रोम सहरतोर 13:12 - माडिया गोंड पवित्र सास्त्रम

¹² इंजेक ईकळ मारलाह आसि, वियतलाह आता. अदिनेनाह्‌क माट ईकळता लेह्‌काडाङ लाग्वाङ कबस्किन पोहचि, देवुळता वेह्‌चते ताकसोरे, ईकळतुन आरे कीयलाह तयर आयिङ.

रोम सहरतोर 13:12 Referans Kwoze

इपिसुसतोर 5:11

ईकळते ताकवालोराङ पाय्दालेवाङ कबस्कनगा कलियमाट. मति ओराङ कबस्किन पिङम-पङम तेळियिह कीम्ह्‌टु.

2 कुरिंततोर 6:7

सेतेम पोल्‍लोतुन पोकुर कीसोरे, देवुळता लाव माक ताकिह कीतप ताकसोरे, ईनाह-आनाह विरुद वातेक तेला, देवुळ माक ईतद सेतेमि मावा कयदे तल्वरलेह्‌काडा, अहे माक राका कीयनद वने मन्ह्‌ता.

याकुब 1:21

अदिनेनाह्‌क मीवा जीवातग्डाहि सबे रीतिना माचतुन, ओसो लाग्वाङ कबस्किन, जेक कीम्ह्‌टु. कीसि देवुळ मीवा जीवातगा ओग़्सतद पोल्‍लोतुन, कुलुल बुदते मोन्ह्‌टलाह ईम्ह्‌टु. अद पोल्‍लो मीक पिसिह कीया पग़यह्‌ता.

इपिसुसतोर 4:22

इद काग़्हमुळता इसबते, मीट मुने ताकिंदिर अद पाळ्ना बुदतुन पोहचीम्ह्‌टु. मीट अद मुनेता बुदते मनदह्‌पा, लाग्वाङ कबस्क कीयलाह लालुस कींदिर. अद लालुस मीक लेसिह कीसि बूळे कींदु.

रोम सहरतोर 13:14

मीटु मन्कना बुदताङ लालुस्किन मुर्तिय सीता केवाहु,किर्स्तु येसुसामिये मीक आव्रे कीयेग़.

तोहचीतव पोल्‍लोङ 22:10

ओसो अद नाक इता, “इद पुस्तकताङ पोल्‍लोङ करल आयनद कगो एरे एवता. अदिनेनाह्‌क इद पुस्तकताङ पोल्‍लोन मकिह कीस तासमा.

1 पत्रु 2:1

इंजेके मीटु देवुळि बेचोन बेस गूनमता मन्ह्‌ता इन्जि पुतिर. इतेके मीटु मीवाङ सबे लाग्वाङ कबस्किन विळ्सिसीम्ह्‌टु: सबे कुळ्सा, सबे सोङु, नाळेह कीयनद बुदि, ओसो जीवा कर्वतप आयनदु, कूदिङ दायनदु, इविन विळ्सिसीम्ह्‌टु. इंजेक पुटटोग़ कस्मुल बाला पेकाल बेद्रम पाल उनडलाह गिर्दा आस्तोग़, अद्रमे मीटु इंका मीवा जीवातुह्‌कु, पाललेह्‌का मनदनदु देवुळता पोल्‍लोतुन पुनदलाह, गिर्दा आम्ह्‌टु. इद्रमता पाल उनजोर मतिर इतेके, मीट देवुळतके दायनद वेला एवनाहि, विस्वसते बेर्ससोर मनदकिर.

तोहचीतव पोल्‍लोङ 1:3

इव पोल्‍लोङ करल आयनद कगो एवयलाह आता. अदिनेनाह्‌क इव पोल्‍लोन, विस्वसिरा मुल केंजनाह, जोरते अर्ववाल मन्कल देय्वातोग़! अहे अर्वनदिन केंजिसि, इगा रासतव पोल्‍लोङ वेहतप ताकवालोर मन्कलोर वने देय्वातोरु.

1 कुरिंततोर 7:29

मावोर विस्वसिरिर! नना इद्रम वेहतह्‌नन: माक इद बूमतगा पिसलाह, वेल्‍लाङ दियाङ इलेङ. (किर्स्तु जल्दि मल्स वायनोग़, माट मनदनद इद बूमि मायना मन्ह्‌ता. अदिनेनाह्‌क पिसतव दियाने, इद बूमता मनमुळतगा वेल्‍ला सीता कीयनदायो.) मुतेन ततोरिर, मीवा लोतोरिन सुकमते तासनदिन, मोदुल पोल्‍लो इनदनदायो.

1 कुरिंततोर 10:11

दुस्रोरिह्‌क तेळियिह कीयनेनाह्‌क, इव पोल्‍लोङ मावाङ तादोर-बाबोरिह्‌क आताङ. माट इंजेके बूमता आक्रिता वेलाते पिसलाह आतल. अदिह्‌क माक बुद काग़्हतलाहि, इव पोल्‍लोङ रासतव मन्ह्‌ताङ.

2 कुरिंततोर 10:4

माट इद दुनियाता बुदते, तेल्वते वने, लळेम आयोम, मति देवुळता लावते लळेम आय्ह्‌नोम. लळेम आसि, मन्कना बुदते बेसता कबुरता अडम मेग़्किस मनदनव, सबे विचर्किन बूळे कीय्ह्‌नोम.

इपिसुसतोर 5:8

मुने मीट ईकळते मतप लेह्‌का ताकिंदिर, मति इंजेके मीट सामिना लोकुरिर आताह्‌कु, देवुळता वेह्‌च मियगा मन्ह्‌ता. अदिनेनाह्‌क वेह्‌चतगा मनवालोरा लेह्‌कान ताकाटु.

इब्रितोर 10:25

उच्वुर ऐंगेन जमा आयनदिन विळ्सतोर, ओरा लेह्‌कान माट जमा आयनदिन विळ्सवल. विस्वसते मेग़्किस मनदलाहि, ओर्विना-ओर्वोग़ तोळ आयकल. सामि वायनद दिया एवयलाह आता, इदिन मीट पुतिर. अदिनेनाह्‌क माट ओसोय जिदते इद्रम कीसोर मनदकल.

इब्रितोर 12:1

अदिनेनाह्‌क (माट बह कीयनद इनजोर, तेळियिह कीसीकन:) विस्वसिरा इचोटा बेरा मुडा साक्सि, मावा सर्ने निच (मतप लेह्‌कान, माक दीरा ईसोरेन) मन्ह्‌ता. देवुळि मयेनाह्‌क बेद अग़ तयर कीता, (अद अग़दे वितिङ. बेस वितना इन्जि,) रोमिह कीयनव पुहतव गेंदेना लेह्‌काडाङ सबे पोल्‍लोन तेंडकल, माक ऊर्सतद पापमतुन लेहतकल. ओसो आरेम आयवा, मावा मुनेह मनदनद अग़ पोसि सीदा वितकल.

याकुब 5:8

अद्रमलेह्‌का मीट वने आरेम आयवा, दीरा पोस केपाटु, बह इतेके सामि वायनद दिया एरेन एव्स मन्ह्‌ता.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

2 पत्रु 3:9

सामि तना पोल्‍लो विळ्सिस मतदिन केवालेवा, आल्सेम कीयलाह आता इनजोर, उच्वुर मन्कलोर विचर कीस्तोर. मति अद्रम आयो; बोग़े बूळेम आयनद आयो इन्जि, देवुळता विचर मन्ह्‌ता. सबेटोर मन्कलोरिह्‌क पापमता अग़दाहि जर मलयलाह, मोका दोर्कि इनजोर, अद मियेनाह्‌क आपसोर केपिह्‌ता.

2 पत्रु 3:11

इंगो, निटमे देवुळि निल्पिह कीतद दियाते पोग़ोटा बूमि किसते बूळेम आयग़ा; अगा मनदनव सबेटव दगडातुह्‌क कारियनुङ. इव सबे आयनुङ इन्जि पुह्‌निर इतेके, अद दियाता अग़ ऊळसोर, पवित्रते ताकना गावले. अमेसा मीट देवुळता विचर मतप लेह्‌का कीयना गावले. अद्रम ताकतेके, मीटु अद दिया चट्पिट एवनाह कीकिर.

1 योहन 2:18

पेकोरिर! आक्रिता वेला एवता. किर्स्तुना मोदुल विरुदतोग़ वायनोग़ इनजोर मीट केंजतिर. अद्रमलेह्‌काने इंजेक वने, किर्स्तुना विरुदतोर वेल्‍लाटोर वातोर. अदिनेनाह्‌क आक्रिता वेला वाता इनजोर माट पुतल.