रोम सहरतोर 12:14 - माडिया गोंड पवित्र सास्त्रम

¹⁴ मीक तिपल केवालोरिन, देवुळ मीक सुकमते तासि इनजोर, बर्कतताङ पोल्‍लोङ वळ्ह्‌काटु, सरप एमाटु.

रोम सहरतोर 12:14 Referans Kwoze

1 पत्रु 3:9

लाग्वाता बद्ला लाग्वा केमाटु, सरपता बद्ला सरप एमाटु. दुस्रोर मीकु अह कीतेकाय, मीटु ओरिह्‌क गूनम तोहाटु, बर्कतताङ पोल्‍लोङ वळ्ह्‌काटु. मीटु इह कीसि, मीक देवुळताहि बर्कत दोर्कना इन्जि, ताना विचर मन्ह्‌ता.

मत्याल 5:44

मति नना मीक वेहतह्‌नन, मीट मीवाङ कोटुलतोरिन वने जीवा कीम्ह्‌टु, ओसो बोर मीक तिपल कीस्तोर, ओर बेस पिसिर इनजोरे, देवुळतुन कोळ्‍व कीसोर ताल्ह्‌काटु.

1 तिसलुनितोर 5:15

उसरते मन्ह्‌टु, बोग़े बोना लाग्वाता बद्ला लाग्वाङ कीयनदायो. मति ओर्विह्‌क-ओर्वोग़ ओसो सबेटोर मन्कलोरिह्‌क वने, बेसताङ कबस्क कीसीयलाह, अग़ ऊळसोर मन्ह्‌टु.

रोम सहरतोर 12:21

इद्रमलेह्‌का मीवा जीवातगा कोंटे बुदि उदमाकि, मति नेह्‌नल कबळ कीसि, अद कोंटे बुदतुन माय्‍पिह कीम्ह्‌टु.

लूकाल 6:28

बोर मीकु सरप ईस्तोर, ओर बेस पिसिर इनजोर, देवुळतुन कोळ्‍व कीसोर ताल्ह्‌काटु. बोर मीकु तिपल कीस्तोर, ओरेनाह्‌क देवुळतुन पार्तना कीम्ह्‌टु.

याकुब 3:10

इद्रम उंदिय तोडटे जोहर कीयनदु ओसो सरप ईयनदु पेसिह्‌ता. मावोर विस्वसिरिर! माट इद्रम कीयनद बेस आयो.

लूकाल 23:34

अस्के “ए बाबा! वेर नाक हव्कवालोर लोकुर बाताल कीस्तोर, अदिन पुनोर, वेरिन मापि कीमु!” इनजोर देवुळतुन येसु पार्तना कीतोग़. पया सीपय्कु सीटिङ वाटिसि, येसुनाङ गेंदेङ तूसतोर.

बळयिर 7:60

पया मिंडाङ कोटिसि बेरा लेङते “ए सामि, वेर मन्कलोर कीतद इद पापमता बद्ला ओरिह्‌क एमा,” इनजोर वळ्ह्‌किसि डोलतोग़.