव अविना लोप्पा ताल्ह्‌किस मतिर. इद पोल्‍लोता लोप्पा माट बेस-नेह्‌ना पुतोम इन्जि, उच्वुरिर इह्‌निर. अद निटमे मति, माट पका पुतोरोम इनवालोर, माट बेरोरोम इन्जि पोग़यसोर तिरियिह्‌तोर. जीवा केवालोर बारा, दुस्रोरा पाय्दातुन ऊळिह्‌तोर.

रोम सहरतोर 15:2

ओरिन लजा केवा, ओरा विस्वसतुन मेग़्किह कीयना गावले.

रोम सहरतोर 14:20

देवुळि मीवा मुडगा बेद कबळ कीयलाह आता, तान मीवा तिनदनद पोल्‍लोतेनाह्‌क बूळे केमाटु. देवुळता मुनेह कतमे तिनदलाह पोलिह्‌ताङ निटमे, मति मीवा तिंडटेनाह्‌कु, ऐंगेटोर विस्वसिर पापमते अरयह्‌तोर इतेके, तान तितेके मीट तपिह्‌निर.

1 योहन 2:2

मावा पापमता मापि आयना इन्जि, मावा सिक्सातुन तना पोग़ोन एचि, डोलिस मतोग़. सिरप मावाय आयो, मति पूरा दुनियामेटोरा पापमतेनाह्‌क डोलिस मतोग़.

1 कुरिंततोर 13:1

अद इद्रम मन्ह्‌ता: नाक दुनियातोर मन्कलोर वळ्ह्‌कनव सबे बासाङ, ओसो पोग़ोटाङ देवतुल्क वळ्ह्‌कनव सबे बासाङ वळ्ह्‌कनद बुदि मनालि. मति नना दुस्रोरिन जीवा केवोन इतेके, वेट किळिंगाळ इनाह, नेकनद गिनेता लेह्‌काडोनन, ओसो डेडेङ-डेडेङ नेकनद डपता लेह्‌काडोनन आवेनन.

रोम सहरतोर 13:10

दुस्रोरिन जीवा कीतेके, ओरिन बाताले कोटुल कीया वावो. इद्रमलेह्‌का माट जीवा कीतल इतेके, देवुळताङ पूरा अडोन माळतप आतल.

2 पत्रु 2:1

मति देवुळता कबुर वेहवालोरोम इनजोर, नाळेह केवालोरु, मुने देवुळता मन्कलोरा नडुम मंदुर. अद्रम इंजेके वने, जोल पोल्‍लोङ काग़्हवालोर मियगा मनदनुर. विस्वसतुन बूळे कीयनव जोल पोल्‍लोन, कुस्क्ने पोकुर कीयनुर. आपुना जीवाता कर्सा ईस ओरिन असतोग़ माल्काना पोल्‍लो केंजवा ताकनुर. इद्रम कीसि, ओर कुद चट्पिटे गोसातगा अरयनुर.