तोहचीतव पोल्‍लोङ 2:10 - माडिया गोंड पवित्र सास्त्रम

¹⁰ मीट तिपल आयकिरे, मति तान्क रेयमाट. केंजाट! देयह्‌कना मुक्यानाङ केंजिसि, ताना मुडोर मियग्डोर उच्वुरिन जेलते वाटिह्‌तोर. इद्रम देवुळिये मीवा विस्वसता पट ऊळिह्‌ता. दहा दियाङ मीट तिपल आयकिर; मति जीवा अनाह, विस्वस विळ्सवा मन्ह्‌टु. अस्के नना मीकु अमेसाता पिसमुळता इनम ईकन.

तोहचीतव पोल्‍लोङ 2:10 Referans Kwoze

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

मत्याल 10:22

ओसो मीट नाक नमवालोरिर आताह्‌कु, दुनियातोर मीकु कोटुल कीयनुर. मति आक्रि एवनाह बोर दीरा पोस मन्ह्‌तोर, ओरिन देवुळि पिसिह कीयग़ा.

1 पत्रु 5:4

इद्रम मतिर इतेके, सबेटोरा बेह्‌रा कोपाल येसु वानेके, मीकु बेस्केने मायवदु, बूळेम आयवदु डीसाता पाय्दा दोर्कग़ा.

मार्कल 13:13

ओसो मीट नाक नमवालोरिर आताह्‌कु, दुनियातोर मीक कोटुल कीयनुर. मति आक्रि एवनाह बोर दीरा पोस मन्ह्‌तोर, देवुळि ओरिने पिसिह कीयग़ा.”

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.

मत्याल 24:13

मति आक्रि एवनाह बोर दीरा पोस मन्ह्‌तोर, देवुळि ओरिने पिसिह कीयग़ा.

1 पत्रु 5:8

उसर आम्ह्‌टु! सीताते मन्ह्‌टु! मीवा अडम मनदनद देयह्‌कना मुक्याल, कह्‌चनद सिङपुललेह्‌का, बोन पोसि पिळ्ह-पळ्ह कीस तिनदकन इनजोरे तिरियिह्‌ता.

1 कुरिंततोर 9:25

कग़्सनगा गेल्सवालोरिह्‌कु, आकिने पंडटद सोबाता गीळि केग़्‍पिह कीस्तोर. अद वतनव आकिने पंडटद आंदु. तान दोर्किह कीयलाहि, ओर तमाङ मेंदुस्किन आव्रे कीस ताकिह्‌तोर. माट बारा बेस्केन वाग़वद गीळता इनम दोर्किह कीय्ह्‌नल.

मत्याल 10:28

“बोर मेंदुदुन हव्क पग़यह्‌तोर मति जीवातुन इट पग़वोर, ओर मन्कलोरिह्‌क मीट रेयमाटु. ओरिन रेयवा, जीवातुन ओसो मेंदुदुन, इव रेंडिन आसि पिववद किसबटटा सिक्सातगा बूळे कीया पग़यनद देवुळि, तान्के रेयाटु.

तोहचीतव पोल्‍लोङ 13:7

देवुळता मन्कलोरा संगे लळेम आसि ओरिन गेल्सलाह, तान्क अदिकर दोर्कता. ओसो सबे कूळिनोरिन, सबे देसेह्‌कनोरिन, दुस्राङ-दुस्राङ बासाङ वळ्ह्‌कवालोरिन, सबे जातिनोरिन ताकिह कीयलाहि, तान्क अदिकर दोर्कता.

इपिसुसतोर 2:2

देवुळतुन पुनवोर ताकिह्‌तोर, अदे अग़दे मीट मुने ताकिंदिर. पोग़ोन वळ्‍दे मनदनव देयह्‌कना मुक्याल बह ताकिह कींदु, अद्रमलेह्‌काने ताकिंदिर. इंजेक वने देवुळताङ पोल्‍लोङ केंजवोरिन, अवे देयह्‌कना मुक्याल ताकिह कीस्ता.

योहन 13:2

अस्के सिमोन इस्केर्योतना मग़ि यहुदाल, वेना जीवातगा देयह्‌कना मुक्याल येसुन कोंटेतोरिह्‌क पोस ईयना, इद्रमता आय्डा पुटिह कीस मता.

योहन 12:25

अद्रमलेह्‌काने बोर इद दुनियाते तमा जीवातुन पिसिह कीयलाह ऊळिह्‌तोर, ओर अमेसाता जीवातुन पोहतह्‌तोर. मति बोर बारा इद दुनियाते तमा जीवातुन पर्वा केवोर, ओरा जीवा अमेसातुह्‌क पिसग़ा.

लूकाल 21:12

“इव पूरा पोल्‍लोङ आयनामुने, मीट नाक विस्वस कीतेनाह्‌क, लोकुर मीकु पोस पका तिपल कीयनुर. यहुदिराङ पार्तना कीयनव लोह्‌कनगा पोस ओयनुर, जेलते वाटनुर. ओसो बोर बोर मीकु राजालोरगा, गुमसिरगा ओयनुर.

मार्कल 8:35

बोग़ इद बूमते तना कुदता जीवातुन पिसिह कीयलाह ऊळिह्‌तोग़, ओग़ आक्रिते बूळेम आयनोग़. मति बोग़ नावा बेसता कबुरतुन पोकुर कीयलाह सबे पोहतह्‌तोग़, ओन्क देवुळि पूना जीवा ईयग़ा.

तोहचीतव पोल्‍लोङ 13:2

नना ऊळतन अद रकस, नेग़लता लेह्‌का मता. तानाङ नला काल्कु, एळ्जताङ नला काल्कना लेह्‌का मताङ. ताना तोडि, डुवलता तोडटा लेह्‌का मता. इंजेक अद मासुंडि बह कीता इतेके, तना राजेम ताकिह कीयनद लावतुन, ओसो बेरा अदिकरतुन, रकसता कयदे ईता.

बळयिर 21:13

मति पोलु इतोग़, “मीट इद्रम बाराह्‌क इह्‌निर? मीट सबेटोरिर अळसि, नावा जीवातुन उड्ला केमाटु. नना येसु किर्स्तुनेनाह्‌कु येरुसलेमतगा जेलते मनदकन, अचोने आयो, मति ओनेनाह्‌क डोललाह वने तयरे मह्‌नन,” इनजोर इतोग़.

बळयिर 20:24

मति हातेकाय, पिसतेकाय, नावा जीवाता नना पर्वा केवोन. देवुळता दयाता बेसता कबुरतुन पोकुर कीम इनजोर, येसुसामि नाक ईतद सेवातुन मारिह कीयनद, इदे नाक बेसु.

योहन 13:27

यहुदाल आरतुन तितस्के, देयह्‌कना मुक्याल ओन आव्रे कीता. अस्के येसु ओन इतोग़, “नीवा बाताल कीयना विचर मन्ह्‌ता, अद चट्पिट मारि,” इतोग़.

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.