तोहचीतव पोल्‍लोङ 14:6 - माडिया गोंड पवित्र सास्त्रम

⁶ पया नना उंद देवतुलतुन मोयुदगा पग़ियनदिन ऊळतन. तानगा बूमतगा मनवालोर सबे जातिनोर, कूळिनोर, दुस्राङ-दुस्राङ बासाङ वळ्ह्‌कवालोर, सबे देसेह्‌कनोर मन्कलोरगा पोकुर कीयलाहि, बेस्केन मिळ्न्दवद बेसता कबुर मता.

तोहचीतव पोल्‍लोङ 14:6 Referans Kwoze

मार्कल 16:15

पया ओसो इतोग़, “मीट पूरा बूममेंड अन्जि, नावा बेसता कबुरतुन सबेटोरिह्‌क पोकुर कीम्ह्‌टु.

तोहचीतव पोल्‍लोङ 8:13

अद्रमलेह्‌काने पया उंद गंदाल पिटे, पोग़ोटाहि पग़यिस वायनद ऊळतन. अद पका जोरते इद्रम इनदनद केंजतन: “इंजेके पिसतव मूंड देवतुल्कु, तमाङ अकुह्‌क ऊरना मन्ह्‌ता. अव अकुह्‌क नेकिह्‌पा, सबेटोर बूमतोरिह्‌क बेचोन गोसा, गोसा, गोसा!” इनजोर इनदनद केंजतन.

तोहचीतव पोल्‍लोङ 3:10

मीट तिपल आयह्‌पा, नना मीक वेहतपु, तिपलतुन दीराते आपसोर मतिर. अदिनेनाह्‌क पूरा बूमते मनवालोरा पट ऊळलाहि, बेद तिपल इंजेके बूमतगा वायलाह आता, अद तिपलताहि नना मीक पिसिह कीस तासकन.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

तोहचीतव पोल्‍लोङ 13:7

देवुळता मन्कलोरा संगे लळेम आसि ओरिन गेल्सलाह, तान्क अदिकर दोर्कता. ओसो सबे कूळिनोरिन, सबे देसेह्‌कनोरिन, दुस्राङ-दुस्राङ बासाङ वळ्ह्‌कवालोरिन, सबे जातिनोरिन ताकिह कीयलाहि, तान्क अदिकर दोर्कता.

इब्रितोर 13:20

सुकम ईयनद देवुळि, तना विचर कीतप लेह्‌का मीट कीयनाह, मीक सबे बेसताङ पोल्‍लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्‍लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्‌क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्‌क मान ईयिर. आमेन.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

मत्याल 10:27

बेद नना मीक ईकळते वेहतह्‌नन, अदिन मीटु वेह्‌चते लोकुरा मुनेह पिङम-पङम वेहाटु. ओसो बेव नना मीवा केवदे वेहतह्‌नन, अविनु लोता पोग़ोन निचि, पोकुर कीम्ह्‌टु.

तोहचीतव पोल्‍लोङ 10:11

तोला सीटटुन तितापया, नाक इद्रमता उकुम केंज वाता: “इंजेके वायनद कालमते वेल्‍लाङे देसेह्‌कनोरिन, वेल्‍लाङे जातिनोरिन, वेल्‍लाङे बासानोरिन, वेल्‍लाटोर राजालोरिन, (ओरा लोप्पा आयनव पोल्‍लोन,) देवुळता जीवा नीक वेहतप लेह्‌कान, निमा ओसोवने वेहतकिन,” इनजोर इता.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.