तोहचीतव पोल्‍लोङ 12:4 - माडिया गोंड पवित्र सास्त्रम

⁴ ताना तोका, मूंड तूस्कनाहि उंद तूस पोग़ोटाङ उकान गुंजिसि, बूमतगा अर्ह्‌चीता. अह कीसि पया, अद आंचाळि रिकम आतस्के, ताना मग़िन लोपलाहि, आंचाना मुनेह निच मता.

तोहचीतव पोल्‍लोङ 12:4 Referans Kwoze

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

तोहचीतव पोल्‍लोङ 9:19

अव कोडाना लावु अविस्कनाङ तोडिनगा, तोकानगा मता. ओसो तरस्कना लेह्‌का, अविस्कनाङ तोकानगा तलाङ मताङ. अवटे अवु मन्कलोरिन तिपल कींदुङ.

तोहचीतव पोल्‍लोङ 9:10

अविस्कनाङ तोकाङ, मिचो तोकाना लेह्‌कान मताङ. अव तोकानगा काटाङ मताङ. मन्कलोरिन एयुङ नेलाङ आनाह, अळसिह कीयलाहि, अविस्किह्‌क लाव दोर्किस मता; अद लाव अविस्कनाङ तोकानगा मता.

तोहचीतव पोल्‍लोङ 8:7

मुनेता देवतुलि तना अकुमतुन ऊरता, ऊरतस्के आदुर्कु ओसो किसु, नेतुरता संगे कलियिस, बूमतगा अरताङ. अरतस्के, बूमताङ मूंड चेकानाहि, उंद चेका बूमि कर्वता. ओसो मूंड चेकानाहि उंद चेकाताङ मराङ कर्वताङ. अहे सबे पह्‌ना रोंडा कर्विस नेग़ आता.

1 पत्रु 5:8

उसर आम्ह्‌टु! सीताते मन्ह्‌टु! मीवा अडम मनदनद देयह्‌कना मुक्याल, कह्‌चनद सिङपुललेह्‌का, बोन पोसि पिळ्ह-पळ्ह कीस तिनदकन इनजोरे तिरियिह्‌ता.

तोहचीतव पोल्‍लोङ 8:8

पया दुस्रा देवतुलि तना अकुमतुन ऊरता. ऊरतस्के, किस कर्वनद उंद बेरा मेटालेह्‌कान, बातालो मति सम्दुरतगा अरता. अरतस्के, सम्दुरताङ मूंड चेकानाहि उंद चेका सम्दुर, नेतुर मारियता.

तोहचीतव पोल्‍लोङ 8:9

नेतुर मारियताह्‌कु, अग्डाङ सबे जन्वर्क डोलताङ. अगा मतव ओडाङ वने बूळेम आताङ.

तोहचीतव पोल्‍लोङ 8:10

मूंड मल्काता देवतुलि, तना अकुमतुन ऊरता. ऊरतस्के बेरा उंद उका, तोरे किसलेह्‌कान मळ्गसोर, पोग़ोटाहि अरयलाह आता. अस्के बूमतग्डाङ बेरेह्‌कु, एग़ पेसनाङ कनिर्कु, इविस्कनाङ मूंड चेकानाहि उंद चेकाताङ बेरेह्‌कनगा, ओसो एग़ पेसनाङ कनिर्कनगा, इद उका अरता.

तोहचीतव पोल्‍लोङ 8:11

अद अरतस्के, मूंड चेकानग्डाहि उंद चेकाता बेसतल एग़ कयता. एग़ कयताह्‌कु, अद एग़ उटोरु वेल्‍लाटोर मन्कलोर डोलतोर. अदिह्‌क अद उकातुन कयमुलि इन्ह्‌तोर.

तोहचीतव पोल्‍लोङ 8:12

नालुङ मल्काता देवतुलि तना अकुमतुन ऊरता. ऊरतस्के पोळ्‍दु, नेला, उकानगा पीळा अरता. पीळा अरतस्के, अव मुनेता लेह्‌का दींचोङ. अदिनेनाह्‌क पियलि नालुङ गंटाङ, पोळ्‍दता वेह्‌च इलवा मता. अहे नग़्काटुह्‌क नालुङ गंटाङ नेलाता, उकाना वेह्‌च इलवा मता.

तोहचीतव पोल्‍लोङ 12:7

पया देवुळदीपतगा उंद लळय आता. मीकाय्ल इनदनद देवुळता देवतुलि तना तोळतव देवतुल्किन पोसि, ओसो मासुंडि तना तोळतविन पोसि, ईनाह-आनाह लळय आताङ.

तोहचीतव पोल्‍लोङ 13:2

नना ऊळतन अद रकस, नेग़लता लेह्‌का मता. तानाङ नला काल्कु, एळ्जताङ नला काल्कना लेह्‌का मताङ. ताना तोडि, डुवलता तोडटा लेह्‌का मता. इंजेक अद मासुंडि बह कीता इतेके, तना राजेम ताकिह कीयनद लावतुन, ओसो बेरा अदिकरतुन, रकसता कयदे ईता.

तोहचीतव पोल्‍लोङ 13:4

इद रकसता लेह्‌का बेरा बेदे इले, ताना संगे लळेम आया पग़वाल बोग़े इलेग़ इन्जि, रकसतुन वने मोळ्कतोर. पया मासुंडि तना अदिकरतुन रकसतुह्‌क ईताह्‌कु, लोकुर मासुंडतुन वने मोळ्कतोर.

तोहचीतव पोल्‍लोङ 16:13

अचोटेने नना ऊळतन: मासुंडता तोडटाहि, सम्दुरतग्डाह पेसतद रकसता तोडटाहि, जोल कबुर वेहतनद बूमतग्डा रकसता तोडटाहि, मूंड देयह्‌क पेसताङ. अव देयह्‌क पंडेनलेह्‌का दिसताङ.

तोहचीतव पोल्‍लोङ 20:2

पया अद देवतुलि मासुंडतुन पोसि, दोहच ओता. अद मासुंडि इतेके, मुनेता तरसि. तान देयह्‌कना मुक्याल ओसो सय्तन वने इन्ह्‌तोर. देवतुल तान दोहच ओसि, देयमदीपता सिक्सा-बोंदातगा वाटिसीता. वाटिसि अग़दुन केहचि, बोग़े तेग़यनायो इन्जि, तालम ईता. अद्रम कीताह्‌कु, अजर वर्साङ आनाह, सबे जातिनोर लोकुरिन, देयह्‌कना मुक्याल लेसिह कीया पग़वो. अजर वर्साङ मारतापया, तान गळ्किह्‌क विळ्समुळ आयग़ा.