तोहचीतव पोल्‍लोङ 13:3 - माडिया गोंड पवित्र सास्त्रम

³ रकसता उंद तलातगा, जीवा तिनदनद बेरा नोमुर आस मता; मति अद हामुर ईतप लेह्‌का मतद नोमुर सव्रेम आता. अद नोमुर सव्रेम आतदिन, बूममेटोर लोकुर ऊळिस बामतोर. बामिसि तान मानेम आस, ताना पयाह अतोर.

तोहचीतव पोल्‍लोङ 13:3 Referans Kwoze

तोहचीतव पोल्‍लोङ 17:8

अद इद्रमि: निमा ऊळतिन अद रकस मुने मता, इंजेक इले; मति अद देयमदीपता सिक्सा-बोंदाताहि, इंजेक तेदग़ा. अस्केने देवुळि तान पूरा बूळे कीयग़ा. बूम पुटटस्केडाहि, उच्वुर मन्कलोराङ पेदिर्क, अमेसातुह्‌क पिसवालोरा पुस्तकतगा रासतव मन्ह्‌ताङ. अद पुस्तकते बोराङ पेदिर्क रासतव इलेङ, इतेके इद दुनियातोर मन्कलोरु, ओरु अद हातद रकस तेग़्कतदिन ऊळिसि बामनुर.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 17:10

एळवुर राजालोरग्डाहि, एयवुराङ राजेह्‌क बूळेम आताङ. ओर्वोग़ इंजेके राजेम कीस्तोग़. ओसो ओर्वोग़ वायनोग़. ओग़ वातस्के, गळ्के राजेम ताकिह कीयनोग़.

तोहचीतव पोल्‍लोङ 17:13

ओर सबेटोर तमा लावतुन, ओसो अदिकरतुन, रकसतुह्‌क ईकल इनजोर, उंद विचर आयनुर.

तोहचीतव पोल्‍लोङ 13:12

इद दुस्रा रकस बह कीस्ता इतेके, मुनेता रकसता पूरा अदिकरतुन पोसि, ताना मुनेह राजेम ताकिह कीस्ता. कीसि अद मुनेता नोमुर सव्रेम आतद रकसतुन, पूरा बूमतोर लोकुर मोळ्कनाह कीस्ता.

बळयिर 8:13

पया सिमोन वने विस्वस कीसि, येसुना पेदिरते एग़ मीतोग़. पिलिप, देवुळता लावते बेराङ-बेराङ डीसाताङ कबस्क कींदोग़. अव कबस्किन ऊळिसि, सिमोन बामिंदोग़. अदिनेनाह्‌क ओग़ पिलिपनाय संगे मंदोग़.

लूकाल 2:1

योहन पुटटापया, रोम सर्करता ओगुस्तुस कय्सर राजानेनाह, तना ताकिह कीयनव सबे देसेह्‌कनोरिन, तमाङ-तमाङ पेदिर्क सर्करता पुस्तकतगा रास वेहतना (इतेके सिरगंचि कीयना) इनजोर उकुम वाता.

तोहचीतव पोल्‍लोङ 17:6

ओसो अद आंचाळ ओचिस मतद ऊळतन. येसुना साक्सि मन्जि डोलतोर देवुळता पवित्र मन्कलोरा नेतुर उन्जि, अद आंचाळ ओचिस मता. नना तान ऊळिस पका बामतन.

योहन 12:19

अदिनेनाह्‌क परुसिर तमतमाय इतोर, “ऊळाटु, मावा ताको रो, माट आरेम आतल गोतो. कतमतोर ओनाय पयाह दायलाह आतोर!” इतोर.

तोहचीतव पोल्‍लोङ 17:11

मुने मता, इंजेके इले, अद रकस इतेके, आट मल्कातोग़ राजाल आंदोग़. अद एळवुर राजालोरा लेह्‌काडाये; मति तान वने देवुळि बूळे कीयग़ा.