तोहचीतव पोल्‍लोङ 19:9 - माडिया गोंड पवित्र सास्त्रम

⁹ पया अद देवतुल नाक इता, “इद्रम रासा: गोरेपिलाता मर्म-कुळ्पतुह्‌क केयतोरु, ओर देय्वातोरु,” इनजोर इता. ओसो, “इव पोल्‍लोङ देवुळताङ सेतेम पोल्‍लोङ आंदुङ,” इनजोर इता.

तोहचीतव पोल्‍लोङ 19:9 Referans Kwoze

तोहचीतव पोल्‍लोङ 22:6

इव सबेटविन तोहतस्के, अद देवतुल नाक इता, “इंजेक जल्दि आयनव पोल्‍लोन, तन्क माळवालोरिन तोहतलाहि, तना कबुरतोरिन वेहनाह कीयनद देवुळि, मावा सामि, तना देवतुलतुन लोहता. इव पोल्‍लोङ बर्वस कीयना लायकताङ ओसो निटमताङ मन्ह्‌ताङ.

तोहचीतव पोल्‍लोङ 21:5

अस्के राजकुर्सतगा उदतद नाक इद्रम इता: “ऊळा! नना सबेटविन पूना कीयलाह आतन. नना वेहतनव पोल्‍लोङ, बर्वस लायकताङ ओसो निटमताङ मन्ह्‌ताङ. अदिनेनाह्‌क अविस्किन रासा,” इनजोर इता.

तोहचीतव पोल्‍लोङ 1:19

अदिनेनाह्‌क बेव पोल्‍लोङ निमा ऊळिह्‌निन, बेव आसोर मन्ह्‌ताङ, ओसो बेव पया आयनव मन्ह्‌ताङ, अविस्किन इंका रासा.

तोहचीतव पोल्‍लोङ 3:20

केंजाट! नना मीवा दारावंडटगा निच केयलाह आतन. बोर बोर नावा लेङतुन केंजिसि अग़दुन तेग़यनुर, ओरगा निटम ओळियकन, ओसो ओरा संगे नना उदिसि, माट ऐंगेन तिनदकोम, उनडकोम.

तोहचीतव पोल्‍लोङ 14:13

पया देवुळदीपताहि उंद लेङ इद्रम वेहतनद केंजतन: “इद्रम रासा: ‘इंजेटाहि सामिन विस्वस कीसोर डोलतोर मन्कलोरिह्‌क सुकम दोर्कग़ा’ इनजोर रासा,” इता. देवुळता जीवा वने इद्रम इन्ह्‌ता: “इंगो! निटमे! ओर कीतव बेसताङ कबस्किन, देवुळि अमेसा सीताते तासग़ा. अदिनेनाह्‌क ओर डोलतस्के, तिपललेवा ओरिह्‌क आरम दोर्कग़ा,” इनजोर इता.

तोहचीतव पोल्‍लोङ 10:4

केंज वातस्के, नना योहननन अव पोल्‍लोन रासलाह बोटटन. अचोटेने देवुळदीपताहि, उंद लेङ इद्रम इता: “गुळ्न्जिह्‌पा वेहतव पोल्‍लोन रासमा, अविस्किन मकिह कीस तासा,” इनजोर इता.

तोहचीतव पोल्‍लोङ 3:14

“लोदिकिया सहरता विस्वसिरा मुडा देवतुलतुह्‌क इद्रम रासा: आमेन इनदनद पेदिरतोग़ इतेके, बर्वस लायकतोग़ निटम साक्सि एवाल, बोना मेटे देवुळि सबेटविन पुटिह कीता, ओग़ु मीट विस्वसिरिन इनदलाह आतोग़:

तोहचीतव पोल्‍लोङ 3:7

“पिलदिलपिया सहरता विस्वसिरा मुडा देवतुलतुह्‌क इद्रम रासा: पवित्र मनवाल, सेतेम वळ्ह्‌कवाल, नीवा मुडोरिह्‌क कबुर लोहतलाह आतोग़. दाविदना राजेमता अदिकर वेनाय कयदे मन्ह्‌ता. वेग़ तेग़यतद अग़दुन, बोग़े केहता पग़वोग़; वेग़ केहतद अग़दुन बोग़े तेग़य पग़वोग़. वेनाङ केंजाटु:

तोहचीतव पोल्‍लोङ 3:1

“सरदिस सहरता विस्वसिरा मुडा देवतुलतुह्‌क इद्रम रासा: देवुळतग्डाङ एळुङ जीवानु बूममेंड लोहवाल, एळुङ उकान पोयतोग़ु, मीट विस्वसिरिन इनदलाह आतोग़: मीट बेद्रम ताकलाह आतिर इनजोर, नना पुतन. मीवा विस्वस जीवात मन्ह्‌ता इनजोर, लोकुर इन्ह्‌तोर; मति निटम ऊळतेके, अद डोललाह आता.

तोहचीतव पोल्‍लोङ 2:18

“तुवातिरा सहरता विस्वसिरा मुडा देवतुलतुह्‌क इद्रम रासा: किस मळ्गना लेह्‌काडाङ कोंडानोग़, ओसो मिळ्स्कनद इतुळता लेह्‌काडाङ नला काल्कनोग़ देवुळता मग़ि, मीट विस्वसिरिन इनदलाह आतोग़:

तोहचीतव पोल्‍लोङ 2:12

“पिरगमुन सहरता विस्वसिरा मुडा देवतुलतुह्‌क इद्रम रासा: रेंड बाजेङ वाय्व मनदनद ओळतद तल्वर कसेग़ पोयतोग़ु, मीट विस्वसिरिन इनदलाह आतोग़:

तोहचीतव पोल्‍लोङ 2:8

“सुमुरना सहरता विस्वसिरा मुडा देवतुलतुह्‌क इद्रम रासा: सुरुतोग़, मारेंगातोग़, डोलिसि जीवा अरतोग़ु, मीट विस्वसिरिन इनदलाह आतोग़:

तोहचीतव पोल्‍लोङ 2:1

अस्के नावा संगे वळ्ह्‌कतोग़ इतोग़, “इपिसुस सहरता विस्वसिरा मुडा देवतुलतुह्‌क इद्रम रासा: एळुङ उकान तना तिनळ कयदे पोसि, बंगरताङ एळुङ चिमलि गुटाना नडुम तिरियवाल, मीट विस्वसिरिन इनदलाह आतोग़:

तीतुस 3:8

इंजेके नना रासतन अव पोल्‍लोङ जोलताङ आयोङ. नना नीक वेहतह्‌नन, इव मोदुल पोल्‍लोङ इन्जि, इविस्किन तेळियिह कीसोर मन. अस्के देवुळतुन विस्वस कीतोरु, बेसताङ कबस्क कीयना सीतातेन मनदनुर. नना वेहतव पोल्‍लोङ सबेट्काय बेसताङ, ओसो मन्कलोरिह्‌क पाय्दाताङ पोल्‍लोङ आंदुङ.

2 तिमोति 2:11

इद पोल्‍लो सेतेमताये: माट किर्स्तुना संगे डोलतप लेह्‌कान आतल, इतेके ओनाय संगे जीवात मनदकल.

1 तिमोति 4:9

इद पोल्‍लो सेतेमताये ओसो सबेटोर केंजना लायकता आंदु.

1 तिमोति 1:15

इदिन बह सीता कीम: पापि लोकुरिन पिसिह कीयलाहि, येसु किर्स्तु इद बूमते वास मतोग़. इद पोल्‍लो सेतेमताये, इदिन माट पेग़्के-मुने आयवा, नम पग़यह्‌नल. पापि लोकुरग्डाहि, ननान कोनि मुक्यानन आंदन.

लूकाल 22:16

इंजेक नना मीक वेहतह्‌नन, इद पंडुम बेद पोल्‍लोतुन तोहतह्‌ता, अद पोल्‍लो देवुळता राजेमते करल आनाह्‌जोम, इदिन नना वडोन वन आयकन,” इनजोर इतोग़.

तोहचीतव पोल्‍लोङ 1:1

इंजेके जल्दि आयनव पोल्‍लोन, माक माळवालोरिह्‌क तोहचीम इनजोर, देवुळि अव पोल्‍लोन, येसु किर्स्तुह्‌क तोहच मता. येसु किर्स्तु, तना देवतुलतुन लोहचि, अविस्किन नाक तोहतोग़. नना योहननन येसुना सेवकनन, इंजेके अव पोल्‍लोन रासलाह आतन.

तोहचीतव पोल्‍लोङ 17:1

अद्रमलेह्‌काने पया, एळुङ कस्लाङ पोयतव देवतुल्कनग्डाहि, उंद देवतुल बह कीता, नयगा वासि इद्रम इता: “इंजेके वेल्‍लाङे कसानगा उदतद, (बेरा सहरतुन ऊळकिन, तान) पका लाग्वद बोगे आंचाळ इन्ह्‌तोर. ताना संगे साट्याल कबळ कीतप लेह्‌का, बूमतोर राजालोर, (बोमान मोळ्कनद) ताना पापमते कलियतोर. अद बोगे आंचाना साट्या बुदता रिमा आतप लेह्‌का, बूमतगा मनवालोर (सेतेम देवुळतुन विळ्सिस, बोमान मोळ्कलाह गिर्दा) आतोर. दय! देवुळि अद सहरतुह्‌क बेद्रम सिक्सा ईस्ता इनजोर, नीक तोहतकन,” इता.