तोहचीतव पोल्‍लोङ 2:21 - माडिया गोंड पवित्र सास्त्रम

²¹ पापमता अग़दाहि जर मलयि इनजोर, नना तान्क मोका ईतन; मति सिंड्रि कबळता अग़दाहि मलयलाह, तान्क विचर वावो.

तोहचीतव पोल्‍लोङ 2:21 Referans Kwoze

2 पत्रु 3:9

सामि तना पोल्‍लो विळ्सिस मतदिन केवालेवा, आल्सेम कीयलाह आता इनजोर, उच्वुर मन्कलोर विचर कीस्तोर. मति अद्रम आयो; बोग़े बूळेम आयनद आयो इन्जि, देवुळता विचर मन्ह्‌ता. सबेटोर मन्कलोरिह्‌क पापमता अग़दाहि जर मलयलाह, मोका दोर्कि इनजोर, अद मियेनाह्‌क आपसोर केपिह्‌ता.

तोहचीतव पोल्‍लोङ 16:11

तमा मंटातेनाह्‌क, ओसो तमाङ बोटानेनाह्‌क, पोग़ोटा देवुळतुन उस्कना-पास्कना कीतोर. मति तमा पापमता अग़दाहि मलवोर.

तोहचीतव पोल्‍लोङ 16:9

पकाय कांकाते मन्कलोर तिपल आंदुर, आसि इव बेराङ पीळाना पोग़ोन अदिकर मनदनद देवुळतुन, उस्कना-पास्कना कींदुर. मति तमा पापमता अग़दाहि मलवोर, अहे देवुळतुन मान ईस मोळ्कोर.

2 पत्रु 3:15

देवुळि मियेनाह्‌क आपिस केपिह्‌ता, इदिनु पिसमुळ दोर्किह कीयलाह, मीक अग़ ईता इनजोर पुन्ह्‌टु. इदे पोल्‍लोतुन, माट जीवा कीतोग़, मावा तोळतोग़ पोलु वने, देवुळि ओन्क ईतद बुदते मीक रासतोग़.

1 पत्रु 3:20

इव हानस्कु बेव इतेके, मुनेता कालमतोग़ नोहा मुय्तोग़ ओडा पंडनेके, देवुळता पोल्‍लो केंजवोराङ जीवाङ; अस्केडोर लोकुर तमा पापमताहि मिळ्न्दिसि, देवुळतुन नमनुर इन्जि, ओडा मारनाह्‌जोमु देवुळ अग़ ऊळसोर मता. मति सिरपि आटे लोकुर देवुळतुन नमिसि, अद ओडाते उदताह्‌कु, बूममेंड आतद उड्राताह पिसतोर.

रोम सहरतोर 9:22

अद्रमलेह्‌काने देवुळतुह्‌क वने, तना विचर मतप कीयलाह अदिकर मन्ह्‌ता. तमा पापमते बूळेम आयना लायक मनवालोरा पोग़ोन, देवुळि ओङ आस्ता. मति ओरिन अस्केडस्केन सिक्सा कीसि, तना लावतुन तोहो. ओरा लाग्वातनमतुन आपसोर, वेल्‍लाजोम केपसोर मन्ह्‌ता.