12 इतेके माट ओर्वोग़-ओर्वोग़ मन्कल देवुळता मुनेह निचि, आपुनाङ कबस्कना इसब ईकल, अदे मावा नेयम कीसीयग़ा.
मति हातोरा, पिसतोरा नेयम कीयनद देवुळता मुनेह, ओरिह्क लेका-जोका ईयाय पोयतग़ा, इद पोल्लो मीट सीताते तासाटु.
ओसो नना मीक वेहतह्नन, आक्रि नेयमता दियाते, देवुळि मीवा तोडटाहि पेसतद, उंद-उंद उगसता पोल्लोता इसब मियग्डाह एतग़ा.
केंजाटु, माने-मन्कना नडुम पुटटोनन, नना नावा बाबाना डीसाते, नावाङ देवतुल्कना संगे वायकन. अद तूकने नना सबेटोराङ, बोना ओना कबळतुन ऊळिसि, नेयह्क कीकन;
बाराह्क इतेके देवुळ नीके ईतद जबब्दरतुन, निमा एतना गावले.
अस्के साव्कर मेटिन केयिस, इद्रम इतोग़, ‘नीवा लोप्पा नना बाताल केंजलाह आतन रा? इंजेक नीक इद कबळते, नना तास पग़वोन आयकन. निमा नयेनाह्क कीसोर मतिन, अद कबळता पूरा लेका कीस, नाक ईम!’ इतोग़.
बाराह्क इतेके, किर्स्तु नेयम कीयनद जागाता मुनेह, माट सबेटोरल नितना मन्ह्ता. इद बूमतगा मनदह्पा, माट कीतव कबस्क बेसताङ आयिङ, लाग्वव आयिङ, अविस्कना इसबते, माक ओर्विह्क-ओर्विह्क ओग़ बर्कत ईयनोग़, इलवेके सिक्सा ईयनोग़.