तोहचीतव पोल्‍लोङ 2:25 - माडिया गोंड पवित्र सास्त्रम

²⁵ मति इद पोल्‍लो मात्रम सीता कीम्ह्‌टु: नना वानाह मियगा मनदनद विस्वसतुन पका पोस मन्ह्‌टु.

तोहचीतव पोल्‍लोङ 2:25 Referans Kwoze

तोहचीतव पोल्‍लोङ 3:11

ऊळाट! नना चट्पिटे वायना मन्ह्‌ता. वातस्के मीट गेल्सतिर इन्जि, देवुळता पिसमुळतुन इनम इनजोर ईकन. तान बोग़े ऊंदना आयो इन्जि, मीवा विस्वसतुन पका पोस मन्ह्‌टु.

तोहचीतव पोल्‍लोङ 22:7

(येसुसामि इन्ह्‌तोग़,) ‘ऊळाट! नना जल्दि वायकन! इद पुस्तकतगा पया आयनव पोल्‍लोङ रासिस मन्ह्‌ताङ. अविस्किन केंजिसि, अहलेह्‌का ताकवालोर मन्कलोर देय्वातोरु,’ (इनजोर येसु किर्स्तु नाक कबुर वेहतलाह लोहतोग़,)” इन्जि देवतुल इता.

तोहचीतव पोल्‍लोङ 3:3

मुने मीट बेद्रम देवुळता पोल्‍लोतुन केंजिसि, तान मीवा जीवातगा तासतिर, इदिन सीता कीस ऊळाट. सीता कीसि ताना लेह्‌का पिसाट. पापमता अग़दाहि मल्म्ह्‌टु. मीट उसरते मनवेक अचोन, कले वायना लेह्‌कान, नना मियगा दोम्ह्‌क्ने वायकन. नना बेद वेलाते वायकन, इदिन मीट मुर्तिय पुनविर आयकिर.

इब्रितोर 10:23

माक पोल्‍लो विळ्सतद देवुळि, माक नाळेह केवो. अदिनेनाह्‌क माट कबुल कीतद आसातुन रेंड विचर्क केवा, मेग़्किस पोयिङ.

तोहचीतव पोल्‍लोङ 22:20

इव पोल्‍लोन वेहवाल येसु इन्ह्‌तोग़, “इंगो! नना जल्दि वायकन,” इन्ह्‌तोग़. आमेन! ए येसुसामि वय!

1 तिसलुनितोर 5:21

मति सबे पोल्‍लोङ (देवुळतग्डाह मन्ह्‌ताङा, इलेङ इनजोर,) सेतेम पर्ह्‌किस ऊळाट. बेव सेतेम पोल्‍लोङ मन्ह्‌ताङ, अविस्किन पोस मन्ह्‌टु.

रोम सहरतोर 12:9

दुस्रोर विस्वसिरिन जीवा कीय्ह्‌नोम इनजोर, मीट सोङ केमाटु, मति जीवाताहि जीवा कीम्ह्‌टु. लाग्वाङ पोल्‍लोनग्डाह जेक मन्ह्‌टु, नेह्‌नाङ पोल्‍लोन अमेसा पोस मन्ह्‌टु.

तोहचीतव पोल्‍लोङ 1:7

ऊळाट, ओग़ मोयुलते वायलाह आतोग़; सबेटोर ओन ऊळनुर. ओन मोल्‍लाङ कोटिस हव्कतोर इंका ऊळनुर. दुनियाताङ सबे जातिनोर, ओनेनाह्‌क अर्युल पासोर केयनुर. इंगो आमेन.

इब्रितोर 4:14

मति मयेनाह्‌क बेरोग़ पेर्माल मन्ह्‌तोग़; ओग़ आंदोग़ देवुळता मग़ि येसु. ओग़ देवुळदीपते देवुळबाबाना बाजे उदिस मन्ह्‌तोग़. मावा लेह्‌कान ओन्क वने, पापम कीया वेसनाह सबे रीतिनाङ विचर्क वाताङ, तेला मति ओग़ बेस्केन पापम केवोग़. अदिह्‌क ओग़ मावा कमजोरतुन ऊळिस, जीवा लोपवाल आंदोग़. अदिनेनाह्‌क येसुनगा विस्वस कीयनद बेद पोल्‍लोतुन माट कबुल आय्ह्‌नल, अद पोल्‍लोतुन विळ्सवालेवा, मेग़्किस पोस मनदना गावले.

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

योहन 14:3

नना अन्जि मियेनाह्‌क जागा तयर कीतन इतेके, मल्स वासि मीक नयगा ओयकन. बाराह्‌क इतेके बेगा नना मह्‌नन, अगा मीट वने मनदना इन्जि.

2 पत्रु 3:10

मति मन्कलोरिह्‌क एर्का लेवस्के, कले वायना लेह्‌कान, सामि ओसोवने वायनद दिया वायग़ा. अस्के पोग़ोटा बूमि पका नेकसोर मायग़ा, अगा मनदनव सबेटव कर्विसि बूळेम आयनुङ. इळ्ता बूमि, ओसो तानगा कीतव सबे कबस्क पङ्ने आयनुङ.

1 कुरिंततोर 11:26

बह इतेके सामि वानाह्‌जोम, बेस्के-बेस्के जमा आस आरतुन तिह्‌निर, बट्किता अंगुर जोमातुन उह्‌निर, अस्के मियेनाह्‌क आतद सामिना हामुरता लोप्पा पोकुर कीकिर.

1 कुरिंततोर 4:5

अदिनेनाह्‌क मीट इंजेकेन बोने पर्ह्‌किस ऊळमाट. सामि वानाह केपाट. ईकळतगा मनदनविन वेह्‌चतगा ततना लेह्‌का, मन्कलोर तमा पोटालोप्पा मकिह कीस तासतव पोल्‍लोन, ओग़े पेसिह कीयनोग़. अस्के मन्कलोर तमा कीतद कबळता इसबते, निमा बेस कीतिन इनजोर, ओर्विन-ओर्विन देवुळि वेहतग़ा.

बळयिर 11:28

ओरग्डाहि अगबुस इनवाल मन्कल मतोग़.(उंद दिया विस्वसिर जमा आतस्के,) ओग़ तेदिसि “रोम राजाल ताकिह कीयनव सबे देसेह्‌कनगा, पका दुकळ अरयग़ा” इनजोर, ओग़ देवुळता जीवाता बुदते वेहतलाह आतोग़. (पया अद दुकळ कलोदियुस इनवाल रोम राजगादेतगा उदतस्के आता.)