रोम सहरतोर 11:17 - माडिया गोंड पवित्र सास्त्रम

¹⁷ (यहुदिर इतेके देवुळता वाळुमतगा ओग़्सतद मराताङ कोमाना लेह्‌काडोर आंदुर. मीट यहुदि आयवोरिर बारा, टुटाता मराताङ कोमाना लेह्‌काडोरिर.) ओग़्सतद मराताहि वळ्गा कोमान एळ्पिस अर्हतप लेह्‌कान, (देवुळि विस्वस केवोर यहुदिरिन पोहता.) पोहचि, टुटातग्डाहि कोमान तचि, अविस्कना जागातगा जोळे कीतप लेह्‌का, देवुळि मीकु ओरगा कलियिह कीता. अह आसि, मुनेताङ कोमाङ आयिङ, ओसो जोळे कीतव कोमाङ आयिङ, इव सबेटव उंदिय मराताङ मडाङ एग़ गुंजनाह्‌के पिसिह्‌ताङ.

रोम सहरतोर 11:17 Referans Kwoze

योहन 15:2

नना तोंडालेह्‌काडोनन, (मीट नावाङ कांदानिर आंदिर). नयगा आदवाङ कांदानु, बाबाल डायिस पोहचीस्तोग़. मति आदनाङ कांदानु, पका आदना इन्जि, ओग़ एळ्पिसि जूत कीस्तोग़.

कुलुसितोर 2:13

मीट मुने पुन्जि कसुर्क कींदिर, मीट यहुदिर आयवाह्‌कु, देवुळता लोकुर आयवा मतिर, अदिनेनाह्‌क देवुळता मुनेह डोलतप मतिर. मति देवुळि मावाङ सबे कसुर्किन मापि कीता. ओसो माक सिक्सा आयना इन्जि, मावाङ कसुर्क तोहतनद सीटि मावा विरुद मता. मति अद सीटटुनु, देवुळि किर्स्तुना संगे हव्कनागुटातगा मोल्‍लाङ कोटटप लेह्‌का मायिह कीता. इद्रमलेह्‌का देवुळि माक कसुरलेवोर कीसि, किर्स्तुना संगे जीवा अर्हता.

बळयिर 2:39

बाराह्‌क इतेके तना जीवातुन ईकन इन्जि, देवुळि मुनेन पोल्‍लो विळ्सता. अद पोल्‍लो मियेनाह्‌के ओसो मीवा जालपिलतेनाह्‌क, जेक-जेकताङ देसेह्‌कनोरेनाह्‌क, बेच्वुरिन देवुळि तनगा केयिह्‌ता, अच्वुरिह्‌क,” इनजोर इतोग़.

तोहचीतव पोल्‍लोङ 11:4

(देवुळि तना मुनेतोग़ ओर्वोग़ कबुरतोनु, लेका तोहच मता; अद लेकाते, पूरा बूमता सामिना मुनेह निच मनदनव रेंड जय्तुन मराङ ओसो रेंड चिमलिङ दिसताङ. अस्के वेर इर्वुर साक्सि एवालोरा लोप्पाने, देवुळि तोहच मता.)

योहन 15:6

बोर नयगा जोळेम आस मनोर आयनुर, ओरिन नावा बाबाल कांदान डायतप लेह्‌का, डायिस पोहचीयनोग़. इद्रमताङ कांदाङ वततस्के, अविस्किन गुम कीसि किसतगा वाटिह्‌तोर, पया अव पूरा कर्विस दास्ताङ.

गलातितोर 2:15

“माट यहुदिरल दुस्रा जाततोरल आयवल (ओरिन पाप्यहलोर इन्ह्‌तोर, ऊळविन!), माटु यहुदि जातते पुटटल, अयो?

योहन 15:1

कग़यवालोर ओना संगे ताकनेके, येसु इद्रम काग़्हतलाह आतोग़: “ननान करलता अंगुर-तोंडालेह्‌काडोनन आंदन. नावा बाबाल इतेके, अंगुर वाळुमतुन सोय केवाना लेह्‌काडोग़ आंदोग़.

रोम सहरतोर 11:24

मीट यहुदि आयवोर विस्वसिरिर इतेके, टुटाता मराताहि एळ्पतव कोमाना लेह्‌काडोरिर आंदिर. मति यहुदिर बार ओग़्सतद मराताङ कोमाना लेह्‌काडोर आंदुर. मीक देवुळि तना लोकुरगा कलियिह कीता इतेके, सुरुमुनेताहि देवुळता लोकुर मतोर यहुदिरिन, तनगा ओसोवने मल्हच ततना, इदु देवुळतुह्‌क ओसोय अल्को पोल्‍लो आंदु! (अदिनेनाह्‌क विस्वस केवोर यहुदिरिन पास्किसि, पोग़यसोर तिरियमाटु.)