रोम सहरतोर 12:10 - माडिया गोंड पवित्र सास्त्रम10 तमोग़-दादाना लेह्कान, ओर्विह्क-ओर्वोग़ जीवा कीम्ह्टु. ओर्विह्क-ओर्वोग़ उड्ला बुदते मान ईयलाह उसर आम्ह्टु. Gade chapit la |
देवुळता जीवा बारा, मावा जीवातगा मोन्ह्टटेके, मयगा इद्रमता पंटा पुटिह्ता: माट दुस्रोरिन जीवा कीय्ह्नल, माट गिर्दाते मह्नल, सुकमते मह्नल, बेदाय पोल्लोतुह्क चट्ने ओङ आयवा मह्नल, दुस्रोरिन जीवा वाटिह्नल, माट चिव्टमलेवा मह्नल, माट पोल्लो विळ्सतपे कीय्ह्नल, कुलुल बुदते ताकिह्नल, कुदतुन आव्रे कीय्ह्नल. इद्रम ताकतेके, माक यहुदिराङ अडोङ अडम आयोङ.
इहलेह्का मीट लेयोरिर वने, बेरोरा पोल्लोते वग़्ङिस मन्ह्टु. ओसो मीटु सबेटोर विस्वसि लोकुरिर बुदते उड्ला आसि, ओर्विह्क-ओर्वोग़ साय्ता आम्ह्टु. बाराह्क इतेके (पवित्र सास्त्रमवने इहे इन्ह्ता): नना बेरोनन इनवानु, देवुळि अडम आस्ता, मति नना उड्लोनन इनवाह्कु, देवुळि देय्वा ईस्ता. (इद पोल्लो मीट सीताते तासाटु.)