तोहचीतव पोल्‍लोङ 18:14 - माडिया गोंड पवित्र सास्त्रम

¹⁴ ओसो सहरतुन इनदनुर, “निमा पकाय विचर कीतिन, अद बेसता माल इंजेके नीक दोर्को. नियगा मतदु वेल्‍ला दाराता मालु, ओसो पका सिंग्रमता मालु, इंजेके मायता. नियग्डोर मन्कलोरिह्‌क, अद इंजेके मुर्तिय दोर्को,” इनदनुर.

तोहचीतव पोल्‍लोङ 18:14 Referans Kwoze

1 कुरिंततोर 10:6

ओर लाग्वव पोल्‍लोन लालुस कीताह्‌कु, बूळेम आतोर. ओर कीतप लेह्‌का, माट वने कीयनद आयो इनजोर माक काग़्हतलाहि, अव पोल्‍लोङ आताङ.

याकुब 4:2

मीटु बेव गावले इनजोर विचर कीय्ह्‌निर, अव मीक दोर्कोङ. अदिनेनाह्‌क मीट दुस्रोरिन हव्किह्‌निर. दुस्रोरा मादगा कोंडा वाटिह्‌निर, मति मीक अव दोर्कोङ. अदिह्‌क जग्ळाङ-बोबाङ कीय्ह्‌निर, अद्रम कीसाय मति, मीक अव दोर्कोङ. बह इतेके, मीट देवुळतुन ताल्ह्‌कविर.

लूकाल 16:25

अस्के अब्रहम इतोग़, ‘ऊळा पेका! निमा सीता कीम, जीवात मनदह्‌पा, नीवा पिसमुळते बाताल गावले मता, अद सबे नीक दोर्कता. मति वेग़ लाजरिह्‌क इतेके, अद्रमता सुकमता पिसमुळ दोर्को. इंजेके इगा वेन्क बाताले तिपल इले. मति निमा मात्रम अगा कर्वलाह आतिन.

लूकाल 12:20

इद्रम विचर कीनेके, देवुळि ओनु, ‘ए! बुदलेवोनिन! नेंडे नग़्का नीवा जीवातुन नना ओतेके, निमा इचोन जमा कीस तासतद, सबे मालसोम बोन्क आयग़ा?’ इनजोर इता.

मत्याल 11:8

अद्रमतोन आयवेके पया, बोन ऊळ अन्ज मतिर? रेसेम गेंदेङ उहतोग़ मन्कनुया? केंजाटु, रेसेम गेंदेङ उहतोर मन्कलोर पेळ्ह्‌कल बूमतगा मनोर, राजमिदेनगान मन्ह्‌तोर.

तोहचीतव पोल्‍लोङ 18:13

बेस गब वायनव मस्लाङ, दूपमि, गम-गम एग़्स्कनद अतर्नेय, बेस-नेह्‌ना एग़्स्कतद एवेग़ि, अंगुर जोमा, जय्तुन नेयु, असलता गोह्‌क पिंडि ओसो गोह्‌कु, कोंदाङ-मूरेङ, गोरेङ, एर्रेङ, कोडाङ, कोडा गाडाङ, ओर्युलतोरु, इव सबेटविन असवालोर बोरे इलेर इनजोर अळयनुर.

तोहचीतव पोल्‍लोङ 18:15

इद मादुन अद सहरतोर मन्कलोरिह्‌क वमिसि, साव्कर आतोर दंदा केवालोरु, ताना तिपलतुन ऊळिसि, रेयिस मन्जि, जेक नितनुर. निचि अळसोर, दुकम आसोर इद्रम इनदनुर: