तोहचीतव पोल्‍लोङ 22:11 - माडिया गोंड पवित्र सास्त्रम

¹¹ बोर लाग्वाङ कीसोर ताकिह्‌तोर, ओर अहलेह्‌काने ताकिर; करब बुदतोर अहलेह्‌काने आसोर मनिर. ओसो बोर सेतेमतोर मन्ह्‌तोर, ओर अहलेह्‌काने मनिर; बोर पवित्रते मन्ह्‌तोर, ओर अहलेह्‌काने मनिर.

तोहचीतव पोल्‍लोङ 22:11 Referans Kwoze

2 तिमोति 3:13

मति लाग्वोर ओसो सोङ केवालोरु, दुस्रोरिन नाळेह कीसोर दास्तोर; ओसो दुस्रोर वने वेरिन नाळेह कीसोर दास्तोर; अद्रम वेर पका लाग्वोर आसोर दास्तोर.

मत्याल 15:14

वेर परुसिरक्‍के सीता केमाटु, वेर अहे मनिर. गुडिरिह्‌क अग़ तोहवालोर वेर गुडिरे! गुडिह्‌क गुडि अग़ तोहनेके, ओर इर्वुर आसि बोंदातगा अरयनुर!” इद्रमि ओरिन येसु इतोग़.

मत्याल 5:6

“देवुळता सेतेमते ताकलाह बोरु उनडा वसतप अहे कग़्विह्‌क आतप मन्ह्‌तोर, ओर देवुळता देय्वातोर. देवुळि ओरिन पंजिह कीयग़ा.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

मत्याल 25:10

अव बैरिस्कु नेय असलाह अताङ अस्के बार आता, मर्मपेकाल एवतोग़. एवतस्के, उसरताङ एयुङ लेयास्कु, कंदिस्किन पोतिह कीस तयर आस मताह्‌कु, मर्मपेकाना संगे मर्म-कुळ्प मनदनद लोते अताङ. पया तेल्पतुन गोल्स वाटिसीतोर.

इपिसुसतोर 5:27

मुर्तिय कसुरलेवा, बाताले कमिलेवा, बाताले डागिललेवा, पूरा पवित्रता सोबा अग़्के तनगा ततलाहि, तना जीवा ईतोग़.

मत्याल 21:19

अग़दगा उंदि अंजिर मरा दिसताह्‌कु, अगा तिनदलाह अंजिर पंडिङ मनदनुङ बहे, इन्जि येसु मराता एरे अन्जि ऊळतोग़. मति ऊळतेके उंद वने पंड अगा इले, वेट आकिङे मताङ. अस्के ओग़ मरातुन इतोग़, “ए मरातिन, नियगा बेस्केन कायाङ आदमाकिङ!” इनजोर सरप ईतोग़. अह इताहे चट्‌नेन मरा वतिस अता.

योहन 8:21

ओसो उंद देबा येसु ओरिन इतोग़, “नना पेसिस दाकन, अस्के मीट नाक पर्ह्‌ककिर. मीट मात्रम मीवा पापम मापि आयवाये हायकिर. बेगा नना दाकन, अगा मीट वाया पग़विर,” इतोग़.

तोहचीतव पोल्‍लोङ 16:21

ओसो पोग़ोटाहि रेंड वीसाङ किलोङ इचोटाङ आदुर बंडाङ मन्कलोरा पोग़ोन अरताङ. आदुर्कनेनाह मन्कलोर पकाय तिपल आतोर. अदिनेनाह्‌क आदुर्कना पीळातुह्‌कु, मन्कलोर देवुळतुन उस्कना-पास्कना कीतोर.

तोहचीतव पोल्‍लोङ 22:3

अद सहरतगा, देवुळ सरप ईतद बेदे मनो आयग़ा; मति देवुळि ओसो गोरेपिला, अविना राजकुर्सि अगा मनदग़ा. देवुळतुन माळवालोर ताना सेवा कीयनुर.

कुलुसितोर 1:22

अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्‌क डोलताह्‌कु, देवुळि मीक तना संगे कलियिह कीता. मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.

मत्याल 5:45

बाराह्‌क इतेके मीवा देवुळबाबाल तना पोळ्‍द पेहचि, नेह्‌नोरिह्‌क, लाग्वोरिह्‌क, सबेटोरिह्‌क वेह्‌च ईस्तोग़. अहे सेतेमतोरिह्‌क, पापमतोरिह्‌क, तना पेग़ अर्ह्‌चीस्तोग़. अद्रमलेह्‌का मीट वने ओना लेह्‌का, मीवा कोटुलतोरिन जीवा कीतेके, मीवा पोग़ोटोग़ बाबानाङ मग़्क-मयास्‍क आय्ह्‌निर इन्जि, सबेटोरिह्‌क दिसकिर.