तोहचीतव पोल्‍लोङ 13:1 - माडिया गोंड पवित्र सास्त्रम

¹ पया उंद रकस सम्दुरताहि पेसिस वायनद ऊळतन. तान्क दहा कोह्‌क मताङ, ओसो एळुङ तलाङ मताङ. दहा कोह्‌कनगा दहा राजटोपिङ मताङ. तानाङ एळुङ तलानगा देवुळतुन पास्कना लेह्‌काडाङ पेदिर्क रासतव मताङ.

तोहचीतव पोल्‍लोङ 13:1 Referans Kwoze

तोहचीतव पोल्‍लोङ 12:3

पया ओसो उंद सीना देवुळदीपतगा दिसता. अद इद्रम मता: ऊळाट, उंद बेरा नेत्रल मासुंड तरस मता, तान्क एळुङ तलाङ, दहा कोह्‌क मताङ. ओसो एळुङ तलानगा, एळुङ राजटोपिङ केग़्स मता.

तोहचीतव पोल्‍लोङ 17:3

अचोटेने देवुळता जीवाता दळ्म नयगा अर्सि, देवतुल नाक पेळ्ह्‌कल बूमतगा ओता. ओसि नाक उंद लेका तोहता. अद लेकाते अगा, उंद रेंगाल रकसता पोग़ोन उदतद आंचान नना ऊळतन. अद रकसता पूरा मेंदुलमेंड, देवुळतुन पास्कनव पेदिर्क मताङ. अहे तान्क एळुङ तलाङ ओसो दहा कोह्‌क मताङ.

तोहचीतव पोल्‍लोङ 11:7

ओर देवुळता साक्सितुन वेहतनद मारिह कीतस्के, देयमदीपता सिक्सा-बोंदाताहि, किर्स्तुना विरुदतद रकस पेसिस वास्ता, वासि ओर इर्वुरिन लळय कीस्ता. अह कीसि, ओरिन गेल्सिस हव्किह्‌ता.

तोहचीतव पोल्‍लोङ 17:16

निमा ऊळतिन अद आंचाळि, बूमतोर राजालोरिन ताकिह कीयनद बेरा सहर आंदु. निमा ऊळतिन, अव दहा कोह्‌क ओसो रकस बह कीयनुङ, अद बोगे आंचान कोंटे कीयनुङ. कीसि तानाङ गेंदेङ कुळ्हचि, तान कूळल कीयनुङ. अह कीस तानाङ अविङ तिनदनुङ, तान किसते बोळ्सनुङ. देवुळताङ सबे पोल्‍लोङ निटम आनाहि, ओर राजालोर, रकसतुह्‌क राजेम ईकल इनजोर, उंद एका आसि, रकसताङ केंजसोर मनिर इनजोर, देवुळि इद विचरतुन ओरा बुदतगा वाटटा,” इनजोर इता.

तोहचीतव पोल्‍लोङ 15:2

ओसो सम्दुरता लेह्‌काडदिन ऊळतन. अद अदमता लेह्‌का, ओसो किस काल्ह्‌पतप लेह्‌का दिसिंदु. बोर मन्कलोर मुनेता रकसता बोमातुन मोळ्कवा, तमाङ मेंदुस्कनगा ताना पेदिरता लेकातुन रासवा, तान गेल्सिस मतोर, ओर अद सम्दुरता दडटगा निच मतद ऊळतन. ओर देवुळि ईतव जेतुर्क पोस निच मतोर.

तोहचीतव पोल्‍लोङ 17:5

ताना तला-कपरातगा पेदिर रासिस मता, अद पेदिरता अर्तम बोरे पुनवप मता. अद इद्रम मता: “बेरा बेबिलोन सहर: बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.

तोहचीतव पोल्‍लोङ 13:11

पया दुस्रा उंद रकस बूमतग्डाहि पेसिस वायनद ऊळतन. तान्क गोरेपिलाता लेह्‌का रेंड कोह्‌क मताङ. अद वळ्ह्‌कनस्के बार, मासुंडता लेह्‌का वळ्ह्‌किंदु.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 13:15

इतस्के ओर बोमा पंडिह्‌तोर. बोमातुन जीवा अर्हतलाहि, दुस्रा रकसतुह्‌क अदिकर दोर्किह्‌ता. अदिनेनाह्‌क अद बोमा जीवा अर्सि वळ्ह्‌किह्‌ता, ओसो तन्क मोळ्कवोर सबेटोर मन्कलोरिन हव्कलाह वेहतह्‌ता.

तोहचीतव पोल्‍लोङ 16:13

अचोटेने नना ऊळतन: मासुंडता तोडटाहि, सम्दुरतग्डाह पेसतद रकसता तोडटाहि, जोल कबुर वेहतनद बूमतग्डा रकसता तोडटाहि, मूंड देयह्‌क पेसताङ. अव देयह्‌क पंडेनलेह्‌का दिसताङ.

तोहचीतव पोल्‍लोङ 19:19

इतस्के नना ऊळतन: अद सम्दुरतग्डा रकस, बूमतग्डोर राजालोर, ओराङ सबेटोर सीपय्क जमा आस मतोर. ओरु पांड्रि कोडाता पोग़ोन उदतोना, ओसो ओनाङ सीपय्कना संगे लळय कीयलाह, जमा आस मतोर.