तोहचीतव पोल्‍लोङ 8:12 - माडिया गोंड पवित्र सास्त्रम

¹² नालुङ मल्काता देवतुलि तना अकुमतुन ऊरता. ऊरतस्के पोळ्‍दु, नेला, उकानगा पीळा अरता. पीळा अरतस्के, अव मुनेता लेह्‌का दींचोङ. अदिनेनाह्‌क पियलि नालुङ गंटाङ, पोळ्‍दता वेह्‌च इलवा मता. अहे नग़्काटुह्‌क नालुङ गंटाङ नेलाता, उकाना वेह्‌च इलवा मता.

तोहचीतव पोल्‍लोङ 8:12 Referans Kwoze

तोहचीतव पोल्‍लोङ 6:12

पया मेततद आरुङ मल्काता वटेतुन गोरेपिला तेंडटा. अस्के बूम पकाय गल्जतदिन नना ऊळतन. ओसो कार्यल गोंगळिता लेह्‌कान, पोळ्‍दु कार्यल आता. नेला बार नेतुरलेह्‌का गंजता.

तोहचीतव पोल्‍लोङ 9:18

अविस्कनाङ तोडिनाहि पेसनव किसु, पोया, किसतळ्मिङ, इवु मन्कलोरिन हव्कनव मूंड पीळाङ मताङ. अव पीळाने बूममेटोर मन्कलोराङ, मूंड तूस्कनग्डाह उंद तूस मन्कलोर डोलतोर.

तोहचीतव पोल्‍लोङ 9:15

अदे वर्सा, अदे नेला, अदे दिया, अदे गट्कातेनाह्‌क देवुळि अविस्किन तयर कीस मता. इंजेके बूममेटोर मन्कलोरिन मूंड तूस्क कीसि, उंद तूस मन्कलोरिन हव्कलाहि, आरुङ मल्काता देवतुलि अविस्किन विळ्सिसीता.

मार्कल 13:24

“अव दियानाङ तिपल्क मारताहे, पोळ्‍द मांजो आयग़ा, नेला दींचो आयग़ा.

मत्याल 24:29

“अव दियानाङ तिपल्क मारताहे, पोळ्‍द मांजो आयग़ा, नेला दींचो आयग़ा, उकाङ पोग़ोटाह इळ्न रालनुङ, इद्रम पोग़ोटा बूमतगा सबे मेलियनुङ.

तोहचीतव पोल्‍लोङ 12:4

ताना तोका, मूंड तूस्कनाहि उंद तूस पोग़ोटाङ उकान गुंजिसि, बूमतगा अर्ह्‌चीता. अह कीसि पया, अद आंचाळि रिकम आतस्के, ताना मग़िन लोपलाहि, आंचाना मुनेह निच मता.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

लूकाल 21:25

“ओसो पोळ्‍दु, नेला, उकाङ, इविस्कनगा सीनाङ दिसनुङ. ओसो इद बूमतगा सम्दुरताङ लच्काङ वायनुङ, अव लच्काङ नेकनदिन केंजिसि, जातिङ-जातिनोर लोकुर पका रेयनुर.

मार्कल 15:33

पया नेक नितग्डाह इतेके, पियलि मूंड एगनाह्‌जोम, देसेममेंड कतम ईकळ पोयता.

मत्याल 27:45

पया नेक नितग्डाह इतेके, पियलि मूंड एगनाह्‌जोम, देसेममेंड कतम ईकळ पोयता.

तोहचीतव पोल्‍लोङ 16:10

पया एयुङ मल्काता देवतुलि, तना कस्लातुन मुनेता रकसता राजकुर्सतगा वळता. वळतस्के, ताना राजेमते ईकळ पोयता. अस्के मन्कलोर पकाय सिक्सा आसि, मंटातुह्‌क तमाङ पल्क कोग़्किंदुर.