रोम सहरतोर 10:6 - माडिया गोंड पवित्र सास्त्रम

^6-8 मति बोर बोर विस्वस कीसि सेतेमतोर आयलाह ऊळिह्‌तोर, ओरा लोप्पा मोसाल इद्रम वेहतोग़ इतेके, देवुळता पोल्‍लो नियगा मन्ह्‌ता, इतेके नीवा जीवातगा, नीवा तोडटगा मन्ह्‌ता. अदिनेनाह्‌क “माक पिसिह केवाल किर्स्तुन ततलाहि देवुळदीपतगाबोग़ तग़्ङ पग़यनोग़?” इनजोर इनमाटु. बह इतेके किर्स्तु कुदि माक पिसिह कीयलाहि, इद बूमतगा वातोग़. अद्रमे ओसो “किर्स्तुन हामुरताह तेग़्किह कीयलाह, हानादीपते बोग़ रेग पग़यनोग़?” इनजोर वने मीट इनमाटु; बह इतेके, देवुळिये किर्स्तुन हामुरतग्डाह तेग़्किह कीता. अदिनेनाह्‌क देवुळता मुनेह सेतेमतोर आयलाह, माक बाताले कीया पोयो, सिरप विस्वस कीयना अचोने. इंजेके माट इद कबुरतुन पोकुर कीयलाह आतोम.

रोम सहरतोर 10:6 Referans Kwoze

योहन 6:58

देवुळदीपताहि रेगतद करलता तिंडि ननान आंदन. मीवोर मुनेतोर पेदल्क मना तिन्ज तेला ओर डोलतोर, अद्रमलेह्‌का इद तिंड आयो. मति बोर इद तिंडटुन तिनदनुर, ओर अमेसा जीवात मनदनुर,” इन्जि येसु काग़्हतोग़.

पिलिपितोर 3:9

ओना संगे जोळेम आस मनदलाहि, नना अव पोल्‍लोन वियेग़ इनजोर नेहच पोहतन. मोसानाङ अडोन नोमिस, देवुळता मुनेह नना सेतेमतोग़ आयलाह ऊळोन. मति नना किर्स्तुन विस्वस कीताह्‌के, देवुळि नाक सेतेमतोनिन इता.

रोम सहरतोर 4:13

पूरा बूम मीके आयग़ा इनजोर, देवुळि अब्रहमिह्‌कु, ओना कूळतोरिह्‌कु, पोल्‍लो विळ्सिस मता.मोसानाङ अडोन अब्रहम माळताह्‌कु, अद्रम पोल्‍लो विळ्सो; मति ओग़ विस्वस कीताह्‌कु सेतेमतोग़ आतोग़, अदिह्‌के कीता(अब्रहम इतेक मोसाह्‌काय मुनेता कालमतोग़ आंदोग़).

इब्रितोर 11:7

विस्वस कीताह्‌कु, नोहा मुय्तोग़ (उड्रा वायग़ा इनजोर,) देवुळ वेहतद पोल्‍लोतुन नमतोग़. नमिसि, तना लोतोर मन्कलोर पिसलाहि, ओडा पंडटोग़. ओग़ बेस्केन उड्रातुन ऊळोग़, तेला मति रेयिस मन्जि, तानाङ केंजिस ताकतोग़. इद्रम देवुळता पोल्‍लोतुन केंजिस मन्जि, बूमतगा दुस्रोर मन्कलोर कसुरतोर इनजोर तोहचीतोग़. इद्रमलेह्‌का विस्वसतेनाह्‌कु, देवुळता मुनेह सेतेमतोर आयवालोरगा, ओग़ वने कलियतोग़.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

रोम सहरतोर 3:25

मन्कलोर तना संगे गूनम आयना इनजोर देवुळि, येसुनु मावा पापमता सिक्सातेनाह्‌क मोक आयलाह, निल्पिह कीता. येसु तना जीवा ईसि, नेतुर पोहतोग़ इन्जि, माट विस्वस कीताह्‌कु, देवुळि माक सेतेमतोर इन्ह्‌ता. येसु वायनामुने, मन्कलोरिह्‌क ओरा पापमता सिक्सा देवुळि एवो. बाराह्‌क इतेके, पया येसु ओरा पापमतेनाह्‌कु, मोक अरयनोग़ इनजोर पुन्जि, देवुळि केपिंदु. इद्रमि, देवुळि सेतेमता मन्ह्‌ता, अहे येसुन विस्वस केवालोरिन, सेतेमतोर कीयनद मन्ह्‌ता इनजोर, माट इंजेक पुह्‌नल.

योहन 6:38

बाराह्‌क इतेके नना नावा विचरते कीयलाह आयो, मति नाक लोहतोना विचर मतप कीयलाह, देवुळदीपताहि रेगतन.

योहन 6:33

बाराह्‌क इतेके देवुळदीपताहि रेगिसि, इद दुनियातोरिह्‌क अमेसाता पिसमुळ एवाल, ओग़े देवुळ ईयनद तिंडि आंदोग़,” इनजोर इतोग़.