तोहचीतव पोल्‍लोङ 8:10 - माडिया गोंड पवित्र सास्त्रम

¹⁰ मूंड मल्काता देवतुलि, तना अकुमतुन ऊरता. ऊरतस्के बेरा उंद उका, तोरे किसलेह्‌कान मळ्गसोर, पोग़ोटाहि अरयलाह आता. अस्के बूमतग्डाङ बेरेह्‌कु, एग़ पेसनाङ कनिर्कु, इविस्कनाङ मूंड चेकानाहि उंद चेकाताङ बेरेह्‌कनगा, ओसो एग़ पेसनाङ कनिर्कनगा, इद उका अरता.

तोहचीतव पोल्‍लोङ 8:10 Referans Kwoze

तोहचीतव पोल्‍लोङ 16:4

पया मूंड मल्काता देवतुलि, तना कस्लातुन बेरेह्‌कनगा ओसो एताङ कनिर्क पेसनगा वळता. वळतस्के अग्डा एग़ नेतुर मारियता.

तोहचीतव पोल्‍लोङ 9:1

अद्रमलेह्‌काने पया एयुङ मल्काता देवतुलि, तना अकुम ऊरता. ऊरतस्के, उंद उका पोग़ोटाहि बूमतगा अरतदिन ऊळतन. अद उकातुह्‌क, देयमदीपता सिक्सा-बोंदाता तालम कय ईतद मता.

तोहचीतव पोल्‍लोङ 6:13

दूंद वायह्‌पा, तोया कायाङ इळ्न रालना लेह्‌का, उकाङ पोग़ोटाहि बूमतगा रालताङ.

तोहचीतव पोल्‍लोङ 14:7

अद जोरते इद्रम इता: “देवुळि नेयम कीयनद दिया एवता. अदिनेनाह्‌क तान्क रेयाटु, तान्क मान ईम्ह्‌टु. पोग़ोटा बूमि, इळ्ता बूमि, सम्दुर ओसो एताङ कनिर्क, इविस्किन पंडटद देवुळतुन मोळ्काट,” इनजोर इता.

तोहचीतव पोल्‍लोङ 12:4

ताना तोका, मूंड तूस्कनाहि उंद तूस पोग़ोटाङ उकान गुंजिसि, बूमतगा अर्ह्‌चीता. अह कीसि पया, अद आंचाळि रिकम आतस्के, ताना मग़िन लोपलाहि, आंचाना मुनेह निच मता.

तोहचीतव पोल्‍लोङ 1:20

नावा तिनळ कयदे एळुङ उकानु ऊळतिन, ओसो बंगरताङ एळुङ चिमलि गुटान ऊळतिन. अविस्कनगा उंद पोल्‍लो मकतद मन्ह्‌ता. अद इद्रमि: एळुङ उकाङ इतेक एळुङ सहर्कना विस्वसिरा मुडुन ऊळसोर मनदनव देवतुल्कु आंदुङ. एळुङ चिमलि गुटाङ इतेके, एळुङ सहर्कना विस्वसिरा मुडाङ सीनाङ आंदुङ,” इनजोर इतोग़.

यहुदाल 1:13

उड्रातस्के एग़ गोकिह्‌पा, बोमुल अग़्के गादा पेसना लेह्‌कान, वेर मन्कलोर तमाङ लजा वानाह मनदनव कबस्किन पेसिह कीस्तोर. ओसो आपुना जागातुन विळ्सिस वेलियनव उकाना लेह्‌का, (वेर वने आपुना विचर वातपे केवालोरु). वेर अमेसा-अमेसातुह्‌क सिक्सा आयना इन्जि, देवुळि ईकळ गंगाता जागातुन तयर कीस तासता.

लूकाल 10:18

इतस्के येसु इतोग़, “देयह्‌कना मुक्याल आरेम आसि, किस-उळ्मलेह्‌का पोग़ोटाह इळ्न अरतदिन नना ऊळतन.

मत्याल 25:1

“नना बेस्के राजाल आस वायकन अस्के, इहलेह्‌का मनदनुङ. बोराङो मर्मिनगा दहा लेयास्कु, तमाङ पोतिह केवाङ कंदिस्क पोसि, मर्मपिलाता लोनु, मर्मपेकान केपलाह अताङ. (मर्मपेकाल वायनोग़ अस्के माट पलत पेसिसि, ओनु कंदिस्कना वेह्‌चते मर्मपिलाता संगे काल्ह्‌पिसीकोम इनजोर, अव अग़ ऊळिंदुङ.)

तोहचीतव पोल्‍लोङ 8:7

मुनेता देवतुलि तना अकुमतुन ऊरता, ऊरतस्के आदुर्कु ओसो किसु, नेतुरता संगे कलियिस, बूमतगा अरताङ. अरतस्के, बूमताङ मूंड चेकानाहि, उंद चेका बूमि कर्वता. ओसो मूंड चेकानाहि उंद चेकाताङ मराङ कर्वताङ. अहे सबे पह्‌ना रोंडा कर्विस नेग़ आता.

तोहचीतव पोल्‍लोङ 9:15

अदे वर्सा, अदे नेला, अदे दिया, अदे गट्कातेनाह्‌क देवुळि अविस्किन तयर कीस मता. इंजेके बूममेटोर मन्कलोरिन मूंड तूस्क कीसि, उंद तूस मन्कलोरिन हव्कलाहि, आरुङ मल्काता देवतुलि अविस्किन विळ्सिसीता.

तोहचीतव पोल्‍लोङ 9:18

अविस्कनाङ तोडिनाहि पेसनव किसु, पोया, किसतळ्मिङ, इवु मन्कलोरिन हव्कनव मूंड पीळाङ मताङ. अव पीळाने बूममेटोर मन्कलोराङ, मूंड तूस्कनग्डाह उंद तूस मन्कलोर डोलतोर.