तोहचीतव पोल्‍लोङ 18:21 - माडिया गोंड पवित्र सास्त्रम

²¹ अस्के उंद पका लावता देवतुलि, बेरा जेता बंडाता लेह्‌काडा बंडातुन तेहचि, सम्दुरतगा वाटसोरे इता, “देवुळि बेरा सहर बेबिलोनतुन, इद्रमे तेहच वाटिसीयग़ा, ओसो बूळे कीयग़ा. ताना पया अद सहर मुर्तिय दिसो आयग़ा.

तोहचीतव पोल्‍लोङ 18:21 Referans Kwoze

तोहचीतव पोल्‍लोङ 5:2

अस्के उंद पका लावता देवतुलतुन ऊळतन. अद जोरते इद्रम केयता, “इद तोला सीटटगा मेततदिन तेंडिसि, तान लेहतना लायकतोग़ बोग़ मन्ह्‌तोग़?” इता.

तोहचीतव पोल्‍लोङ 20:11

पया उंद बेरा पांड्रि राजकुर्सतुन ऊळतन. ताना पोग़ोन देवुळि उदिस मतदिन ऊळतन. अचोटेने इळ्ता बूमि ओसो पोग़ोटा बूमि, ताना मुनेहताहि वितताङ. अविस्कना पता-जाडा वने दोर्को.

तोहचीतव पोल्‍लोङ 18:22

बेबिलोन सहरतिन! नियगा ओसो बेस्केन जेतुर एचनद, पाटा वाग़नद, सनय ऊरनद, अकुम ऊरनद केंज वावो आयग़ा. मिस्त्रिर, कुमालोर, कोल्से कबळ केवालोर, इद्रमलेह्‌काडोर दंदा केवालोरु इंजेके नियगा मनोर आयनुर. जेता बंडाते पिंड नोग़नद लेङ, इंजेके नियगा केंज वावो आयग़ा.

तोहचीतव पोल्‍लोङ 16:20

अस्के सम्दुरता नडुम मनदनव सबे तोग़िङ मायताङ; सबे मेटाङ वने मायताङ.

तोहचीतव पोल्‍लोङ 12:8

मति मासुंडि गेल्स पग़वो. अदिनेनाह्‌क देवुळदीपतगा मनदलाह, तान्क जागा दोर्को.

तोहचीतव पोल्‍लोङ 18:10

ओर अद सहरताङ तिपल्कनेनाह्‌क रेयिसि, जेक निचि इद्रम इनदनुर: “अलो! बेरा सहरतिन! बेबिलोनतिन, बेरोर राजालोरा सहरतिन! नीक बेचोन गोसा वाता! गट्कामेटेन नीक सिक्सा दोर्कता,” इनदनुर.

तोहचीतव पोल्‍लोङ 10:1

अद्रमलेह्‌काने पया पकाय लावता ओसो उंद देवतुलि, देवुळदीपताहि इळ्न रेगनदिन ऊळतन. अद मोयुलतुन गेंदेता लेह्‌कान उहचि मता. ताना तलापोग़ोन उंद देवुळविल मता. ताना मोकमि पोळ्‍दलेह्‌का दींचिंदु. ओसो तानाङ काल्क किसगुटाना लेह्‌कान मताङ.