रोम सहरतोर 12:19 - माडिया गोंड पवित्र सास्त्रम

¹⁹ देवुळता सास्त्रमतगा इद्रम रासतद मन्ह्‌ता: “बद्ला एतनद नावा कबळ. लाग्वाङ कबस्क केवालोरिन ननाने बद्ला एतकन” इन्जि देवुळि इन्ह्‌ता, इनजोर रासतद मन्ह्‌ता. अदिनेनाह्‌क नावा गोततोरिर! मीट बद्ला एनमाटु, ओरिन देवुळ ऊळग़ा.

रोम सहरतोर 12:19 Referans Kwoze

इब्रितोर 10:30

देवुळि इता, “बद्ला एतनद कबळ नावा, ननाने बद्ला एतकन.” ओसो “सामि तना मन्कलोरा नेयम कीयग़ा,” इनजोर इता. इदिन माट पुतल.

रोम सहरतोर 12:17

सबेटोरिह्‌क बेस ओप्पनव पोल्‍लोना विचर कीसोर ताकाटु. मीवा मेटे बेचोन आया पग़यह्‌ता अचोन, सबेटोरा संगे गूनमते मन्ह्‌टु. बोराय मीवा नुस्कन कीतेके, ओरिन कोदा पोयमाटु.

1 तिसलुनितोर 4:6

बोग़े तना तोळतोग़ विस्वसिना (मुतेन कव्स मन्जि,) मावोग़ विस्वसिय कोनि इनजोर, ओना अडम पापम कीयनद आयो. इद्रमताङ कबस्क केवालोरिह्‌क, सामिनाहि सिक्सा दोर्किह्‌ता; अदिह्‌क अद्रम बेस्केन केमाट इनजोर, माट मीक मुनेन कळक पोल्‍लोते वेहच मतोम.

रोम सहरतोर 12:14

मीक तिपल केवालोरिन, देवुळ मीक सुकमते तासि इनजोर, बर्कतताङ पोल्‍लोङ वळ्ह्‌काटु, सरप एमाटु.

मत्याल 5:39

नना मात्रम मीक वेहतह्‌नन, बोग़ नीक कोंटे कीस्तोग़, ओना अडम दायनायो. बोग़ाय नीवा तिनळ बुकातुन चापुळ ईतेके, दावळ बुकातुन वने चापुळ ईयलाह ईमु.

रोम सहरतोर 13:4

ओर मीवा पाय्दातेनाह्‌क, देवुळताङ सेवकिर आंदुर. मति लाग्वाङ कबस्क केवालोरिह्‌क, सिक्सा ईयनद अदिकर ओरगा मन्ह्‌ताये. अदिनेनाह्‌क मीट लाग्वाङ कबस्क कीतेके, ओरिह्‌क रेयाटु. लाग्वोरिह्‌क सिक्सा ईयलाहिये, सर्कर ताकिह केवालोरिनु देवुळि निल्पिह कीता.

इपिसुसतोर 4:27

मीवा जीवातगा देयह्‌कना मुक्यान नेङलाह अग़ एमाटु.

2 तिमोति 4:14

ओसो कोल्से कबळ केवाल सिकंदर पेदिरतोग़, नाक पका लाग्वाङ कीतोग़. ओग़ कीतव कबस्कना इसबते, येसुसामि ओन्क बद्ला ईयनोग़.