तोहचीतव पोल्‍लोङ 22:18 - माडिया गोंड पवित्र सास्त्रम

¹⁸ इद पुस्तकतगा इंजेटाङ ओसो वायनद कालमताङ पोल्‍लोङ मन्ह्‌ताङ. इव पोल्‍लोन केंजवालोर सबेटोर मन्कलोरिन, नना योहननन वेहतलाह आतन: बोग़ाय इगा रासतव पोल्‍लोनगा, ओसो उचुक पोल्‍लोङ काल्ह्‌पतोग़ इतेके, इद पुस्तकतगा रासतव गोसाङ, ओनगा देवुळि अर्हतग़ा.

तोहचीतव पोल्‍लोङ 22:18 Referans Kwoze

तोहचीतव पोल्‍लोङ 1:3

इव पोल्‍लोङ करल आयनद कगो एवयलाह आता. अदिनेनाह्‌क इव पोल्‍लोन, विस्वसिरा मुल केंजनाह, जोरते अर्ववाल मन्कल देय्वातोग़! अहे अर्वनदिन केंजिसि, इगा रासतव पोल्‍लोङ वेहतप ताकवालोर मन्कलोर वने देय्वातोरु.

तोहचीतव पोल्‍लोङ 22:7

(येसुसामि इन्ह्‌तोग़,) ‘ऊळाट! नना जल्दि वायकन! इद पुस्तकतगा पया आयनव पोल्‍लोङ रासिस मन्ह्‌ताङ. अविस्किन केंजिसि, अहलेह्‌का ताकवालोर मन्कलोर देय्वातोरु,’ (इनजोर येसु किर्स्तु नाक कबुर वेहतलाह लोहतोग़,)” इन्जि देवतुल इता.

तोहचीतव पोल्‍लोङ 15:1

पया देवुळदीपतगा ओसो उंद सीना ऊळतन. अद बेरा, बामनाह लेह्‌काडा सीना मता. अद इद्रमि: एळुङ बेराङ पीळान पोसि, एळुङ देवतुल्क देवुळदीपतगा मताङ. इव आक्रिताङ पीळाङ आंदुङ; इव पीळाङ आतापया, देवुळता ओङ रेगग़ा.

1 तिसलुनितोर 4:6

बोग़े तना तोळतोग़ विस्वसिना (मुतेन कव्स मन्जि,) मावोग़ विस्वसिय कोनि इनजोर, ओना अडम पापम कीयनद आयो. इद्रमताङ कबस्क केवालोरिह्‌क, सामिनाहि सिक्सा दोर्किह्‌ता; अदिह्‌क अद्रम बेस्केन केमाट इनजोर, माट मीक मुनेन कळक पोल्‍लोते वेहच मतोम.

मत्याल 15:13

“नावा देवुळदीपतोग़ बाबाल बेव पोर्ह्‌कान ओग़्सोग़, अविन ओग़ु कतमे कुळ्ह-कुळ्ह तह्‌किसीयनोग़.

तोहचीतव पोल्‍लोङ 22:16

इव विस्वसिरा मुडोरेनाह्‌क पोल्‍लोङ आंदुङ. इविस्किन मीक वेहतलाहि नना येसुनन, नावा देवतुलतुन लोहतन. नना दाविद राजाना कूळतोनन आंदन. नना दींचनद विय उकालेह्‌काडोनन आंदन,’ (इन्जि येसु इन्ह्‌तोग़,)” इनजोर देवतुल नाक इता.

तोहचीतव पोल्‍लोङ 19:20

आतस्के, पया पांड्रि कोडातगा उदतोग़ु अद रकसतुन पोयतोग़. जोल कबुर वेहतनद बूमतग्डा रकसतुन वने पोयतोग़. पोसि, रेंड आसि रकस्किनु, मळ्गनद किसबटटगा, जीवा अग़्केन वाटिसीतोग़. (बूमतग्डा रकस इतेके, मुनेता रकसता मुनेह, बामनाङ सीनाङ तोहन्दु; तोहचि मुनेता रकसता सीना रासतोरिनु, ताना बोमातुन मोळ्कतोरिनु, नाळेह कींदु.)

तोहचीतव पोल्‍लोङ 15:6

बेव एळुङ देवतुल्क बूमतगा एळुङ पीळान वळ्सीयनव मताङ, अवे पवित्र गूडटाहि पेसनदिन ऊळतन. अव उहच मतव गेंदेङ पूरा गुलगुल मताङ, पूरा वेडिस मताङ, मांजसोर मताङ. अव देवतुल्क, तमाङ अर्युस्कनगा बंगरताङ पाटाङ दोहच मताङ.

तोहचीतव पोल्‍लोङ 3:14

“लोदिकिया सहरता विस्वसिरा मुडा देवतुलतुह्‌क इद्रम रासा: आमेन इनदनद पेदिरतोग़ इतेके, बर्वस लायकतोग़ निटम साक्सि एवाल, बोना मेटे देवुळि सबेटविन पुटिह कीता, ओग़ु मीट विस्वसिरिन इनदलाह आतोग़:

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

तोहचीतव पोल्‍लोङ 20:15

देवुळता संगे अमेसातुह्‌क पिसवालोरा पुस्तकतगा, बोराङ पेदिर्क रासतव इलेङ, ओर कतमतोरिन देवुळि मळ्गनद किसबटटगा वाटिसीता.

तोहचीतव पोल्‍लोङ 20:10

ताना पया ओरिन नाळेह कीसोर मतद देयह्‌कना मुक्यानु, उंद देवतुलि मळ्गनद किसबटटगा वाटिसीयग़ा. अगाने अद रकसतुन, ओसो जोल कबुरतदिन, मुनेन वाटटद मन्ह्‌ता. अवु अगा नग़्का पिळ्‍विळ, पियल-पोळ्‍द, अमेसा-अमेसातुह्‌क किस मंटाते, सिक्सा आसोर मनदनुङ.

तोहचीतव पोल्‍लोङ 22:9

मति अद इता, “नाक दंडुम अरमा! नीवा लेह्‌कान, नीवा ऐंगेटोर देवुळता कबुरतोरा लेह्‌कान, इद पुस्तकताङ पोल्‍लोङ वेहतप ताकवालोरा लेह्‌कान, नना वने देवुळतुन माळवानन आंदन. अदिनेनाह्‌क (नाक आयो; मति) देवुळतुने दंडुम अर्म,” इनजोर इता.

तोहचीतव पोल्‍लोङ 22:10

ओसो अद नाक इता, “इद पुस्तकताङ पोल्‍लोङ करल आयनद कगो एरे एवता. अदिनेनाह्‌क इद पुस्तकताङ पोल्‍लोन मकिह कीस तासमा.