तोहचीतव पोल्‍लोङ 5:6 - माडिया गोंड पवित्र सास्त्रम

⁶ अचोटेने उंद गोरेपिलातुन ऊळतन. राजकुर्सता ओसो नालुङ दिंचिना, वीसा नालवुर पेदल्कना नडुम निच मता. तान मुनेने बोग़ो मति हव्किस मतप लेह्‌कान दिसिंदु. तान्क एळुङ कोह्‌क मताङ, ओसो एळुङ कोंडाङ मताङ. अव कोंडाङ पूरा बूमतगा, देवुळ लोहतव तानाङ एळुङ जीवाङ!

तोहचीतव पोल्‍लोङ 5:6 Referans Kwoze

तोहचीतव पोल्‍लोङ 5:12

अव जोरते इद्रम इताङ: “मन्कलोर इद गोरेपिलातुन हव्किस मतोर, मति इंजेके अदिकर तानाये, सबे मालसोम तानाये, बुदि तानाये, लाव तानाये, मान तानाये, डीसा तानाये, तान जोहर कीकल, अदे अद्रम कीयना लायकता आंदु,” इनजोर इताङ.

योहन 1:29

इमा दिया, योहन तनके येसु वायनदिन ऊळिसि, लोकुरिन इतोग़, “वेन ऊळाटु, मोक आयवाल देवुळता गोरेपिलालेह्‌काडोग़, दुनियातोरा पापमतुन एडिह केवाल!

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.

योहन 1:36

अस्के ओग़ येसुनु तना एरेटाहि दायह्‌पा ऊळिस इतोग़, “वेग़ ऊळाटु, (मोक आयवाल) देवुळता गोरेपिलालेह्‌काडोग़!” इतोग़.

तोहचीतव पोल्‍लोङ 1:4

नना योहननन, आसिया पटटाङ एळुङ सहर्कना विस्वसिरा मुडेनाह्‌क, इव पोल्‍लोङ रासलाह आतन: मुनेताह अमेसा मतदु, इंजेके वने मनदनदु, ओसोवने वायनद देवुळि, ओसो तना राजकुर्सता मुनेह मनदनव, तानग्डाङ एळुङ जीवाङ; ओसो देवुळतेनाह्‌क बर्वस लायकता साक्सि एवाल, हामुरताहि जीवा अरवालोरग्डाहि मुनेतोग़, अहे बूमतोर राजालोरिन ताकिह केवाल येसु किर्स्तु, वेरु मीक देय्वा ईयिर, सुकम ईयिर. येसु किर्स्तु माक जीवा कीतोग़, ओसो तना नेतुर पोहचि, माक मावा पापमताहि विळ्सिह कीतोग़.

बळयिर 8:32

ओग़ मंत्रि देवुळता सास्त्रमतगा इद वचन अर्विंदोग़ इतेके, अस्कलाह ओयनद गोरेता लेह्‌का, अहे केल्क कोग़ियवाल कोग़ियिह्‌पा, केमेन निच मनदनद गोरेपियोता लेह्‌का, देवुळता सेवक केमेन मतोग़, बाताले इनोग़.

तोहचीतव पोल्‍लोङ 22:3

अद सहरतगा, देवुळ सरप ईतद बेदे मनो आयग़ा; मति देवुळि ओसो गोरेपिला, अविना राजकुर्सि अगा मनदग़ा. देवुळतुन माळवालोर ताना सेवा कीयनुर.

तोहचीतव पोल्‍लोङ 22:1

पया अद देवतुल नाक उंद बेरेग़ तोहता. अद बेरेटा एग़ु आदुर्कना लेह्‌कान, सिरसिर एडिस मता. अद एग़ु जीवा ईयनद मता. देवुळता ओसो गोरेपिलाता राजकुर्सतग्डाहि, अद बेरेग़ पोङसोर मता.

तोहचीतव पोल्‍लोङ 21:23

अद सहरतगा वेह्‌च ईयलाह पोळ्‍दता, नेलाता गर्ज इले. बाराह्‌क इतेके अगा वेह्‌च ईयनद चिमलि इतेके, गोरेपिलाये मन्ह्‌ता; तानगा देवुळता बेरा वेह्‌च दींचिह्‌ता.

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.

तोहचीतव पोल्‍लोङ 12:11

गोरेपिलाता नेतुर मावाङ सबे कसुर्किन एडिह कीता इदिन पुन्जि, मावोर विस्वसिर मासुंडता कसुर ओपतदिन रेयोर. माट येसुनोरोम इन्जि साक्सि ईताह्‌कु, हामुर वायग़ा इन्जि पुतोर, पुन्जाय मति ओर तमा जीवाता पर्वा केवोर. इद्रमलेह्‌का ओर मासुंडतुन आरे कीतोर.

तोहचीतव पोल्‍लोङ 6:16

मकिसि अव मेटानु, कोको-बंडानु इद्रम इतोर, “राजकुर्सतगा उदतदिना ओसो गोरेपिलाता, ओङ आसि सबेटोरिन नेयम कीयनद दिया एवता! बोग़े पिस पग़वोग़. अदिनेनाह्‌क मावा पोग़ोन अर्म्हटु, राजकुर्सतगा उदतदिना कयदाहि, ओसो गोरेपिलाता ओङताहि, माक पिसिह कीम्ह्‌टु,” इनजोर इतोर.

लूकाल 1:69

वेल्‍लाय मुनेन अदु तना पवित्र कबुरतोरा संगे वेहतपु, माक पिसिह कीयलाह, तना सेवक दाविद राजाना जालपिलताहि, पका लावतोन निल्पिह कीता.

तोहचीतव पोल्‍लोङ 4:8

इव नालुङ आस दिंचिह्‌कु, आरुङ-आरुङ मारेङ मताङ. अविस्कना पूरा मेंदुलमेंडु, ओसो मारेना इळ्न वने, वेट कोंडाङे मताङ. अवु नग़्का पिळ्‍विळ, पियल-पोळ्‍द रोमवा, इद्रम इनजोर मन्ह्‌ताङ: “ए सामि देवुळतिन, निमान पवित्र, पवित्र, पवित्रतोनिन! निमा बेरा लावता देवुळतिन! निमान मुनेताह जीवात मतोनिन, इंजेके वने जीवात मनवानिन, ओसोवने वावानिन,” इनजोर इन्ह्‌ताङ.

तोहचीतव पोल्‍लोङ 5:11

पया नना ऊळतन: राजकुर्सि ओसो नालुङ जीवात मनदनव दिंचिङ ओसो पेदल्कु, वेरा सर्ने तिरियनव लाकिनाङ-लाकिङ, कोटिनाङ-कोटिङ लेक पग़वाह देवतुल्क मताङ. नना अविस्कना लेङ केंजतन.

तोहचीतव पोल्‍लोङ 5:13

अस्के पोग़ोटा बूमतगा मनदनव, इद बूमतगा मनदनव, हानादीपतगा मनदनव, सम्दुरतगा मनदनव, देवुळ पंडटव सबे इद्रम इनदनद केंजतन: “राजकुर्सतगा उदतदिन, ओसो गोरेपिलातुन जोहर कीकल. मान, डीसा, राजेमि अमेसा-अमेसातुह्‌क अविस्कनाये मनि,” इनजोर इताङ.

तोहचीतव पोल्‍लोङ 5:14

इतस्के नालुङ आस जीवात मनदनव दिंचिङ, “इंगो आमेन” इनजोर इताङ. अहे ओसो पेदल्कु दंडुम अर्सि मोळ्कतोर.

तोहचीतव पोल्‍लोङ 14:1

अद्रमलेह्‌काने नना येरुसलेमता सियोन मेटातगा, गोरेपिला निच मतदिन ऊळतन. ताना संगे उंद लाक रेंड वीसाङ नालुङ अजर्क (1,44,000) मन्कलोर निच मतोर. ओराङ तला-कपरानगा गोरेपिलाता पेदिर, ओसो ताना बाबाना (इतेके देवुळबाबाना) पेदिर रासतव मताङ.

तोहचीतव पोल्‍लोङ 21:22

नाक सहरतगा बेदे रावुळ दिसो. बेरा डीसाता देवुळि ओसो गोरेपिला, तमा कुदि अगान मताह्‌कु, रावुळता गर्ज इले आसि.