तोहचीतव पोल्‍लोङ 8:3 - माडिया गोंड पवित्र सास्त्रम

³ देवुळता राजकुर्सता मुनेह, बंगरते माचतद दूपम बोळ्सनद मेजा मता. उंद देवतुलि दूपम उर्न्जनद बंगरता कस्ला पोसि, अद मेजातगा वास निता. नितस्के देवुळताङ सबेटोर मन्कलोरा पार्तनाता संगे उर्न्जलाहि, तान्क वेल्‍लाय दूपम दोर्कता.

तोहचीतव पोल्‍लोङ 8:3 Referans Kwoze

तोहचीतव पोल्‍लोङ 5:8

गोरेपिला अद तोला सीटटुन एतस्के, नालुङ जीवात मनदनव दिंचिङ ओसो वीसा नालवुर पेदल्कु, ताना मुनेह अर्सि मोळ्कतोर. ओर ओर्वोग़-ओर्वोग़, तमाङ कय्कने उंद जेतुरि, ओसो दूपम उर्न्जनद बंगरता कस्ला पोस मतोर. अद कस्लामेंड दूपम मता. अद दूपम इतेके देवुळता मन्कलोरा पार्तना आंदु.

तोहचीतव पोल्‍लोङ 8:4

अस्के देवतुल उर्न्जतद दूपमता उंडुलि, देवुळता मन्कलोरा पार्तनाता संगे, देवुळता मुनेह एवता.

लूकाल 1:10

पया ओग़ लोप्पा दूपम बोळ्सिह्‌पा, सबेटोर पलते मंदिरताङ मंडानगा पार्तना कीसोर मतोर.

तोहचीतव पोल्‍लोङ 9:13

आरुङ मल्काता देवतुलि, तना अकुम ऊरता. ऊरतस्के, देवुळता मुनेह मतद, बंगरते माचतद दूपम बोळ्सनद मेजाताङ नालुङ मूलानग्डाहि, उंद लेङ केंज वाता.

इब्रितोर 9:4

तानगा बंगरते माचतद दूपम बोळ्सनद मेजा मता. ओसो बंगरते माचतद संदुक वने मता, अदु देवुळता करलता सीना मता. अद संदुकता लोप्पा बंगरता कोपा मता. कोपाता लोप्पा पोग़ोटाहि अरतद मना तिंडि मता. ओसो संदुकता लोप्पा आरुनना डुडि मता. अद डुडि कोळ्सिस मता. ओसो देवुळताङ अडोङ कोटिस मतव, रेंड तेप्ळे बंडाङ मताङ.

इब्रितोर 7:25

ओसो माट येसुना मेटे, देवुळता एरे अनवालोरेनाह्‌क, ओग़ अमेसाये देवुळतुन अर्ज कीसोर मन्ह्‌तोग़. इद्रमलेह्‌का ओग़ माक पूरा कतम पिसिह कीयलाह पग़यह्‌तोग़.

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

तोहचीतव पोल्‍लोङ 7:2

अव नालुङ आस देवतुल्किह्‌क, बूमतगा ओसो सम्दुरतगा, पीळा लोहतलाह अदिकर ईतद मता. पया ओसो उंद देवतुलि, पोळ्‍द पेसनद बाजेताहि पेसिस वायनद ऊळतन. (अदु मन्कलोराङ तला-कपरानगा तासलाह) जीवात मनदनद देवुळता सीनातुन पोस मता. पोसि अव नालुङ आस देवतुल्किन, जोरते इद्रम इता:

तोहचीतव पोल्‍लोङ 6:9

ताना पया मेततद एयुङ मल्काता वटेतुन, गोरेपिला तेंडटा. अस्के मुने बूमतगा मनदह्‌पा, देवुळता पोल्‍लो वेहताह्‌कु, येसुना साक्सि ईताह्‌कु, कोटुलतोर बोरिन हव्किस मतोर, ओराङ हानस्किन दूपम बोळ्सनद जागाता इळ्न नना ऊळतन.

तोहचीतव पोल्‍लोङ 10:1

अद्रमलेह्‌काने पया पकाय लावता ओसो उंद देवतुलि, देवुळदीपताहि इळ्न रेगनदिन ऊळतन. अद मोयुलतुन गेंदेता लेह्‌कान उहचि मता. ताना तलापोग़ोन उंद देवुळविल मता. ताना मोकमि पोळ्‍दलेह्‌का दींचिंदु. ओसो तानाङ काल्क किसगुटाना लेह्‌कान मताङ.

तोहचीतव पोल्‍लोङ 8:5

ताना पया अद देवतुल बह कीता, दूपम बोळ्सनद मेजाताङ किसतळ्मिन, तना दूपम उर्न्जनद कस्लातगा निहता. निहचि, अविस्किन इळ्ता बूमतगा अर्हचीता. ईतस्के पया, पकाय गुळ्न्जना, नेकना, मिळ्स्कना, बूम गल्जना इद्रम इळ्ता बूमतगा दिसता.

तोहचीतव पोल्‍लोङ 14:18

अस्के दूपम बोळ्सलाह अदिकर मनदनद उंद देवतुलि, दूपम बोळ्सनद मेजाताहि पेसता. पेसिसि, एटळ पोयतद देवतुलतुन जोरते इता: “बूमतग्डाङ अंगुर पंडिङ पंडटाङ. नीवा ओळतद एटळते, अव अंगुर गुतिन कोय्म,” इनजोर इता.