तोहचीतव पोल्‍लोङ 3:8 - माडिया गोंड पवित्र सास्त्रम

⁸ मीट बेद्रम ताकलाह आतिर, इदिन नना पुतन. मीवा लाव उचुने मन्ह्‌ता, मति मीट नाक विळ्सवा, दीराते नावा पोल्‍लोतुन केंजसोर मंदिर. अदिनेनाह्‌क ऊळाट, मीट ओळियलाह नना अग़ तेग़यतन, तान बोग़े केहता पग़वोग़.

तोहचीतव पोल्‍लोङ 3:8 Referans Kwoze

1 कुरिंततोर 16:9

बाराह्‌क इतेके, इगा वेल्‍लाटोरा पाय्दा आनाह, सेवा कीयलाह बेस-नेह्‌ना अग़ दोर्कता. मति विरुद केवालोर मन्कलोर वने वेल्‍लाटोर मन्ह्‌तोर.

कुलुसितोर 4:3

अद्रमे ओसो मयेनाह्‌क वने पार्तना कीम्ह्‌टु. किर्स्तुना लोप्पा मन्कलोर मुने पुनवा मंदुर, अद पोल्‍लोतुन पोकुर कीताह्‌कु, नना जेलते मह्‌नन. अदे पोल्‍लोतुन सबेटोरिह्‌क माट पोकुर कीयलाहि, देवुळि अग़ तेग़यि इनजोर, पार्तना कीम्ह्‌टु.

तोहचीतव पोल्‍लोङ 3:7

“पिलदिलपिया सहरता विस्वसिरा मुडा देवतुलतुह्‌क इद्रम रासा: पवित्र मनवाल, सेतेम वळ्ह्‌कवाल, नीवा मुडोरिह्‌क कबुर लोहतलाह आतोग़. दाविदना राजेमता अदिकर वेनाय कयदे मन्ह्‌ता. वेग़ तेग़यतद अग़दुन, बोग़े केहता पग़वोग़; वेग़ केहतद अग़दुन बोग़े तेग़य पग़वोग़. वेनाङ केंजाटु:

2 कुरिंततोर 2:12

मीक अद सीटटुन रासतापया, नना किर्स्तुना बेसता कबुरतुन पोकुर कीयलाह, तरोवस सहरते अन्ज मतन. अगा सामिना कबळ कीयलाहि, ओना मेटे नाक अग़ दोर्किस मता.

बळयिर 14:27

वातस्के विस्वसिरा मुडुन जमा कीतोर. जमा कीसि, देवुळि ओरा कयदे कीतव बेराङ-बेराङ कबस्किन वेहतोर. ओसो यहुदि आयवोरेनाह्‌क वने, येसुन विस्वस कीयलाहि, देवुळि बेद्रम अग़दुन तेग़यिस ईता, इन्जि वने वेहतोर.

पिलिपितोर 4:13

किर्स्तु नाक लाव ईस्तोग़, अदिनेनाह्‌क नना बह तेला पिस पग़यह्‌नन.

लूकाल 12:9

मति बोग़ु, लोकुरा मुनेह येसुन पुनोन इनदनोग़, ओन नना वने देवुळता मुनेह, ओसो देवतुल्कना मुनेह, वेग़ मावोग़ आयोग़ इनदकन.

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.

योहन 17:6

“बोर मन्कलोरिन निमा इद दुनियातोरग्डाहि नाक ईतिन, वेरिह्‌क निमा बेद्रमतोनिन इन्जि, नना पुन्पिह कीतन. वेर नीवा मन्कलोर आसि, वेरिन निमा नाक ईतिन. ओसो वेर नीवा पोल्‍लोतुन केंजिस, अहलेह्‌का कीतोरु.

तोहचीतव पोल्‍लोङ 3:15

मीट बेद्रम ताकलाह आतिर, इदिन नना पुतन. मीवा ताकमुळ बेद्रम मन्ह्‌ता इतेके, मीट (सितुर ईयनद) किर्ङतद एता लेह्‌का वने इलविर, अहे (पोटातुन सव्रे कीयनद) कासतद एता लेह्‌का वने इलविर! किर्ङिसाय मनदना, इलवेके कासिसाय मनदना, अस्के नाक बेस ओप्पालि.

तोहचीतव पोल्‍लोङ 22:7

(येसुसामि इन्ह्‌तोग़,) ‘ऊळाट! नना जल्दि वायकन! इद पुस्तकतगा पया आयनव पोल्‍लोङ रासिस मन्ह्‌ताङ. अविस्किन केंजिसि, अहलेह्‌का ताकवालोर मन्कलोर देय्वातोरु,’ (इनजोर येसु किर्स्तु नाक कबुर वेहतलाह लोहतोग़,)” इन्जि देवतुल इता.

तोहचीतव पोल्‍लोङ 3:10

मीट तिपल आयह्‌पा, नना मीक वेहतपु, तिपलतुन दीराते आपसोर मतिर. अदिनेनाह्‌क पूरा बूमते मनवालोरा पट ऊळलाहि, बेद तिपल इंजेके बूमतगा वायलाह आता, अद तिपलताहि नना मीक पिसिह कीस तासकन.

1 तिमोति 5:8

अहे ओसो बोग़ाय मन्कल, तना जीवातोरिन ओसो तना लोतोरिन अय केवेक अचोन, ओग़ विस्वस विळ्सतप लेह्‌कान आतोग़, ओग़ विस्वस केवोरिह्‌काय एक्‍वा लाग्वोग़ आंदोग़.

2 तिमोति 4:7

(ओर्विह्‌क-ओर्वोग़ लळेम आयवालोर, पूरा लाव कीस लळेम आयना लेह्‌कान,) नना पूरा लाव कीसि, बेचोको तिपल्कना नडुम, नावा सेवातुन विळ्सोन. (कग़्सवाल मन्कल जेक वितिसि, सीनातगा एवयना लेह्‌कान,) देवुळ नाक ईतद कबळतुन नना मारिह कीतन. देवुळ नावा पोग़ोन बर्वस तासतपु, नना सेतेमते ताकतन, (बेस्केन पेग़्के अरवोन).

तोहचीतव पोल्‍लोङ 3:1

“सरदिस सहरता विस्वसिरा मुडा देवतुलतुह्‌क इद्रम रासा: देवुळतग्डाङ एळुङ जीवानु बूममेंड लोहवाल, एळुङ उकान पोयतोग़ु, मीट विस्वसिरिन इनदलाह आतोग़: मीट बेद्रम ताकलाह आतिर इनजोर, नना पुतन. मीवा विस्वस जीवात मन्ह्‌ता इनजोर, लोकुर इन्ह्‌तोर; मति निटम ऊळतेके, अद डोललाह आता.

तोहचीतव पोल्‍लोङ 2:2

मीट बेद्रम ताकलाह आतिर, विस्वसते मनदलाह बेद्रम कह्‌टेम कीय्ह्‌निर; तिपलते बह दीरा पोस मह्‌निर, इव सबे पुतन. लाग्वोर मन्कलोर मीक मुर्तिय विचर वावोर. येसु किर्स्तुनाङ बळयिरोम इनजोर, नाळेह केवालोरा लोप्पा पर्ह्‌किस ऊळतिर, ऊळिसि ओर जोलतोर मन्कलोर इनजोर एर्का कीतिर, इदिन वने पुतन.

योहन 15:20

ओर्युल मन्कल तना माल्काह्‌क बेरोग़ आयोग़ इन्जि, मीक उंद पोल्‍लो वेहच मतन, तान सीता कीम्ह्‌टु. ओर नावा पेग़्के दल्गतोर इतेके, मीवा पेग़्के वने दल्गनुर. ओर नावा पोल्‍लोतुन माळतोर इतेके, मीवा पोल्‍लोतुन वने माळनुर.