11 देवुळता सास्त्रमतगा वने, इद्रम रासतद मन्ह्ता: “किर्स्तुन विस्वस केवाल बोग़े मनेग़, ओग़ मेसेह्ने आयोग़ आयनोग़.”
किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्ता: इद ऊळाट! नना येरुसलेम सहरते बंडालेह्काडोन ओर्विन तासिह्नन, ओनगा वेल्लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्ने आयोर आयनुर. इनजोर रासतद मन्ह्ता.
अद पोल्लोता लोप्पा पवित्र सास्त्रमते वने देवुळि इहे इन्ह्ता: नना येरुसलेम सहरते बंडालेह्काडोन ओर्विन तासिह्नन, ओग़ु नना आचतोग़ु असलता आदर ईयनद मोदुल-बंडालेह्काडोग़, ओना पोग़ोन बोर बर्वस तासिह्तोर, ओर बेस्केने मेसेह्ने आयोर आयनुर.
बोग़े आयि, आपुना जीवाताहि विस्वस कीतेकेने, ओग़ देवुळता मुनेह सेतेमतोग़ आस्तोग़. अद्रमे आपुना तोडटे कबुल आतेकेने, ओग़ तना पापमता सिक्साताहि पिसिह्तोग़.